Luke 22; Sione 18

Vakai Fakalūkufuá

Naʻe hāʻele ʻa Sīsū Kalaisi ki he Ngoue ko Ketisemaní ko ha konga ʻo ʻEne Fakaleleí pea aʻusia ha mamahi taʻe-hano-tatau lolotonga ʻEne fua kiate Ia ʻa e ngaahi angahala mo e faingataʻaʻia ʻo e faʻahinga kotoa ʻo e tangatá. Naʻe lavakiʻi, puke pōpula, pea ʻomi ia ki he ʻao ʻo e Sanitaliné (ko e fakamaauʻanga faka-Siu ʻo e laó), ʻa ia naʻe tukuakiʻi loi, manukiʻi, mo tā ai Iá.

Teuteu ke Akoʻi

ʻOku ʻoatu ʻe he fakamatala ko ʻení ki he kau faiakó ha ngaahi fakakaukau ki he meʻa ʻe ala fie maʻu ke teuteuʻi kimuʻa ki he lēsoni takitaha.

Luke 22:28–34, 54–61

Taumuʻa ʻo e lēsoní: ʻE tokoni e lēsoni ko ʻení ke ʻiloʻi ʻe he kau akó ʻenau fiemaʻu ke falala kia Sīsū Kalaisí pea hokohoko atu hono fakamālohia ʻenau tui kiate Iá.

• Teuteu ʻa e tokotaha akó: Fakaafeʻi e kau akó ke nau haʻu mateuteu ke vahevahe ha aʻusia naʻe tokoni ke fakatupulaki ʻenau tui kia Sīsū Kalaisí.

•  

• ʻĪmisi: Teuteu ke fakaʻaliʻali ha fakatātā ʻo hono fakaʻikaiʻi ʻe Pita ʻa Kalaisí.

• Fokotuʻu ki hono akoʻi ʻi he konifelenisi vitioó: Fakakaukau ke fakaafeʻi e kau akó ke nau fakaʻaongaʻi ʻa e polokalama fepōfetalanoaʻakí ʻi he lolotonga ʻo e lēsoní ke tali e ngaahi fehuʻi ʻe lava ke tali ʻaki ha foʻi lea pe kupuʻi lea pē ʻe tahá. Hangē ko ʻení, ʻe lava ke lisi ʻe he kau akó ha taukei pe ivi malava ʻe taha ʻe lava ke mole kapau ʻoku ʻikai hokohoko hono fakaʻaongaʻí pe fakamālohiá. Ko hono fakaʻaongaʻi ʻo e polokalama fepōtalanoaʻakí ko ha founga faingofua ia ke fakakau ai ha fānau ako tokolahi. ʻOkú ne toe fakasiʻisiʻi foki ʻa e lahi ʻo e taimi ʻokú ke fakamoleki ʻi he talanoa he lolotonga ʻo e kalasí, ʻa ia ʻoku tuku ai ha taimi lahi ange ki he ngaahi fehuʻi ʻokú ne fakaʻatā ʻa e kau akó ke vahevahe ʻenau ngaahi aʻusiá mo e fakamoʻoní.

Mātiu 26:36–46; Luke 22:39–46, Konga 1

Taumuʻa ʻo e lēsoní: ʻE tokoni ʻa e lēsoni ko ʻení ke mahino ki he kau akó ʻa e ngaahi fakaikiiki fekauʻaki mo e mamahi ʻa e Fakamoʻuí ʻi he Ngoue ko Ketisemaní mo e founga naʻe hoko ai ia ko ha ngāue ʻo e ʻofá kiate kinautolú.

• Teuteu ʻa e tokotaha akó: Fakaafeʻi e kau akó ke nau fai ha meʻa ʻe tokoni ke nau fakalaulauloto ai kia Sīsū Kalaisi mo ʻEne Fakaleleí. ʻE lava ke hoko e ngaahi sīpingá ko hano toe vakaiʻi ha himi, fakakaukauloto ki ha fakatātā ʻo Sīsū Kalaisi, lau ha potufolofola, pe ha meʻa kehe.

• ʻĪmisi: Teuteu ke fakaʻaliʻali ha fakatātā ʻo e Ngoue ko Ketisemaní.

• Ngaahi Vitioó: “Ko e Hā Kuo Fai ʻe Hotau Fakamoʻuí Maʻatautolú?” (12:44; mamataʻi mei he taimi 0:00 ki he 0:34); “Ko e Mamahi ʻa e Fakamoʻuí ʻi Ketisemaní” (8:32; mamataʻi mei he taimi 0:00 ki he 5:55); “Nofomaʻu ʻi Heʻeku ʻOfá” (15:08; mamataʻi mei he taimi 11:33 ki he 14:03)

• Saati: Fakaʻaliʻali ha tatau ʻo e saati ʻoku fakakau ʻi he lēsoní.

• Fokotuʻu ki hono akoʻi ʻi he konifelenisi vitioó: Tā ha himi fekauʻaki mo e Fakalelei ʻa Sīsū Kalaisí, hangē ko e “ʻOku Fakaofo” (Ngaahi Himí, fika 102). Lolotonga hono tā ʻo e foʻi hivá, fakaafeʻi e kau akó ke fakaʻaongaʻi ʻenau telefoní ke lau e fakalea ʻo e himí, pe fakaʻaliʻali e fakalea ʻi he monitoá ke lau ʻe he kau akó.

Mātiu 26:36–46; Luke 22:39–46, Konga 2

Taumuʻa ʻo e lēsoní: ʻE tokoni ʻa e lēsoni ko ʻení ke ongoʻi ʻe he kau akó ha fiemaʻu lahi ange ki he mālohi mo e tokoni ʻe lava ke foaki ange ʻe Sīsū Kalaisi ʻo fakafou ʻi Heʻene Fakaleleí.

• Teuteu ʻa e tokotaha akó: Fakaafeʻi e kau akó ke nau fakakaukau ki he founga ʻe lava ke tāpuekina ai kinautolu ʻe Sīsū Kalaisi koeʻuhí ko ʻEne Fakaleleí.

• Saati: Fakaʻaliʻali ha tatau ʻo e saati ʻoku fakakau ʻi he lēsoní.

•  

Luke 22:47–71; Sione 18:1–27

Taumuʻa ʻo e lēsoní: ʻE tokoni e lēsoni ko ʻení ki he kau akó ke nau muimui ki he sīpinga ʻa Sīsū Kalaisí ʻaki hono fili e finangalo ʻo e Tamai Hēvaní ʻi heʻenau moʻuí.

• Teuteu ʻa e tokotaha akó: Fakaafeʻi e kau akó ke nau fakakaukau ki ha taimi ne nau fili ai ke fai e meʻa ʻoku finangalo ki ai e Tamai Hēvaní kae ʻikai ko ha meʻa ʻoku nau saiʻia fakataautaha ai. Kole ki he kau akó ke nau fakakaukau ki he meʻa naʻe faingataʻá mo e ʻuhinga naʻa nau fai ai ʻa e filí.

• Ngaahi ʻAtá: Ngaahi ʻīmisi kehekehe ʻo hono haʻi ʻo Sīsuú, kauʻimaeaʻí, fua Hono kolosí, pea tutuki

• Ngaahi Vitioó: “Ko e Mamahi ʻa e Fakamoʻuí ʻi Ketisemaní” (8:30; mamataʻi mei he taimi 5:55 ki he 8:30); “Fakamāuʻi ʻo Sīsū ʻe Kaiafasi, Fakafisingaʻi ʻe Pita ʻOkú Ne ʻIloʻi Ia” (4:24; mamataʻi mei he taimi 0:00 ki he 1:39); “Tuku ke Lāngilangiʻia ʻa e ʻOtuá” (18:51; mamataʻi mei he taimi 12:17 ki he 13:01)

• Fokotuʻu ki hono akoʻi ʻi he konifelenisi vitioó: Kimuʻa pea kamata e kalasí, ʻe lava ke fakaafeʻi e kau akó ke nau fekumi ki ha ngaahi sīpinga mei he moʻui ʻa e Fakamoʻuí ʻokú ne fakahaaʻi ʻEne holi ke fai e finangalo ʻo e Tamai Hēvaní. ʻE lava ke fakaafeʻi ʻa e kau ako ko iá ke nau vahevahe ʻa e meʻa naʻa nau maʻú hili ʻenau ʻiloʻi ʻa e foʻi moʻoni ʻoku fakaʻilongaʻi mataʻāʻā ʻi he lēsoní.

Toe Vakai’i ʻo e Fakataukei Fakatokāteliné 10

Taumuʻa ʻo e lēsoní: ʻE ʻoange ʻe he lēsoni ko ʻení ha ngaahi faingamālie ki he kau akó ke nau akoako fakaʻaongaʻi ha niʻihi ʻo e ngaahi potufolofola fakataukei fakatokāteline kuo nau ako he taʻu ní.

Fakatokangaʻi ange:Mahalo ʻe fie maʻu ke akoʻi ha lēsoni fakataukei fakatokāteline ʻo fetongi ʻaki e lēsoni fakamanatu ko ʻení. Vakai ki he taimi-tēpile ki he vave hono akoʻí ʻa ia ʻoku ʻomi ʻe he talēkita fakaʻēliá pe vahefonuá pe kouʻotineitá ke fakapapauʻi ʻe akoʻi e lēsoni fakataukei fakatokāteline takitaha lolotonga e fakataha ʻa e seminelí.

• Teuteu ʻa e tokotaha akó: Fakaafeʻi e kau akó ke nau toe vakaiʻi e ngaahi potufolofola fakataukei fakatokāteline ʻe fā ʻoku hā ʻi he sātí ʻoku kau ʻi he lēsoní. Kole ange ke nau mateuteu ke vahevahe ha ngaahi founga pau te nau lava ai ʻo fakaʻaongaʻi ʻa e ngaahi moʻoni ʻi he ngaahi potufolofola ko ʻení.

• Saati: Fakaʻaliʻali ha saati ʻo e ngaahi potufolofola fakataukei fakatokāteliné mo ʻenau ngaahi kupuʻi lea fakafolofola mahuʻingá.

• Fokotuʻu ki hono akoʻi ʻi he konifelenisi vitioó: Fakakaukau ke fakaafeʻi ha kau faifekau fakauooti pe taimi kakato mei homou feituʻú ke nau kau ʻi he konifelenisi vitioó mo ʻoange ha ngaahi aʻusia “moʻoni” ʻe lava ke fakaʻaongaʻi ʻe he kau akó ke akoako fakahoko hono fakaʻaongaʻi ʻo e ngaahi potufolofola fakataukei fakatokāteliné kae ʻikai fakaʻaongaʻi e ngaahi tūkunga ʻoku ʻoatu ʻi he lēsoní.