Սեմինարիա
Հովհաննես 1․1-51

Հովհաննես 1․1-51

Հիսուս Քրիստոսի տիտղոսներն ու դերերը

Frontal head and shoulders portrait of Jesus Christ. Christ is depicted wearing red and white robes. In 1989, a correlation review committee evaluated the painting with regard to its suitability for Church use. The painting was rated a “5” on a scale of 1-5 (with “5” as the high).

Իր պատմության առաջին գլխում Հովհաննես առաքյալը բացահայտել է Փրկիչի դերերից և տիտղոսներից շատերը: Այս դասը կօգնի ձեզ ավելի լավ ճանաչել Հիսուս Քրիստոսին՝ բացահայտելով Նրա տիտղոսներն ու դերերը և սովորելով դրանց մասին:

Կենտրոնացեք Հիսուս Քրիստոսի տիտղոսների և դերերի վրա Սովորեցրեք ուսանողներին բացահայտել սուրբ գրություններում զետեղված Հիսուս Քրիստոսի բազում տիտղոսները: Օգնեք նրանց քննել տիտղոսի իմաստը, թե ինչու է այն օգտագործվում այդ հատուկ հանգամանքում, և ինչ է այն սովորեցնում Հիսուս Քրիստոսի մասին:

Ուսանողի պատրաստում. Առաջարկեք ուսանողներին խնդրել իրենց ընկերներին և ընտանիքի անդամներին կիսվել, թե Հիսուս Քրիստոսի տիտղոսներից կամ դերերից որոնք են ամենակարևորը նրանց համար և ինչու:

Հնարավոր ուսումնական վարժություններ

Տիտղոսներ և դերեր

60 վայրկյանում գրեք որքան հնարավոր է շատ տիտղոսներ կամ դերեր ձեզ համար (օրինակ՝ զարմիկ, ուսանող, քարտուղար՝ ձեր Երիտասարդ կանանց դասարանում և այլն):

Ձեր ցուցակից պատահականորեն ընտրեք մեկ տիտղոս կամ դեր և պատկերացրեք, որ դա միակ բանն է, որ ինչ-որ մեկը գիտի ձեր մասին:

  • Նա ի՞նչ կարևոր տեղեկություն բաց կթողներ, եթե դա լիներ միակ բանը, որ նա կիմանար ձեր մասին:

  • Ինչպե՞ս կփոխվեին ձեր հարաբերություները մի մարդու հետ, ով կհասկանար ձեր տարբեր տիտղոսներից և դերերից յուրաքանչյուրը:

Խնդրեք մի քանի ուսանողների կիսվել իրենց ցուցակներով: Ընտրեք մեկ ցուցակ և բարձրաձայն կարդացեք այդ ցուցակից միայն մեկ դեր կամ տիտղոս: Տեսեք, թե արդյոք ուսանողները կկարողանան գուշակել, թե որ ուսանողին է այն նկարագրում: Ապա բարձրաձայն կարդացեք ամբողջ ցուցակը: Տեսեք, թե արդյոք ուսանողները կցանկանան փոխել իրենց պատասխանները՝ այդ անձի բազմաթիվ տիտղոսների և դերերի մասին իմանալուց հետո:

Հիսուս Քրիստոսն ամեն ինչ գիտի ձեր մասին և սիրում է ձեզ: Քանի որ մեզանից յուրաքանչյուրը կարող է ստանալ հավերժական կյանքի պարգևը միայն գալով Նրա մոտ (տես Հովհաննես 17.3), Նա հրավիրում է ձեզ նույնպես իմանալ Իր մասին: Հիսուս Քրիստոսի սուրբ գրություններում նշված տիտղոսներից և դերերից յուրաքանչյուրը ուսուցանում է մի եզակի և կարևոր բան Նրա մասին: Հովհաննեսը սկսում է իր Ավետարանը՝ կիսվելով բազում կարևոր տիտղոսներով, որոնք կարող են օգնել մեզ ավելի լավ ճանաչել Փրկիչին:

Կարդացեք Հովհաննես 1.29-ը և փնտրեք մի տիտղոս, որն օգտագործվում է Փրկիչին այս հատվածում նկարագրելու համար:

Կարող եք ձեր օրագրում մի էջ բացել՝ կոչելով այն «Հիսուս Քրիստոսի տիտղոսներ և դերեր» և գրեք «Աստծո Գառ»: (Եթե անցյալ դասին դուք արդեն նվիրել եք ձեր օրագրի էջերը այս տարի Հիսուս Քրիստոսի մասին ձեր սովորածին, այդ ցուցակը կարող եք սկսել այդ էջերից մեկում):

Կարող եք գրատախտակին գրել Փրկիչի տիտղոսների և դերերի ցուցակ, որը նման կլինի այն ցուցակին, որը ուսանողները կկազմեն իրենց օրագրերում: Այդ ցուցակին ավելացրեք այն բոլոր տիտղոսներն ու դերերը, որոնք կբացահայտեք դասի ընթացքում:

  • Այս տիտղոսն ի՞նչ է ուսուցանում ձեզ Հիսուս Քրիստոսի մասին: Ի՞նչ է այն ուսուցանում ձեզ Երկնային Հոր մասին:

Փրկիչի տիտղոսներն ու դերերն ավելի լավ իմանալու համար կարող եք ուսումնասիրել սուրբ գրությունները և համաժողովների ելույթները, որոնք ավելի լավ կբացատրեն Նրա տիտղոսներն ու դերերը: Սուրբ գրքերի ուղեցույցը, Թեմատիկ ուղեցույցը, Աստվածաշնչի բառարանը, որոնման գործառույթները ChurchofJesusChrist.org կայքում և Gospel Library հավելվածը կարող են օգնել ձեզ ուսումնասրելիս:

Որոնեք «Հիսուս Քրիստոս՝ Աստծո Գառ» արտահայտությունը Սուրբ գրքերի ուղեցույցում կամ Թեմատիկ ուղեցույցում և կարդացեք սուրբ գրությունների այլ հատվածներ, որոնք ուսուցանում են Փրկիչի և Նրա առաքելության մասին՝ Հովհաննեսի կողմից օգտագործված այս սուրբ տիտղոսի միջոցով:

  • Ինչ գաղափարներ ձեռք բերեցիք Հիսուս Քրիստոսի մասին՝ որպես «Աստծո Գառ»:

Նախորդ հարցի պատասխանները լսելուց հետո որոշեք, թե արդյոք ուսանողներին օգտակար կլինի Նախագահ Նելսոնի կողմից տրված այս տիտղոսի բացատրությունը, որը գտնվում է այս դասի «Բացատրական և պատմական տեղեկություն» բաժնում:

Առաջարկեք ուսանողներին սուրբ գրությունների հետևյալ հատվածներում փնտրել զուգընկերոջ հետ միասին:

Կարդացեք Հովհաննես 1.1-14, 41, 49-ը և շարունակեք ձեր օրագրում ավելացնել այս հատվածներում տրված Հիսուս Քրիստոսի տիտղոսներն ու դերերը: Գուցե ցանկանաք կարդալ նաև Ջոզեֆ Սմիթի Թարգմանություն, Հովհաննես 1.1-14-ը (Աստվածաշնչի հավելվածում):

Խնդրեք կամավորներին դասարանի հետ կիսվել իրենց գտածով և խրախուսեք ուսանողներին ավելացնել նրանց կողմից բաց թողնված տիտղոսները կամ դերերը:

  • Փրկիչի՝ ձեր իմացած տիտղոսներից կամ դերերից որո՞նք չկան Հովհաննես 1 հատվածում:

  • Դրանցից որո՞նք են յուրահատուկ ձեզ համար: Ինչո՞ւ:

Սովորեք Հիսուս Քրիստոսի մասին

Բացատրելով որևէ հասկացություն ձեր խոսքերով՝ դուք կարող եք ավելի լավ հասկանալ այն և զգալ, թե ինչպես է Սուրբ Հոգին վկայում ձեր կողմից բացատրվող ճշմարտությունների մասին:

Խնդրեք ուսանողներին կատարել հետևյալ վարժությունն իրենց օրագրերում: Կարող եք ուսանողներին ցուցադրել հետևյալ երեք հարցը՝ որպես հղում:

Ձեր օրագրում ստեղծված ցուցակից ընտրեք Հիսուս Քրիստոսի որևէ տիտղոս կամ դեր, որն առանձնանում է ձեզ համար կամ ընտրեք մեկը, որի մասին կուզենայիք ավելի շատ բան իմանալ: Պատկերացրեք, որ դուք ցանկանում եք որևէ մեկին ինչ-որ բան բացատրել Հիսուս Քրիստոսի մասին՝ օգտագործելով ձեր կողմից ընտրված տիտղոսը կամ դերը: Ձեր ուղերձը պետք է կազմի առնվազն հինգ նախադասությունից բաղկացած մեկ պարբերություն: Ներառեք սուրբ գրությունների առնվազն երկու հղում, որոնք օգտակար են եղել ձեր ուսումնասիրության համար: Կարող եք օգտվել Սուրբ գրքերի ուղեցույցից, Թեմատիկ ուղեցույցից և այլ նյութերից, ինչպես նաև հետևյալ հարցերից:

  • Այդ տիտղոսը կամ դերը ի՞նչ է ուսուցանում ձեզ Հիսուս Քրիստոսի մասին։

  • Ինչո՞ւ է ձեզ համար կարևոր ավելի լավ հասկանալ Փրկիչին այս դերում:

  • Ե՞րբ եք տեսել, որ այս տիտղոսով կամ դերով Փրկիչը գործի ձեր կամ մեկ ուրիշի կյանքում:

Կարող եք խնդրել ուսանողներին օգտագործել իրենց կողմից սովորած տիտղոսը կամ դերը՝ Հիսուս Քրիստոսի մասին զուգընկերոջն ուսուցանելու համար: Քայլեք դասարանով և լսեք, թե ինչպես են ուսանողները կիսվում իրենց ընկերների հետ:

Խրախուսեք ուսանողներին շարունակել սովորել Փրկիչի մասին Նրա տիտղոսների և դերերի միջոցով, և դասարանի հետ կիսվել տարվա ընթացքում ստացած իրենց գաղափարներով:

Բացատրական և պատմական տեղեկություն

Ի՞նչ է նշանակում, որ Հիսուս Քրիստոսը Բանն է:

Նախագահ Ռասսել Մ. Նելսոնը բացատրել է․

Official portrait of President Russell M. Nelson taken January 2018

Հոր ղեկավարությամբ Հիսուսը կրեց Արարիչի պարտականությունը: Նրա տիտղոսն էր՝ «Բանը»: … Նոր Կտակարանի հունարեն լեզվում, այդ Բանը Աստծո Խոսքն էր կամ «արտահայտություն»: Դա Տիրոջ ևս մեկ անունն էր: Այդ տերմինաբանությունը կարող է տարօրինակ թվալ, բայց այն տեղին է: Մենք օգտագործում ենք բառեր, որպեսզի մեր արտահայտությունները փոխանցենք ուրիշներին: Այսպիսով, Հիսուսը Բանն էր, կամ Իր Հոր արտահայտությունը աշխարհին:

(Ռասսել Մ. Նելսոն, «Հիսուս Քրիստոսը՝ մեր Տերը և ավելին», Ensign, նոյեմբեր 2000, 4)

Ինչո՞ւ է Հիսուս Քիստոսը կոչվել «Աստծո Գառ»:

Նախագահ Ռասսել Մ. Նելսոնն ուսուցանել է․

Official portrait of President Russell M. Nelson taken January 2018

«Հին Կտակարանը շատ հղումներ ունի քավություն բառին, որը ենթադրում է կենդանիների զոհաբերություն։ Սակայն ամեն կենդանի չէ, որ համապատասխանում է դրան։ Հատուկ նկատառումները հետևյալն են․

  • հոտի անարատ առաջնածին կենդանու ընտրությունը [տես Ղևտացոց 5․18 , 27․26 ],

  • կենդանու զոհաբերությունը՝ նրա արյունը թափելով [տես Ղևտացոց 9․18 ],

  • կենդանու մահը առանց որևէ ոսկոր կոտրելու [տես Ելից 12․46 , Թվոց 9․12 ], և

  • կենդանին կարող է զոհաբերվել որպես փոխարինող՝ մեկ ուրիշ կենդանու համար [տես Ղևտացոց 16․10 ]։

Հիսուս Քրիստոսի Քավությունը լրացրեց Հին Կտակարանի այդ նախապայմանները։ Նա Աստծո առաջնածին ու անարատ Գառն էր։ Նրա զոհաբերությունը ուղեկցվում էր արյուն թափելով։ Նրա մարմնի ոչ մի ոսկոր չէր կոտրվել, մինչդեռ Տիրոջ հետ խաչված երկու տղամարդկանց ոտքերը կոտրել էին [տես Հովհաննես 19․31-33 ]։ Նրանը փոխարինող զոհաբերություն էր ուրիշների համար:

(Ռասսել Մ. Նելսոն, «Քավությունը », Ensign, նոյեմբեր 1996, 34-35)

Հովհաննես 1.14

: Եթե մենք բոլորս Աստծո զավակներն ենք, ապա ինչո՞ւ է Հիսուսը համարվում Հոր Միածինը

Չնայած մեր հոգիներից յուրաքանչյուրը բառացիորեն Աստծո որդին է կամ դուստրը, Հիսուս Քրիստոսը Աստծո միակ զավակն է, ով ծնվել է որպես մահկանացու: Տասներկու Առաքյալների Քվորումից երեց Ջեյմս Ի. Թալմիջը (1862–1933) ուսուցանել է.

Portrait of James E. Talmage.

«Մարիամից ծնված այդ երեխան Էլոհիմի՝ Հավերժական Հոր միածինն էր: … Մանուկ Հիսուսը պիտի ժառանգեր ֆիզիկական, մտավոր և հոգևոր գծեր, հակումներ և ուժեր, որոնք բնորոշ էին Իր ծնողներին, որոնցից մեկը անմահ ու փառավորված Աստվածն էր, իսկ մյուսը՝ մարդկային էակ՝ կին:

(Ջեյմս Ի. Թալմիջ, Հիսուս Քրիստոսը [1916], 81)

Հովհաննես 1.18

: Արդյո՞ք այս հատվածի հայտարարությունը նշանակում է, որ անհնար է տեսնել Աստծուն:

Հովհաննես 1.18 հատվածի Ջոզեֆ Սմիթի թարգմանությունը (տես ծանոթագրություն գ) պարզաբանում է, որ երբ Երկնային Հայրը հայտնվում է Իր զավակներին, Նա վկայություն է բերում Իր Որդու՝ Հիսուս Քրիստոսի մասին: Դրա մի օրինակը կարող ենք գտնել Ջոզեֆ Սմիթ-Պատմություն 1.17 հատվածում:

Օժանդակ ուսումնական վարժություն

Հիսուս Քրիստոսի այլ տիտղոսներն ու դերերը

Խնդրեք ուսանողներին փնտրել «Հիսուս Քրիստոս» արտահայտությունը Սուրբ գրքերի ուղեցույցում կամ Թեմատիկ ուղեցույցում կամ փնտրել «Քրիստոս, անունները» Աստվածաշնչի բառարանում՝ փնտրելով Հիսուս Քրիստոսի լրացուցիչ տիտղոսներ և դերեր: Եթե ուսանողները սկզբից բացահայտեն, թե իրենց կյանքի հատկապես որ ոլորտներում ունեն Փրկիչի օգնության կարիքը, կարող եք խրախուսել նրանց փնտրել Նրա տիտղոսներն ու դերերը, որոնք ցուցադրում են այդ հատուկ կարիքները հոգալու Նրա կարողությունը: Օրինակ՝ եթե ուսանողը չի կարողանում հասկանալ, թե ինչպես կարող են ներվել իր մեղքերը, Քրիստոսի՝ որպես Աստծո Գառի դերի ընկալումը կարող է օգնել նրան տեսնել, որ ներումը հնարավոր է: