Սովորել Հոգու միջոցով

Հրավիրեք Սուրբ Հոգուն ուսուցանել ձեզ

Երկնային Հայրը և Հիսուս Քրիստոսը ցանկանում են հայտնել մեզ ճշմարտությունը Սուրբ Հոգու զորության միջոցով: Այս դասը կօգնի ձեզ հասկանալ, թե ինչպես է Սուրբ Հոգին օգնում ձեզ իմանալ ճշմարտությունը և անձնական հայտնություն ստանալ: Դուք նաև կսովորեք, թե ինչպես կարելի է հրավիրել Սուրբ Հոգուն, որպեսզի Նա ուսուցանի ձեզ, և ինչպես հասկանալ, որ դուք սովորում եք Հոգու միջոցով:

Ուսանողի պատրաստում. Առաջարկեք ուսանողներին կարդալ Հովհաննես 14.26–27-ը և մտածել այն փորձառությունների մասին, երբ նրանք զգացել են կամ ինչ-որ բան են սովորել Սուրբ Հոգուց, ինչպես Փրկիչն է նկարագրում այս հատվածներում:

Հնարավոր ուսումնական վարժություններ

Բարձրաձայն կարդացեք հետևյալ սցենարը․ Ապա ուսանողներին ժամանակ տվեք մտածել Սուրբ Հոգու միջոցով ճանաչելու և սովորելու իրենց ցանկության ու վստահության մասին:

Պատկերացրեք, որ դուք հրավիրել եք ձեր ընկերոջը առաջին անգամ մասնակցելու սեմինարայի դասերին: Սեմինարիայում ձեր ընկերոջ առաջին փորձառության ժամանակ ուսուցիչը բացատրել է, թե որքան կարևոր է հրավիրել Սուրբ Հոգուն՝ որպես ճշմարիտ ուսուցչի, սեմինարիայի կամ սուրբ գրությունների անհատական ուսումնասիրության ժամանակ: Ուսուցիչը վկայեց, որ Սուրբ Հոգու միջոցով ուսանողները կարող են Երկնային Հորից ստանալ անձնական ուղերձներ, որոնք նույնիսկ չեն բարձրաձայնվում դասարանում: Ձեր ընկերը հարցրեց, թե ձեզ համար ինչ է նշանակում սովորել Սուրբ Հոգուց:

Պատասխանը մտածելիս խորհեք հետևյալ հարցերի շուրջ. Ուշադիր եղեք այս դասի ժամանակ եկած մտքերի ու զգացմունքների հանդեպ:

• Ձեր կարծիքով, ինչպե՞ս կփոխվեր ձեր ընկերոջ փորձառությունը սեմինարիայում, եթե նա զգար, որ ավետարանն ուսումնասիրելիս Աստված հաղորդակցվում է իր հետ:

• Որքա՞ն վստահ եք դուք ձեզ զգում, երբ ճանաչում եք Սուրբ Հոգու ազդեցությունը ձեր կյանքում և հրավիրում եք Նրան ուսուցանել ձեզ:

Ի՞նչ է անում Հոգին ձեզ համար

Երբ դուք ուսումնասիրում եք ավետարանը Սուրբ Հոգին կարող է ձեզ անձնական հայտնություն պարգևել: Նախագահ Ռասսել Մ. Նելսոնն ուսուցանել է․

Դուք չպետք է կասկածեք նրա վերաբերյալ, ինչը ճշմարիտ է [տես Մորոնի 10.5 ]: Դուք չպետք է կասկածեք նրան, ում կարող եք ապահովությամբ վստահել: Անձնական հայտնության միջոցով դուք կարող եք ստանալ ձեր վկայությունը, որ Մորմոնի Գիրքն Աստծո խոսքն է, որ Ջոզեֆ Սմիթը մարգարե է, և սա Տիրոջ Եկեղեցին է: Անկախ նրանից, թե ինչ կարող են ասել կամ անել մյուսները, ոչ ոք չի կարող երբևէ վերացնել վկայությունը, որը բերվել է ձեր սրտին և մտքին այն մասին, ինչը ճշմարիտ է:

Ես հորդորում եմ ձեզ վեր բարձրանալ անձնական հայտնություն ստանալու ձեր ներկա հոգևոր կարողությունից: … Օ՜, այնքան շատ բաներ կան, որ Երկնային Հայրը կամենում է, որ դուք իմանաք: …

… Ամենակարևոր ճշմարտությունը, որ Սուրբ Հոգին երբևէ կվկայի ձեզ, այն է, որ Հիսուսը Քրիստոսն է , կենդանի Աստծո Որդին: Նա ապրու՛մ է:

(Ռասսել Մ․ Նելսոն, «Հայտնություն Եկեղեցու համար, հայտնություն մեր կյանքի համար», Ensign կամ Լիահոնա, մայիս 2018, 95–96)

Դասի սկզբում կարող եք ուսանողներին հիշեցնել ուսանողի պատրաստվածություն հրավերի մասին: Հաջորդ երկու հարցերին պատասխանելու փոխարեն ուսանողները կարող են կիսվել դասին պատրաստվելու ընթացքում առաջացած իրենց մտքերով:

• Ի՞նչն է ամենաշատը տպավորել ձեզ Նախագահ Նելսոնի խոսքերում։

• Սուրբ Հոգին կարող է վկայել, որ Հիսուսը Քրիստոսն է, կենդանի Աստծո Որդին: Ձեր կարծիքով, ինչո՞ւ է սա ամենակարևոր ճշմարտությունը:

Հրավիրեք ուսանողներին պատասխանել հետևյալ հարցերին զույգերով կամ փոքր խմբերով: Քայլեք սենյակով և լսեք պատասխանները, որպեսզի կարողանաք գնահատել, թե ինչպես է յուրաքանչյուր ուսանող հասկացել այս ճշմարտությունը:

• Մեկ-երկու նախադասությամբ ձեր ընկերոջ համար ինչպե՞ս կամփոփեք անձնական հայտնության կարևորությունը ավետարանի ուսումնասիրության մեջ:

Ինչպե՞ս կարող ենք ճանաչել Սուրբ Հոգու ազդեցությունը

Պատկերացրեք, որ ձեր ընկերը սկսում է անկեղծ հետաքրքրություն ցուցաբերել Աստծուց հայտնություն ստանալու հարցում: Սակայն նա ձեզ ասում է. «Ես վստահ չեմ, որ երբևէ հայտնություն եմ ստացել: Ինչպե՞ս կարող եմ ճանաչել Սուրբ Հոգուն»:

Որպեսզի կարողանաք պատասխանել, կարդացեք սուրբ գրության հետևյալ հատվածները: Նկատեք, թե ինչպես է նկարագրված Սուրբ Հոգու ազդեցությունը:

Կարող եք գրատախտակին գրել հետևյալ հղումները (կամ ձեր կողմից ընտրված այլ հղումներ) և խնդրեք ուսանողներին ընտրել մեկը կամ երկուսը ուսումնասիրելու համար: Խնդրեք նրանց գրատախտակին՝ համապատասխան հղման կողքին գրել, թե ինչ են սովորել Սուրբ Հոգու ազդեցության մասին:

• Ղուկաս 24.32

• Հովհաննես 15.26

• Գաղատացիս 5.22–23

• Վարդապետություն և Ուխտեր 8․2-3

• Վարդապետություն և Ուխտեր 85․6

Որպեսզի օգնեք ուսանողներին պատասխանել հետևյալ հարցերին, կարող եք խնդրել նրանց ընտրել սուրբ գրություններից մի հատված և օգտագործել այն՝ ընկերոջը Սուրբ Հոգու մասին ուսուցանելու համար:

• Սուրբ Հոգու ո՞ր նկարագրությամբ կկամենայիք կիսվել ձեր ընկերոջ հետ: Ինչո՞ւ:

• Ինչպե՞ս կնկարագրեիք այն եղանակները, որոնցով դուք հասկանում եք Սուրբ Հոգու ազդեցությունը ավետարանն ուսումնասիրելիս:

Նախորդ հարցը կարող է լինել այս դասի կարևոր մասերից մեկը: Հավաստիացեք, որ ուսանողները բավարար ժամանակ ունեն պատասխանելու համար: Կարող եք ուսանողներին հավելյալ հարցեր տալ այն մասին, թե նրանք ինչ են արել Սուրբ Հոգու ազդեցությունը զգալու փորձառություններին պատրաստվելու համար:

Ինչպե՞ս ենք հրավիրում Սուրբ Հոգուն մեզ ուսուցանելու

Մեր Երկնային Հայրը սիրում է մեզ և ցանկանում է խոսել մեզ հետ Սուրբ Հոգու մեղմ, հանդարտ ձայնի միջոցով: Սակայն յուրաքանչյուրս պետք է ինքը որոշի՝ արդյոք անկեղծորեն ցանկանում է հայտնություն ստանալ Նրանից: Բացի դրանից, երբ մենք հանդիպում ենք որպես ընտանիք, դասարան կամ ծուխ, մեր ցանկությունները, մոտեցումները և գործողությունները կարող են ներգործել մեր շրջապատի մարդկանց վրա:

Տասներկու Առաքյալների Քվորումից երեց Դեյվիդ Ա. Բեդնարը ուսուցանել է մի քանի կարևոր եղանակներ, որոնցով կարող ենք Սուրբ Հոգուն հրավիրել մեզ ուսուցանելու:

Սուրբ Հոգին ստանալը սկսվում է մեր կյանքում Նրա ուղեկցության մեր անկեղծ և մշտական ցանկությունից:

Սուրբ Հոգու ընկերակցության մեր հրավերները դրսևորվում են բազմաթիվ եղանակներով՝ ուխտեր կապելու և պահելու միջոցով, որպես անհատներ և ընտանիքներ անկեղծորեն աղոթելու միջոցով, սուրբ գրությունները ջանասիրաբար քննելու միջոցով, ընտանիքի անդամների և ընկերների հետ պատշաճ հարաբերությունների ամրապնդման միջոցով, առաքինի մտքերի, արարքների և խոսելաձևի ձգտելու միջոցով, մեր տներում, սուրբ տաճարում և եկեղեցում երկրպագության միջոցով:

(Դեյվիդ Ա. Բեդնար, «Ստացիր Սուրբ Հոգին», Ensign կամ Լիահոնա, նոյեմբեր 2010, 96):

• Երեց Բերնարի կողմից նշված մոտեցումներից կամ գործողություններից որո՞նք են օգնել ձեր կյանք հրավիրել Սուրբ Հոգուն:

• Ինչպե՞ս է որևէ մեկի մոտեցումը կամ ընտրությունները հեշտացրել (կամ բարդացրել) ընտանիքի կամ դասարանի այլ անդամների ուսուցումը Սուրբ Հոգու կողմից:

Առաջարկեք ուսանողներին կիսվել, թե ինչպիսի վարքագիծ կցանկանան տեսնել դասարանում, և նրանք ինչպես կհրավիրեն Սուրբ Հոգուն ուսուցանել դասին:

Ուսանողները կարող են անդրադառնալ այս դասի ժամանակ իրենց սովորածին՝ օրագրերում պատասխանելով հետևյալ հարցերին:

• Ձեր այսօրվա սովորածն ի՞նչ ազդեցություն է թողել Հոգուց սովորելու ձեր ցանկության կամ ունակության վրա:

• Ուրիշ ի՞նչ կկամենայիք իմանալ անձնական հայտնության և Հոգուց սովորելու մասին:

• Ի՞նչ եք անելու տանը և սեմինարիայում՝ Նոր Կտակարանն ուսումնասիրելիս Հոգուն հրավիրելու համար:

Խրախուսեք ուսանողներին գրանցել նախորդ հարցերի պատասխաններն այնպիսի տեղում, որ կարողանան դրանց անդրադառնալ ամբողջ տարվա ընթացքում:

Վկայեք, որ Աստված ցանկանում է խոսել յուրաքանչյուր ուսանողի հետ Սուրբ Հոգու միջոցով:

Բացատրական և պատմական տեղեկություն

Աստված իսկապե՞ս ցանկանում է հայտնել ինձ որոշ բաներ

Նախագահ Ռասսել Մ. Նելսոնը բացատրել է․

Հոգին անընդհատ տպավորել է իմ մտքում …, թե Տերը որքան է կամենում հայտնել Իր միտքը և կամքը: Հայտնություն ստանալու արտոնությունը Իր զավակներին Աստծո տված մեծագույն պարգևներից մեկն է:

(Ռասսել Մ․ Նելսոն, «Հայտնություն Եկեղեցու համար, հայտնություն մեր կյանքի համար», Ensign կամ Լիահոնա, մայիս 2018, 94):

Ինչպե՞ս կարող եմ հրավիրել Սուրբ Հոգուն ուսուցանել ինձ

Տասներկու Առաքյալների Քվորումից երեց Ուլիսես Սոարեսը օգնել է պատասխանել այս հարցին:

Դրա համար պահանջվում է օգնություն խնդրել Աստծուց և սովորել, թե Հիսուս Քրիստոսի ավետարանն ինչպես դարձնել մեր կյանքի հիմնական մասը։ Եթե այդպես վարվենք, ես խոստանում եմ, որ Սուրբ Հոգու ազդեցությունը կհասցնի ճշմարտությունը մեր սրտերին ու մտքերին և կվկայի դրա մասին՝ ուսուցանելով բոլոր բաները:

(Ուլիսես Սոարես, «Ինչպե՞ս կարող եմ հասկանալ»,Ensign կամ Լիահոնա, մայիս 2019, 7):

Ի՞նչը կարող է շեղել ինձ Տիրոջ կողմից ուղարկված հայտնությունը ստանալուց

Տասներկու Առաքյալների Քվորումից երեց Դեյվիդ Ա. Բեդնարը կիսվել է այս գաղափարով․

Եթե այն, ինչ մենք մտածում, տեսնում, լսում կամ կատարում ենք, հեռացնում է մեզ Սուրբ Հոգուց, ապա մենք պետք է դադարենք մտածել, տեսնել, լսել կամ կատարել այդ բանը: Եթե, օրինակ՝ զվարճանքի համար նախատեսված որևէ բան հեռացնում է մեզ Սուրբ Հոգուց, ապա նման զվարճանքը մեզ համար չէ: Քանի որ Սուրբ Հոգին չի կարող տանել այն, ինչն անպատշաճ է, կոպիտ է կամ անհամեստ, ապա, ակնհայտորեն, նման բաները մեզ համար չեն:

(Դեյվիդ Ա. Բեդնար, «Թող Նրա Հոգին միշտ մեզ հետ լինի», Ensign կամ Լիահոնա, մայիս 2006, 30):

Տասներկու Առաքյալների Քվորումից նախագահ Մ. Ռասսել Բալլարդն ուսուցանել է.

Շատերը համարյա ապրում են առցանց՝ իրենց խելացի սարքերով. էկրաններն են գիշեր-ցերեկ լուսավորում նրանց դեմքը, իսկ ականջակալները արգելափակում են Հոգու մեղմ, հանդարտ ձայնը: Եթե ժամանակ չգտնենք դրանք անջատելու համար, մենք գուցե կկորցնենք Նրա ձայնը լսելու հնարավորությունները, իսկ Նա ասում է. «Դադարեցէք եւ ճանաչեցէք, որ ես եմ Աստուած» [Սաղմոս 46.10]:

(Մ.Ռասսել Բալլարդ, «Թանկագին պարգևներ Աստծուց», Ensign կամ Լիահոնա, մայիս 2018, 10):

Ինչպե՞ս կարող եմ ճանաչել ինձ տրված հայտնությունը

Մարգարե Ջոզեֆ Սմիթն ուսուցանել է.

Մարդը կարող է օգուտ քաղել՝ նկատելով հայտնության ոգու առաջին ազդարարումը. օրինակ՝ երբ դուք զգում եք, թե ինչպես է մաքուր բանականությունը ներհոսում ձեր մեջ, այն կարող է ձեզ պարգևել անսպասելի մտքեր:

(Եկեղեցու Նախագահների Ուսմունքները. Ջոզեֆ Սմիթ [2007], 132)

Տասներկու Առաքյալների Քվորումից Երեց Ռիչարդ Գ. Սքոթը (1928–2015) կիսվել է իր տեսակետով.

Մտքի տպավորությունը շատ յուրահատուկ է: Մանրամասն բառեր կարող են լսվել կամ զգացվել և գրվել, կարծես թե հրահանգները թելադրվում են:

(Ռիչարդ Գ. Սքոթ «Օգնել ուրիշներին հոգևորապես առաջնորդված լինել» լ [Վարդապետության և Ուխտերի և Եկեղեցու պատմության գիտաժողովին կրոնի ուսուցիչներին հղած ուղերձը, Բրիգամ Յանգի համալսարան, օգոստոսի 11, 1998], տես նաև Սեմինարիայում դասավանդելիս. Նախածառայության ընթերցումներ [2004], 55)

Ինչպե՞ս կարող եմ տարբերել Սուրբ Հոգու հուշումներն իմ սեփական մտքերից

Երեց Դեյվիդ Ա. Բեդնարը Տասներկու Առաքյալների Քվորումից, և նրա կինը՝ Քույր Սյուզան Բեդնարը, օգնեցին պատասխանել այս հարցին «Երեց և Քույր Բեդնարներ. Սուրբ Հոգուն ճանաչելով» տեսանյութում (ժամանակային կոդը 0:00 to 5:13), որը տեղադրված է ChurchofJesusChrist.org կայքում: