Ioane 3:14–17

“Aua ua Faapea Lava ona Alofa mai o le Atua i le Lalolagi”

Jesus returns to the garden again to continue to pray and suffers great pain.

Pei ona tusia i le Ioane 3, na aoao Nikotemo e Iesu e uiga i Lana taulaga togiola ina ua Ia fetalai “e [ao ina] faapea ona siitia i luga o le Atalii o le Tagata: ina ia le fano se tasi e faatuatua ia te ia, a ia maua e ia le ola faavavau” (Ioane 3:14–15). Sa aoao mai Peresitene Russell M. Nelson, “A tatou faaalu aoga le taimi e aoao ai e uiga i le Faaola ma Lana taulaga togiola, e faalatalata atu ai tatou ina ia auai i [se] elemene autu e mafai ai ona maua Lona mana: tatou te filifili ia iai le faatuatua ia te Ia ma mulimuli ia te Ia” (“O Le Aumaia o le Mana o Iesu Keriso i totonu o Tatou Olaga,” Ensign po o le Liahona, Me 2017, 40). O le a avatu ia te oe e lenei lesona ni avanoa e faamalosia ai lou faatuatua ia Iesu Keriso a o e aoao atili e uiga i Lana Togiola.

O Le Togiola a Iesu Keriso. Sa aoao mai Peresitene Russell M. Nelson: “E le atoatoa le aoaoga faavae pe a tautalagia le taulaga togiola a le Alii e ala i fasifuaitau pupuu e pei ‘o le Togiola’ po o ‘le mana gafatia o le Togiola’ po o le ‘faatinoina o le Togiola’ po o le ‘faamalosia e ala i le Togiola.’ …“E leai se tasi e aunoa ma se fausaga mautonu ua taua ‘o le Togiola’ lea e mafai ona tatou valaau atu iai mo se fesoasoani, faamalologa, faamagaloga, po o le mana. … O le taulaga togiola a le Faaola—o le faatinoga tutotonu lea o le talafaasolopito uma o tagata soifua—e sili ona malamalama ai ma talisapaiaina pe a tatou faamatala ma fesootai sao atu ma le manino ia te Ia” (“O Le Aumaia o le Mana o Iesu Keriso i totonu o Tatou Olaga,” Ensign po o le Liahona, Me 2017, 40).

Tapenaga mo tagata aoga: Valaaulia tagata aoga e saili se mau po o se faamatalaga mai konafesi aoao o loo aoao atua ia i latou se mea anoa e uiga i le Togiola a Iesu Keriso.

Gaoioiga e Mafai Ona Fai e Aoao Mai Ai

O le a le Togiola a Iesu Keriso?

Mafaufau e faaali ata nei o le Faaola ma faamatalaga nei e le’i mae’a. Valaaulia tagata aoga e faamaea faamatalaga i a latou api talaaga mo suesuega pe talanoaina ma ni paga pe faapefea ona latou faamaeaina faamatalaga taitasi. A maea, tuu atu se taimi mo ni tagata aoga o loto iai e faasoa mai i le vasega a latou faamatalaga ua uma ona faamaea.

Jesus Christ depicted kneeling at the base of a tree in the Garden of Gethsemane during the Atonement. Christ has His hands clasped as He prays.

Christ hanging on a cross at Calvary. Two thieves, also hanging on crosses are at the left and right of Christ. Numerous observers, including Mary, the mother of Christ, Mary Magdalene, other mourners and Roman soldiers are gathered around the crosses. Thunder clouds are gathering in the sky.

Tagai i ata o Iesu i Ketesemane ma i luga o le satauro ma mafaufau i mea ua e iloa e uiga i le Togiola a Iesu Keriso.

Faamaea faamatalaga nei i lau api talaaga mo suesuega.

Na aumaia e le Tama Faalelagi ia Iesu Keriso i le lalolagi e togiola mo i tatou ina ia …
O nisi o mea na oo i ai Iesu i Ketesemane na aofia ai …
Na maliu Iesu i luga o le satauro ona o …
Pe ana le mafatia Iesu i Ketesemane ma maliu i luga o le satauro, e …

I lenei lesona, o le a e aoao atili e uiga i le Togiola a Iesu Keriso ma le alofa na faaalia e le Tama Faalelagi i le taimi na Ia aumaia ai Lona Atalii i le lalolagi. A o e suesue, matau uunaiga a le Agaga Paia e mafai ona fesoasoani ia te oe e talisapaia atili ai le taulaga a Iesu Keriso mo oe ma faateleina ai lou faatuatua ia te Ia.

O Le Togiola a le Faaola

O fuaitau nei o mau ma faamatalaga o loo aoao mai ai e uiga i le Togiola a Iesu Keriso. Faaaoga se 10 i le 15 minute e faitau faatoatoa ai nei punaoa (po o nisi faamatalaga e uiga i le Togiola a le Faaola o e fiafia e aoao iai pe sa e mauaina a o lei faia lenei lesona). A o e faitau, mafaufau pe faapefea ona fesoasoani nei faamatalaga taitasi e te malamalama ai i mea na faia e le Tama Faalelagi ma Iesu Keriso mo oe ma pe aisea.

Sa aoao mai Elder Tad R. Callister o le Fitugafulu:

O le a la le Togiola a Iesu Keriso? I se lagona e tasi, o se faasologa o mea paia na tutupu lea na amata mai le Faatoaga o Ketesemane, faaauau atu i le satauro, ma faaiu i le Toetu o le Faaola mai le tuugamau. Sa uunaia e se alofa lemafaamatalaina mo i tatou taitoatasi. Sa manaomia ai se tagata e leai ma se agasala; o le sa iai le mana lē mafuatia i luga o elemene—e oo i le oti; o le sa umia se gafatia lē faatuaoia e puapuagatia ai i taunuuga o a tatou agasala uma ma vaivaiga; ma o le, i le mea moni, na afio i lalo ifo o ia mea uma [tagai i le Mataupu Faavae ma Feagaiga 88 :6 ]. O le misiona lenei a Iesu Keriso—o Lana Togiola lenei.

O le a la lona faamoemoega? O le faia lea ia mafai e i tatou ona toe foi atu i le afioaga o le Atua, ia avea atili e faapei o Ia, ma maua se atoaga o le olioli. Na faia lenei mea e ala i le faatoilaloina o faafitauli e fa:

1. Oti faaletino

2. Oti faaleagaga ona o Atamu ma a tatou agasala

3. O tatou mafatiaga ma faaletonu

4. O tatou vaivaiga ma lē atoatoa

(Tad R. Callister, “O le Togiola a Iesu Keriso,” Ensign poo le Liahona, Me 2019, 85)

O a ni lagona po o ni malamalamaaga na iai ia te oe a o e suesue e uiga ia Iesu Keriso ma Lana Togiola?

A uma ona faamaea e tagata aoga le tufaaga, mafaufau e valaaulia i latou e faasoa mai a latou tali i le fesili mulimuli i le vasega pe i ni vaega toalaiti. E ono aoga le ave i tagata aoga o le avanoa e fesili ai i soo se fesili sa ia i latou a o latou suesueina anomea i luga o le tufaaga.

E faapefea ona faaalia le alofa o le Tama i le auina mai o Lona Alo?

O se tasi o upu moni sa faamamafa mai e le Faaola e pei ona ia aoao ai Nikotemo e uiga i Lana Togiola (tagai i le Ioane 3:14–17) e faapea ua alofa tele le Tama Faalelagi i Lana fanau ua Ia auina mai ai Lona Atalii e Toatasi e togiola mo i tatou.

Sa aoao mai ai Peresitene Dallin H. Oaks o le Au Peresitene Sili e uiga i le ala ua faaalia ai le alofa o le Tama Faalelagi e ala mai i le Togiola a le Faaola:

E leai se faamaoniga e sili atu i le mana lē mafuatia ma le atoatoa o le alofa o le Atua nai lo o le na fetalai mai ai Ioane le Aposetolo: “Aua ua faapea lava ona alofa mai o le Atua i le lalolagi, ua ia auina mai ai lona Atalii e toatasi” ( Ioane 3:16). Sa tusia e se tasi Aposetolo faapea o le Atua lava “sa na le faasaoina lona lava Alo, a ua tuuina mai o ia e sui ai i tatou uma lava” ( Roma 8:32). Mafaufau i se tigaalofa o lo tatou Tama Faalelagi i le auina mai o Lona Atalii e onosaia mafatiaga e lē mafai ona malamalama iai mo a tatou agasala. O le faamaoniga silisili lena o Lona alofa mo i tatou taitoatasi!

(Dallin H. Oaks, “O Le Alofa ma le Tulafono,” Ensign po o le Liahona, Novema. 2009, 26)

O le a se mea na e aoaoina mai lenei faamatalaga?

Matamata i le vitio “Aua ua Faapea Lava ona Alofa mai o le Atua i le Lalolagi” (4:48), o loo maua i le ChurchofJesusChrist.org, ma vaai i le ala na faailoa mai ai le alofa o Iesu Keriso ma le Tama Faalelagi.

For God So Loved the World
Give thanks for the Lord Jesus Christ: His life, His atoning sacrifice, and His Resurrection. John 3:16

Mafaufau e tuu se taimi mo tagata aoga e faamaumau ai o latou manatu po o molimau e uiga ia Iesu Keriso ia latou api talaaga mo suesuega. A maea ona tusia a latou faamaumauga, e mafai ona faasoa mai e ni volenitia i le vasega mea na latou tusia.

Tala ma Faamatalaga o Talaaga

E mafai faapefea ona ou mauaina le mana e aumai e Iesu Keriso e ala i Lana Togiola?

Sa aoao mai e Peresitene Russell M. Nelson mea nei e uiga i le valaaulia o le mana o Iesu Keriso i totonu o o tatou olaga:

I le avea ai ma tagata o le Au Paia o Aso e Gata Ai, tatou te faasino i Lana misiona o le Togiola a Iesu Keriso, lea ua mafai ai ona avea le toetu ma se mea moni mo tagata uma ma ua mafai ai ona maua le ola e faavavau e i latou e salamo i a latou agasala ma taliaina ma tausia sauniga ma feagaiga taua. …

… O a tatou feagaiga e fusia ai i tatou ia te Ia ma tatou maua ai le mana faaleatua. I le avea ai ma soo faatuatua, tatou te salamo ma mulimuli atu ia te Ia i le vai o le papatisoga. Tatou te savavali i le ala o feagaiga ina ia maua ai foi isi sauniga taua. …

E saili e alii ma tamaitai tausi-feagaiga auala e tausia ai i latou lava ia lē pisia mai le lalolagi ina ia leai se mea e pupunia lo latou mauaina o le mana o le Faaola.

(Russell M. Nelson, “O Le Aumaia o le Mana o Iesu Keriso i totonu o Tatou Olaga,” Ensign po o le Liahona, Me 2017, 40, 41)

E faapefea ona ou iloa o galue Iesu Keriso ma Lona mana i lou olaga?

Sa aoao mai e Peresitene Henry B. Eyring o le Au Peresitene Sili:

Afai ua e lagonaina le tosinaga a le Agaga Paia i le aso nei, atonu e avea lena mea ma se faamaoniga faapea ua galue le Togiola [a Iesu Keriso] i lou olaga. Mo lena mafuaaga ma le tele o isi, o le a lelei pe a e tuuina oe lava i nofoaga ma galuega o loo valaauliaina uunaiga a le Agaga Paia.

(Henry B. Eyring, “Gifts of the Spirit for Hard Times,” Ensign, Iuni 2007, 23)

O fea e mafai ona ou aoao atili ai e uiga i le Togiola a Iesu Keriso?

Mafaufau pe faaloloto atili lou malamalama i le Faaola ma Lana Togiola e ala i le faaaogaina o fesoasoani mo suesuega o tusitusiga paia e pei o le anotala o Autu o le Talalelei ua faaigoaina “Togiola a Iesu Keriso” (ChurchofJesusChrist.org) po o le suesueina o le “ Togiola, Togiolaina ” i totonu O Le Taiala i Tusitusiga Paia (scriptures.ChurchofJesusChrist.org). O nei fesoasoaniga mo suesuega o tusitusiga paia o loo i ai malamalamaaga taua, mau, talanoaga, vitio, ma isi punaoa o loo aoao mai e uiga i le Togiola a le Faaola.

Gaoioiga Faaopoopo e Aoao Mai Ai

Sauni se lesona faafaifeautali

Valaaulia tagata aoga e mafaufau faapea o latou o ni faifeautali ma ua manaomia ona saunia e aoao i se isi e uiga ia Iesu Keriso ma Lana Togiola. Valaaulia tagata aoga e suesue i le vaega o loo ulutalaina “O Le Togiola a Iesu Keriso” i itulau 51–52 o le Preach My Gospel: A Guide to Missionary Service (2019). Valaaulia tagata aoga e sauni se otootoga o se lesona e 5- i le 10-minute e faatatau i mea ua latou aoao iai mai lena punaoa.A maea ona saunia e tagata aoga a latou otootoga, mafaufau e vaevae le vasega ma valaaulia tagata aoga e feauauai e aoao atu a latou lesona i se paga po o se vaega toalaiti O se isi auala, e mafai ona faasoa mai e ni volenitia a latou tali i le vasega.

E mafai faapefea e lou faatuatua ia Iesu Keriso ona faatagaina o Ia e tosina lou olaga?

Valaaulia tagata aoga e amata se tamaitusi e mamanuina e fesoasoani ai i tagata ia malamalama i le taua o le Togiola a Iesu Keriso. Valaaulia tagata aoga e suesue le “O Le Togiola ma le Malaga i le Olaga Faitino,” na tusia e Elder David A. Bednar o le Korama a Aposetolo e Toasefululua (Ensign, Aperila. 2012, 40–47) e fesoasoani ai ia i latou e sauniuni mo lenei gaoioiga. E mafai ona faaaoga e tagata aoga anotala mai le tusitusiga a Elder Bednar e foafoa ai ulutala ma anotusi mo la latou tamaitusi.