Luka 2:40–52

O Iesu “Ua Tuputupuae, ma ua Malosi Lona Loto”

Jesus teaching in the temple as a young boy.

I le avea ai o se alii talavou, sa matua mamana le aoao atu e le Faaola o le talalelei ua oo lava i aoao i totonu o le malumalu “ua matua ofo… i lona poto ma ana upu e tali ai” (Luka 2:47). Ua faamoemoe lenei lesona ia faateleina ai lou manao ia faapei o Iesu Keriso e ala i le atiina ae faalemafaufau, faaletino, faaleagaga, ma faaagafesootai. O le a e maua se avanoa e iloilo ai au sini i le taimi nei i le Atiina A’e Patino: Tusi Taiala mo le Autalavou (2019) pe fatuina ni sini fou.

Taulai atu i aafiaga o tagata aoao. E aoao tagata aoga pe i ai so latou sao i le faagasologa o le aoaoina ma ola ai i le talalelei. Ao aoao atu, ia taulai i mea e tatau e le tagata aoao ona iloa ma fai ina ia valaaulia ai faaaliga patino ma faaloloto ai le liuaina. A o faateleina le malamalama o tagata aoga ma ola e tusa ai, o le a atili ai lo latou liua i le Faaola ma Lana talalelei.

Tapenaga mo tagata aoga: Valaaulia le vasega e toe iloilo sini sa latou faia o le polokalama mo Tamaiti ma le Autalavou. Fesili i ai e mafaufau pe o faapefea ona fesoasoani nei sini iai latou ia avea atili e faapei o Iesu Keriso. A mafai ona fai, ia omai ma se kopi o le Atinae Faapitoa mo le Tagata lava ia: Tusi Taiala mo le Autalavou i le vasega.

Gaoioiga e Mafai ona Fai e Aoao Mai Ai

Na tuputupu ae Iesu ma atiina ae Lona talavou

Faaali ata nei ma tuu i ai se minute pe lua e suesue ai. Afai e le o maua nei ata, fai i tagata aoga e mafaufau ia Iesu ao Ia tuputupuae.

Suesue i ata nei o le Faaola a o talavou o Ia. Mafaufau pe o a mea e fautuaina mai e auiliiliga o nei ata taitasi e uiga ia Iesu.

Jesus Christ depicted as a young boy in the carpenter shop of Joseph. Joseph is standing behind the young Christ. Christ is reading the scriptures from a scroll resting on a table. There are wood shavings on the table.

Christ as a youth learning carpentry skills in a carpenter’s shop. Joseph, the husband of Mary, is watching him.

Jesus Christ depicted as a child with his mother Mary. Christ is kneeling beside Mary and resting His clasped hands on Mary’s lap. Mary has her head bowed as she and the young Christ pray. There is an oil lamp burning on a table next to the mother and son.

Jesus Christ at age twelve in the temple at Jerusalem during the Feast of the Passover. A group of learned Jewish doctors are gathered around Christ. The doctors are expressing astonishment at the wisdom and understanding of the young Christ. (Luke 2:41-50)

Fautuaina i tagata aoga ia tausisia le migao mo le Faaola a o latou taliina nei fesili. O le isi fesili e mafai ona faaaoga o le “O le a se mea e te manao e iloa i le Faaola ao talavou o Ia?”

E faapefea e le iloaina o le ituaiga tagata na i ai Iesu ina o talavou, ona fesoasoani ia te oe o se talavou?

E itiiti lava faamatalaga o tatou maua e uiga i le talavou o Iesu, a o faamaumauga o loo maua e mafai ona avea ma se faamanuiaga tele ma se taiala ia te oe a o e saili e tuputupu ae ma agai i luma. Ao e suesue i le talavou o le Faaola, vaavaai mo ni upu moni e mafai ona fesoasoani ia te oe e iloa ai pe o a vaega e ao ona e taulai i ai a o e taumafai atu vaega o lou olaga e te vaai auiliili iai i lou taumafai e ola pei o le Tama Faalelagi ma Iesu Keriso.

Faitau le Luka 2:40-52 ma le Faaliliuga a Iosefa Samita Mataio 3:24-26 (i le faaopoopoga mo le Tusi Paia), ma vaavaai mo ni faamatalaga pe na faape’i le Faaola a o talavou o Ia. Atonu e te manao e faailoga mea e te maua.

E mafai foi ona e matamata i le ata “Iesu ao Ia Aoao i le Malumalu” (2:30), e maua i le ChurchofJesusChrist.org.

2:25

Matau le fasifuaitau “ma ua malosi lona loto” ( Luka 2:40 ; tagai foi i le Faaliliuga a Iosefa Samita, Mataio 3:24 [i le faaopoopoga mo le Tusi Paia]) o lona uiga na faateleina pe na atinaeina le malosi faaleagaga o Iesu. Atonu e aoga ona iloa, e tusa ai ma le Faaliliuga a Iosefa Samita o le Luka 2:46 (i le Luka 2:46, vaefaamatalaga c), e lei faalogologo Iesu i fomai, po o tusiupu, ma fai atu ia i latou ni fesili ae sa “latou faalogologo ia te ia, ma taufesili ia te ia.”

O le a se mea o aoao atu e lenei tala ia te oe e uiga ia Iesu ao Ia laititi?
O le a se mea aoga e maua mai le fuaiupu 52 i le auala sa tuputupuae Iesu ao Ia talavou?

I le Luka 2:52 tatou aoao mai ai tatou te mulimulitai i le faataitaiga a Iesu Keriso a o tatou faaleleia faalemafaufau, faaletino, faaleagaga ma faaagafesootai.

Tusi i luga o le laupapa pe faaali atu upu nei: Faalemafaufau, Faaletino, Faaleagaga, ma Faaagafesootai. Ona fai atu lea o fesili nei:

O a ni faataitaiga mai i tusitusiga paia o loo faapupula mai ai e Iesu Keriso i nei vaega e fa?
O a ni nai mafuaaga e te manao ai e mulimuli i le faataitaiga a le Faaola i nei vaega e fa o le olaga?

Ua mamanuina lenei vaega o le lesona e fesoasoani ai i tagata aoga i le faaaogaina o le Atinae Faapitoa mo le Tagata lava ia: Tusi Taiala mo le Autalavou e faatutu ai sini. Ia nofouta i manaoga o tagata aoga e le fia faaaogaina pe le masani i le tusitaiala lenei. O tagata ua amata ona galulue i a latou sini mo le atinaega, e ono avea ma punaoa lelei i lenei talatalanoaga.

Mafaufau e auina atu se feau i matua ma taitai o le Ekalesia e faailoa i ai na talanoaina e tamaiti nei sini i le seminare. O le a fesoasoani lea i matua ma taitai e tulitatao le autalavou.

Ua luitauina e perofeta le autalavou o le Ekalesia ia outou mulimulitai i faataitaiga a le Faaola e pei ona faaali mai i le Luka 2:52, ma ua faailoa mai e taitai o le Ekalesia le Atinae Faapitoa mo le Tagata lava ia: Tusi Taiala mo le Autalavou e fesoasoani ia te oe.

Matamata le vitio “Ua E Sau Ia E Iloa Poo Ai Oe” (2:59) ma vaai ni auala e mafai ona e mulimulitai ai i faataitaiga a le Faaola a o e faatuina atu sini o se vaega o le polokalama mo Tamaiti ma le Autalavou. O loo maua lenei vitio i le ChurchofJesusChrist.org.

2:53

E fuafua le aofaiga o le vasega, e mafai ona vaevae le vasega i vaega e fa e faatalanoa ai se tasi mai vaega e fa o le atinaega. Faamalosiau atu i tagata aoga e faasoa mai auala eseese e mafai ona latou tuputupuae ma atinaeina nei vaega poo ni sini eseese e mafai ona latou faatutuina. I le faaiuga o le talanoaga, valaaulia se tasi mai vaega taitasi e faasoa mai o latou manatu.

O le vaaiga mamao o le Atinae Faapitoa mo le Tagata lava ia: Tusi Taiala mo le Autalavou o le “faamalosia ina o lou faatuatua ia Iesu Keriso ma fesoasoani ia te oe ma lou aiga ia agaigai i luma i le auala o le feagaiga a o outou fetaia’i ma luitau o lenei olaga” (“O Le a le Tamaiti ma Autalavou?” ChurchofJesusChrist.org). E faaopoopo I le kopi lolomi o lenei tusitaiala, o loo maua foi se lomiga faamata’inumera. E mafai ona maua nei kopi faamata’inumera apps o le Gospel Library ma le Gospel Living.

O le mulimuli i le faataitaiga a le Faaola, e mafai foi ona e tuputupuae ai i se auala paleni i vaega uma nei e fa o lou olaga: faaleagaga, faaagafesootai, faaletino ma le faalemafaufau. Saili le musumusuga a le Agaga Paia a o e faatuina ni sini. Faalogo i musumusuga ia e mafai ona e vaai ai i mea e finagalo le Alii e fesoasoani ai ia te oe e taulai i le atinaega ia avea e faapei o Ia. E mafai ona e maua ni manatu mai uepisaite nei:

O le itulau “Mo Autalavou” i luga o le uepisaite a Tamaiti ma Autalavou

O le app o le The Gospel Living ma le polokalma o le Inspiration.

I lau kopi o le Atinae Faapitoa mo le Tagata lava ia: Tusi Taiala mo le Autalavou, mafaufau e fai ni sini mo vaega nei e fa o lou olaga. Afai ua amata ona e galue i au sini, Iloilo po o faapefea au faatinoga ma toe fai ni suiga pea manaomia. Talanoa e le aunoa ma ou matua ma taitai o le Ekalesia i au sini. E mafai foi e e faasoa au sini ma soo se aafiaga e faaaoga ai le #StrivetoBe.

O le a fesoasoani atu Iesu Keriso ia te oe a o e faatuina au sini ma taumafai ia e pei o Ia. Ua Ia folafola mai a e sau ia te Ia ma faatino ma le loto maualalo le faatuatua, o le a Ia “faia mea vaivai ina ia avea ma mea malolosi” ( Eteru 12:27).

Filifili ni tagata sa i ai ni aafiaga lelei a o latou galuega i a latou sini e faasoa mai o latou aafiaga. Fautuaina tagata aoga e faasoa mai o laotu aafiaga e faaaoga ai le #StrivetoBe.Afai e leai ni tagata aoga o loo auai i lenei polokalama i le taimi nei, fuafua e valaaulia se taitai o le autalavou e sau i le vasega e tuuina mai se taiala ma se faasinoga.Filifili ni isi o fesili nei pe faaaoga uma foi mo tagata aoga e tali i a latou api talaaga mo suesuega ma, a lava le taimi, talanoaina i le vasega atoa.

O lea se mea e te manao e toe faaleleia i lea vaega o lou olaga? Aisea?
E faapefea ona fesoasoani ia te oe le faaleleia o lea vaega e avea atili ai faapei o le Faaola?
Mata o a ni faalavefau lua te feagai?
O le a faapefea ona e sailia le fesoasoani ma le taiala a le Tama Faalelagi?

Tala ma Faamatalaga o Talaaga

Galuega Faaopoopo e Aoao Mai Ai y

E mafai ona maua Iesu i le malumalu

Faaali se ata o Iesu o loo aoao atu i totonu o le malumalu ma se ata o le malumalu e pito latalata ia outou.E pei lava ona mauaina o Iesu i totonu o le malumalu e Maria ma Iosefa, e mafai foi ona tatou saili ia te Ia i totonu o le malumalu. Mafaufau e faasoa atu faamatalaga nei ma talanoaina auala e mafai ona tatou maua ai le Faaola i totonu o le malumalu:

O le malumalu o le maota o le Alii. O mea uma i totonu o le malumalu e faasinoa i tatou i lo tatou Faaola, o Iesu Keriso.

(David A. Bednar, “Saunia e Maua Mea Manaomia Uma,” Ensign po o le Liahona, Me 2019, 103)

O le malumalu o Lona maota lea, ma e tatau ona avea o Ia ma taulaiga silisili i o tatou mafaufau ma loto—le mamalu o le mataupu faavae a Keriso ua faatumulia ai o tatou tagata atoa e pei ona faatumulia ai sauniga o le malumalu—mai le taimi tatou te faitau ai i faaupuga ua vane i luga o le faitotoa ulufale e oo atu i le taimi mulimuli tatou te iai i totonu o le maota. I le lotolotoi ai o le maofa uma tatou te ofo ai, e ao ona tatou vaai, i luga atu o mea uma, i le uiga o Iesu i totonu o le malumalu.

(Jeffrey R. Holland, “O le Feau, o le Uiga, ma le Motu o Tagata,” Ensign po o le Liahona,, Nov. 2019, 7)