Mataio 2; Luka 2

Vaaiga Aoao

Na malaga atu Iosefa ma Maria i Peteleema, lea na fanau mai ai Iesu. Na faailoa e le agelu le fanau mai o le Faaola i leoleo mamoe i Peteleema (tagai i le Luka 2:9-12). Na “maua lea [e leoleo mamoe] o Maria, ma Iosefa, ma le tama meamea o taoto i le fale povi” (Luka 2:16) ma latou o ese ma “vivii ma faafetai i le Atua” (Luka 2:20). Na taitaia Simeona, Ana, ma le Au Makoi mai sasae e vaai ma olioli i le Faaola. E ala i se faaaliga na taitaiina ai Iosefa i le auala e puipuia ai le tamaititi o Iesu mai le faatonuga a Herota e fasioti uma tamaiti i Peteleema.

Sauni e Aoao Atu

O faamatalaga nei e tuu atu ai i faiaoga manatu mo mea e ono manaomia e vave saunia ai mo lesona taitasi.

Luka 2:1–14

Faamoemoega o le lesona: O lenei lesona o le a fesoasoani i tagata aoga ina ia malamalama i le matafaioi a Iesu Keriso, o le Faaola o le lalolagi.

Tapenaga mo tagata aoga: A mafai, valaaulia le vasega e matamata i le “Aisea Tatou Te Manaomia ai se Faaola-O Se Savali o le Kerisimasi e uiga i lo Tatou Faaola o Iesu Keriso” (2:15), e maua i le ChurchofJesusChrist.org. Valaaulia i latou e mafaufau poo le a le mafuaaga e latou te manaomia ai se Faaola ao matamata.

Meafaitino: O se seti laititi o le Fanau Mai o Iesu po o se ata o le Fanau Mai o Iesu.

Fautuaga mo vasega e faatino i se vitio: Fuafua e valaaulia le vasega e faasoa i le pusa talatalanoa o tusitusiga paia sa latou suesueina e fai ma mau fefaasinoa’i o le Luka 2:10-12.

Atamai i Aoaoga Faavae: Luka 2:10-12

Faamoemo le lesona: O lenei lesona o le a fesoasoani i tagata aoga e tauloto le mau faasino ma le fuaitau autu mo le Luka 2:10-12, faamatala le aoaoga faavae autu, ma faataitai le faaaogaina o mataupu faavae mo le mauaina o le malamalama faaleagaga.

Tapenaga mo tagata aoga: Valaaulia le vasega e amata ona ao tauloto le mau faasino ma le fuaitau autu mo le Luka 2:10-12 : “Aua o le aso nei ua fanau ai i le aai a Tavita, lo outou Faaola, o le Alii ia o Keriso.”

O mea e faaali: Se ata o le fanau mai o le Faaola
Anomea mo tagata aoga: Se kopi o le “O Le Keriso Soifua: O Le Molimau a le Au Aposetolo” ma se tusi pese

Fautuaga mo le aoaoina o le vasega faavitio: Fuafua e faaaoga potu e tuu ai tagata aoga i ni vaega pe a latou talanoaina se tasi pe sili atu foi o mataupu faavae mo le mauaina o le malamalama faaleagaga.

Luka 2:1–39; Mataio 2:1–12

Faamoemoega o le lesona: O lenei lesona ua faamoemoe e fesoasoani ai i le vasega ia mananao e saili ma fiafia i a latou lava molimau ia Iesu Keriso.

Tapenaga mo tagata aoga: Valaaulia tagata aoga e mafaufau loloto i fesili nei: O le a le malosi o lou lagona e mafai ona e molimau ia Iesu Keriso? E faapefea ona e faamalosia lau molimau e uiga i le Faaola?

Vitio: “Ua Iloa e Leoleo Mamoe le Soifua Mai o Keriso” (2:50)
Vitio: “Saili e le Au Makoi Iesu” (taimi 2:58 i le 4:37 o le ata)

Mataio 2:11–23

Faamoemoega o le lesona: O lenei lesona o le a fesoasoani i le vasega ina ia latou faailoa ni auala e mafai ai ona fesootai atu le Alii ia i latou.

Tapenaga mo tagata aoga: Faatonu le vasega e vaai lelei poo a auala o loo taumafai le Alii e talanoa atu ia i latou, e aofia ai faaaliga ma musumusuga mai le Agaga Paia. Faamalosiau atu i tagata aoga ia faamau i lalo nei fesootaiga.

Luka 2:40–52

Faamoemoega o le lesona: O le a fesoasoani lenei lesona i tagata aoga e faamalolosia ai lo latou manao e avea faapei o Iesu Keriso e ala i le saili e atiina ae faalemafaufau, faaletino, faaleagaga, ma faaagafesootai.

Tapenaga mo tagata aoga: Valaaulia le vasega e toe iloilo sini o se vasega o le polokalama mo Tamaiti ma le Autalavou. Faatonu i latou e mafaufau pe faapefea ona fesoasoani nei sini ia latou avea atili ai e faapei o Iesu Keriso. Afai e mafai, ia omai ma se kopi o le Atinae Faapitoa mo le Tagata lava ia: Tusi Taiala mo le Autalavou i le vasega.

Sauni e faaali atu: Ata o le Faaola ao laititi o Ia. Uepisaite o loo e faamatala ai le polokalama mo Tamaiti ma le Autalavou.
Vitio: “O Loo Aoao Atu Iesu i le Malumalu” (2:30)
Vitio: “Ua E Sau Ia E Iloa Poo Ai Oe” (2:59)
Anomea mo tagata aoga: O se kopi o le Atinae Faapitoa mo le Tagata lava ia: Tusi Taiala mo le Autalavou mo tagata aoga atonu e lei maua se tusi.

Fautuaga mo le aoaoina o le vasega e faatino i le upega tafailagi: Ina ia fesoasoani i tagata aoga e mafaufau i ni aitia mo le polokalama mo Tamaiti ma le Autalavou, fuafua e faasoa lau o lau komepiuta e faaali ai anosaite o uepisaite o loo lisi atu i le lesona.