Ioane 1

Vaaiga Aoao

Na tusia e le Aposetolo o Ioane lana Evagelia ma le faamoemoe e fesoasoani ai i tagata o le Ekalesia ma le lalolagi ia talitonu o Iesu o le Keriso (tagai i le Ioane 20:30–31). Na aoao mai Ioane sa tuua e Iesu Keriso Lona afioaga ia afio mai i le lalolagi o le Togiola o tagata uma. O le Evagelia a Ioane o loo i ai tala e tele e uiga i alii ma tamaitai o e sa mauaina se molimau e faapea, o Iesu o le Keriso, le Mesia folafolaina. O le faitauina ma le agaga tatalo ma toemanatunatu i na tala e mafai foi ona taitai atu ai le aufaitau i nei ona po e o mai ia te Ia.

Ia Sauni e Aoao Atu

O faamatalaga nei e tuuina atu ai i faiaoga ia manatu i mea e ono manaomia ona vave saunia mo lesona taitasi.

Ioane 1:1–16

Faamoemoega o le lesona: O lenei lesona o le a fesoasoani i tagata aoga e lagona le talisapaia atili o Iesu Keriso a o lei fanau mai i Lona soifuaga faitino faapea foi mo le alofa na Ia faaalia mo i tatou i le faataunuuina o Lana misiona i le lalolagi.

Tapenaga a le tagata aoga: Valaaulia tagata aoga e manatunatu loloto i mea na latou iloa e uiga ia Iesu Keriso a o le i afio mai o Ia i le lalolagi.

Meafaitino: Mafaufau e aumai i le vasega se polo na faaaogaina i se faagatama lauiloa pe faaali le ata o se polo o loo maua i le lesona.
Vitio: Sauni e faaali i tagata aoga le “O Le Soifua Mai o le Faaola” (taimi 2:30 to 5:31), o loo maua i le ChurchofJesusChrist.org.

Fautuaga mo aoaoga e faatino i vitio: Mafaufau e muai fatufatu i se pepa lautele po o se polokalama faakomepiuta e faagasolo ai le siata o Iesu i le muai olaga ma le soifuaga o Iesu i le lalolagi. I le gasologa o le lesona, faaali le siata i le faasoa o le lau o lau komepiuta. E mafai ona faatumuina lenei siata e tagata aoga a o faagasolo le vasega ma faasoa mai o latou manatu.

Ioane 1

Faamoemoega o le lesona: O lenei lesona o le a fesoasoani i tagata aoga e iloa atili ai Iesu Keriso i le faailoa mai ma le aoaoina o nisi o Ona faalaniga ma matafaioi.

Tapenaga a le tagata aoga: Valaaulia tagata aoga e talosaga i uo ma aiga e faasoa mai po o a faalaniga po o suafa ma matafaioi o Iesu Keriso e sili ona anoa ia i latou ma pe aisea.

Fautuaga mo aoaoga e faatino i vitio: I le faaiuga o le lesona, mafaufau e faaaoga se matapule o se avanoa e taape ai i potu i lau polokalama o le faatinoga i le vitio, ina ia mafai ai e tagata aoga ona aoao se paga e uiga ia Iesu Keriso e faaaoga ai se tasi o Ona faalaniga po o matafaioi.

Ioane 1:35–51

Faamoemoega o le lesona: O lenei lesona o le a fesoasoani i tagata aoga e fai se tali sili atu i le valaaulia a le Faaola e “o mai ia, ina matamata” mo i latou lava (tagai i le Ioane 1:39).

Tapenaga a le tagata aoga: Valaaulia tagata aoga e tomanatu i se mea na tupu sa fesoasoani ia te i latou e malamalama atili ai po o ai Iesu Keriso. Na faapefea ona tupu lenei aafiaga?

Mauaina o le Malamalama Faaleagaga, Vaega 2

Faamoemoega o le lesona: O lenei lesona o le a fesoasoani i tagata aoga e iloilo mataupu i se vaaiga e faavavau ia mafai ai ona manino atili le vaai i ai.

Tapenaga a le tagata aoga: Valaaulia tagata aoga e tomanatu i se luitau po o se latou fesili pe o i ai, pe afai e talafeagai, e mafaufau i le fesili na latou filifili e faatino i le faatuatua i le lesona “Mauaina o le Malamalama Faaleagaga, Vaega 1.”

Vitio: Sauni e faaali i tagata aoga“Ia Faamuamua le Atua” (taimi 5:50 i le 8:24) ma le “Suesueina o Fesili ma se Vaaiga e Faavavau” (2:56). O loo maua nei vitio i luga o le ChurchofJesusChrist.org.

Fautuaga mo aoaoga faavitio: Mafaufau e fai se ata faasolo e faasoa atu i luga o le lau o lau komepiuta ia faamatalaga e maua ai se fesoasoani mai ia Peresitene Nelson ma le vaega o “Tala ma Faamatalaga o Talaaga”.

Iloilo Lou Aoaoina 1

Faamoemoega o le lesona: O lenei lesona o le a tuuina ai i tagata aoga le avanoa e iloilo ai a latou sini, aoaoga, ma le tuputupu ae faaletagata lava ia. O iuga faapitoa mai le lesona o le a iloilo ai e tagata aoga i latou lava e aofia ai lo latou tomai i le suesueina o tusitusiga paia ma le faatinoina o upu a le Faaola i o latou olaga, ma le mauaina o se faaaliga patino mai le Agaga Paia, ma ia faamatalaina o nisi o matafaioi o Iesu Keriso.

Tapenaga a le tagata aoga: Valaaulia tagata aoga e mafaufau po o a mai le faagasologa o a latou suesuega i tusitusiga paia ma sauni e faasoa mai ni manatu na maua po o auala ua faaleleia ai le faia o latou suesuega lata mai nei.

Anomea: Afai e maua, sauni ni anomea tusiata se tele ia mafai ai ona faamaea e tagata aoga gaoioiga o iloiloga i le auala ua latou mananao e fai ai.

Fautuaga mo aoaoga faavitio: A o faaali mai e tagata aoga a latou fatufatuga i le vasega, tuu i ai e faasoa mai a latou lau komepiuta ia mafai ona iloa atu e le vasega a latou fatufatuga.