Matio 1:18–25; Lioka 1:26–35

Jesoa Kristy: Zanak’ Andriamanitra sy i Maria

Frontal head and shoulders portrait of Jesus Christ. Christ is depicted wearing a pale red robe with a white and blue shawl over one shoulder. Light emanates from His face.

Nilaza tamin’i Maria ny anjely Gabriela fa ny zaza izay ho ao an-kibony dia “Zanaky ny Avo Indrindra” (Lioka 1:32). Ity lesona ity dia afaka manampy anao hahatakatra ny fomba mahatonga ny toetoetra nolovain’i Jesoa tamin’ny reny mety maty sy ny Ray tsy mety maty manome Azy manokana fahafahana manampy antsika handresy ireo olan’ny fiainana an-tany rehetra.

Mizarà fijoroana ho vavolombelona madio momba an’i Jesoa Kristy. Mitadiava fotoana hizarana fijoroana ho vavolombelona madio sy mafonja momba an’i Jesoa Kristy matetika. Mamorona fahafahana ho an’ny mpianatra mba hijoro ho vavolombelona momba an’i Jesoa Kristy ao an-dakilasy. Afaka mijoro ho vavolombelona ao anatin’ny ampahany amin’ny sahanasa an-tsoratra ireo mpianatra, na amin’ireo sahanasa ao anatin’ny vondrona kely na amin’ny fifanakalozan-kevitra ao an-dakilasy. Aza hadinoina ihany koa ny manasongadina ireo fijoroana ho vavolombelona momba an’i Jesoa Kristy ao amin’ny soratra masina sy ao amin’ny tenin’ireo mpaminanin’ny andro farany.

Fiomanan’ny mpianatra: Asao ny mpianatra hieritreritra ireo olana matetika atrehin’ny olona mitovy taona aminy.

Sahanasa fianarana azo atao

Mandresy ireo olana

Asehoy ireto sary manaraka ireto. Asao ny mpianatra hanoratra eny amin’ny solaitrabe ny valintenin’izy ireo amin’ilay voalohany amin’ireto fanontaniana manaraka ireto.

Inona avy hoy ianao ny sasany amin’ireo olana fahita matetika atrehin’ireo olona mitovy taona aminao?
Aiza no itodihan’ny tanora rehefa miezaka miatrika ireo olana ireo izy ireo?

Nizara izao fijoroana ho vavolombelona manaraka momba an’i Jesoa Kristy izao ny Loholona Ronald A. Rasband ao amin’ny Kôlejin’ny Apôstôly Roambinifolo:

I Jesoa Kristy mandrakariva no vahaolana. Manome tanjaka ho antsika ny fitiavantsika Azy, sy ny finoantsika Azy ary ny fianteherantsika Aminy rehefa mahatakatra ny asa nanirahany Azy sy ny filazantsarany isika.

(Ronald A. Rasband, “I Jesoa Kristy no vahaolana,” [takariva hiarahana amin’ny Manampahefana Ambony, Feb. 8, 2019], broadcasts.ChurchofJesusChrist.org)

Soraty eo akaikin’ilay sary eny amin’ny solaitrabe ilay fanambarana hoe “I Jesoa Kristy mandrakariva no vahaolana”. Mety hanampy ny mampitodika ny zana-tsipìka eo amin’ny sary mankany amin’ity fanambarana ity.

Nahoana araka ny eritreritrao no i Jesoa Kristy no vahaolana hatrany rehefa miatrika olana na manam-panontaniana isika eo amin’ny fiainana?

Makà fotoana kely hieritreretana momba ny finoanao sy ny fahatokianao an’i Jesoa Kristy. Impiry ianao no miantehitra Aminy eo amin’ny fahazoana hery sy fanohanana?Rehefa mandalina ianao anio dia mikatsaha fitaomam-panahy avy amin’ny Fanahy Masina hanampy anao hianatra fahamarinana momba an’i Jesoa Kristy izay hampitombo ny finoanao Azy ary hitarika anao hitodika any Aminy hahazoana fiadanam-po sy hery matetika kokoa.

Ny ray aman-drenin’i Jesoa Kristy

I Jesoa Kristy irery ihany no afaka manampy antsika amin’izay olana atrehantsika sy fanontaniana ananantsika atrehantsika eo amin’ny fiainana an-tany amin’ny ampahany noho ny toetra nolovainy tamin’ny ray aman-dreniny.

Halalino ireto andinin-tsoratra masina manaraka ireto ka tadiavo ireo fampianarana momba ny ray aman-drenin’ny Mpamonjy:

Inona no nianaranao momba ny Ray sy ny renin’i Jesoa Kristy?

Fahamarinana iray azontsika ianarana avy amin’ireo andininy ireo ny hoe, I Jesoa Kristy dia Zanakalahy masin’ Andriamanitra Ray sy zanak’i Maria.

Raha mila fanazavana momba ny ray aman-drenin’ny Mpamonjy ny mpianatra dia zarao ny sasany amin’ireo fanambarana hita ao amin’ny fizarana “Fanamarihana sy fampahalalana voarakitra” any amin’ny faran’ny lesona.

Ataovy eo amin’ny solaitrabe ity kisary manaraka ity na asehoy ilay sary.

Diagram with the words Mary and Heavenly Father and arrows pointing to the words Jesus Christ.

Vakio ity fanambarana manaraka nataon’ny Filoha Russell M. Nelson ity, ka tadiavo ireo toetra nolovain’i Jesoa Kristy avy tamin’ny Ray any An-danitra sy avy tamin’i Maria.

Nandova ny hery hiaina mandrakizay i Jesoa tamin’ny Rainy tsy mety maty. Avy amin’ny reniny mety maty no nandovany ny fahafatesan’ny vatana.Ireo toetra miavaka ireo dia tena nilaina tamin’ny asa nanirahana Azy mba hanonitra ny fahotan’ny zanak’olombelona rehetra. Noho izany dia teraka Jesoa ilay Kristy mba ho faty (jereo ny 3 Nefia 27:13–15). Maty Izy mba hahavelomantsika. Teraka izy mba hahafahan’ny olombelona rehetra miaina any ankoatry ny fasana.

(Russell M. Nelson, “Christ the Savior Is Born,” New Era, Dec. 2006, 5)

Inona no zavatra ianaranao mikasika an’i Jesoa Kristy avy amin’io fanambarana io?

Raha natao teo amin’ny solaitrabe ilay kisary, dia mety hanampy ny manao lisitra ny valintenin’ny mpianatra eo ambanin’ny hoe “Jesoa Kristy.”

Avy amin’i Maria reniny, vehivavy mety maty, no nandovan’i Jesoa ny toetra mety maty ka ao anatin’izany ny fahafatesana ara-batana. Avy amin’ Andriamanitra, Raintsika any An-danitra, no nandovan’i Jesoa ny tsy fahafatesana, ny fahafahana miaina mandrakizay amin’ny fitsanganan’ny maty. Izy ihany koa dia niaina fijaliana, fakam-panahy ary alahelo mifandray amin’ny fiainana an-tany ary nizaka fanaintainana sy fijaliana noho ny Sorompanavotana izay tsy zakan’ny olombelona mety maty (jereo ny Môzià 3:7).

Vakio ny Môzià 7:33 , ka tadiavo ireo hevi-baovao momba ny fomba ahafahantsika mahazo ny fanampian’ny Mpamonjy amin’ireo olantsika eto an-tany.

Inona no nianaranao avy amin’ity andininy ity momba ny fomba ahafahantsika mahazo ny fanampian’ny Mpamonjy?

Mety hanampy ny manasa ireo mpianatra hikaroka ao amin’ny soratra masina ny ohatra iray momba ana fotoana iray izay nitodihan’ny olona na vondron’olona iray tamin’ny Tompo mba hahazoana fanampiana amin’ny fanontaniana na olana iray. Azon’ny mpianatra tadiavina ny zavatra nataon’ilay olona iray na ilay vondron’olona ka nanampy azy ireo hitodika amin’i Kristy sy ny fomba nanampiany azy ireo. Azon’izy ireo atao ihany koa ny mitady ireo toetran’ny Mpamonjy izay aseho ao amin’ilay tantara izay ianaran’izy ireo. Asao ny mpianatra hizara amin’ny iray kilasy na amin’ny mpianatra iray hafa ireo ohatra hitany.

Omeo fotoana ny mpianatra hanoratany ny valintenin’izy ireo amin’ireto fanontaniana manaraka ireto ao amin’ny diary fandalinany soratra masina. Rehefa mahavita izany izy ireo dia asao hizara ny valinteniny amin’ny mpiara-mianatra aminy na amin’ny iray kilasy.

2:36

Omeo fitaovana toy ny pensilihazo miloko sy taratasy ny mpianatra mba hamitany ity sahanasa manaraka ity.

Mamoròna hafatra anao manokana momba ny Mpamonjy ka atombohy amin’ny andian-teny hoe “Noho Izy.” Azonao atao ny mameno ilay andian-teny amin’ny fanambarana iray na maromaro momba ny fahafahan’ny Mpamonjy manokana manampy anao na nanampy anao tamin’ny fiainana. Mampiasà fitaovana ara-java-kanto hanatsarana ny zavatra noforoninao raha ampy ny fotoana sy ny fitaovana anananao.

Rehefa nahavita ny mpianatra dia asao izy ireo hampiseho ny hafany mba hahitan’ny rehetra izany. Manasà mpianatra maromaro hanazava izay zavatra nosoratany. Asao ny mpianatra hizara ny fanambarany amin’ny hafa any an-trano na any am-piangonana.

Mizarà fijoroana ho vavolombelona manokana momba ny fahafahan’i Kristy manampy antsika handresy ireo olan’ny fiainana an-tany.

Fanamarihana sy fampahalalana voarakitra

Matio 1:18 . Inona ny dikan’ny hoe “hita fa nitoe-jaza avy tamin’ny Fanahy Masina” i Maria?

Nampianatra ny Filoha Ezra Taft Benson (1899–1994) hoe:

Mahatonga ny firazanan’i Jesoa Kristy ho tsy misy isalasalana ny tenivavolombelon’ireo vavolombelona notendrena. Andriamanitra no Rain’ny nofo tabernakeliny, ary i Maria, vehivavy mety maty, no reniny. …

… Tsy zanakalahin’i Josefa izy, na nateraky ny Fanahy Masina. Zanakalahin’ilay Ray Mandrakizay Izy!

(Ezra Taft Benson, “Five Marks of the Divinity of Jesus Christ,” Ensign, Dec. 2001, 10, 11)

Ny filoha Harold B. Lee (1899–1973) dia nampitandrina momba ny fiezahana hanazava ny antsipiriany rehetra manodidina ny fahaterahan’ny Mpamonjy tamin’ny fomba mahagaga.

Raha hendry ny mpampianatra amin’ny firesahana momba ny [nahatongavan’i Jesoa Kristy tao an-kibo] izay efa nolazain’ny Tompo saingy kely dia kely, dia hajanon’izy ireo eo amin’ireo teny izay voarakitra momba io lohahevitra io ao amin’ny Lioka 1:34–35 ihany ny fifanakalozan-kevitr’izy ireo momba izany. … Aoka ny Tompo hijanona amin’izay nolazainy mahakasika ity fanambarana ity ary hiandry ny fotoana izay hitany fa mety hilazany amintsika bebe kokoa momba izany.

(The Teachings of Harold B. Lee, ed. Clyde J. Williams [1996], 14)

Inona no toetra nolovain’i Jesoa avy tamin’ny ray aman-dreniny ahafahany manao zavatra?

Nampianatra ny Filoha Ezra Taft Benson (1899–1994) hoe:

Rehefa nanetry tena mba hateraky ny vehivavy mety maty ilay Andriamanitra Lehibe eo amin’izao rehetra izao, dia natolony ho amin’ny rofy amin’ny fiainana an-tany ny tenany, mba “hiaretany ny fakam-panahy sy ny fanaintainan’ny vatana, dia hanoanana, hetaheta ary harerahana na dia mihoatra noho izay azon’ny olona zakaina aza izany kanefa tsy hatramin’ny fahafatesana” ( Môzià 3:7). Nolovainy tamin’ny reniny mety maty ireo rofy ireo. Saingy satria Andriamanitra no rainy, dia nanana hery izay tsy mbola nananan’olombelona teo aloha na hatramin’izay i Jesoa Kristy. Andriamanitra tonga nofo Izy, na dia ilay Zanak’ Andriamanitra aza. Ireo hery ireo dia nahafahany nanatanteraka fahagagana, famantarana, zavatra mahatalanjona, Sorompanavotana lehibe, ary ny Fitsanganana amin’ny maty, izay marika famantarana ny fahamasinany avokoa.

(Ezra Taft Benson, “Five Marks of the Divinity of Jesus Christ,” Ensign, Dec. 2001, 10)

Matio 1:25 . Inona no dikan’ny hoe “tsy nahalala azy” i Josefa?

Ny teny hoe mahalala na nahalala ao amin’ny Baiboly dia azo ilazana ny firaisana ara-nofo (jereo ny Genesisy 4:1). Tsy niray ara-nofo tamin’i Maria talohan’ny nahaterahan’i Jesoa i Josefa. Manamafy io antsipiriany io fa tsy izy no rain’i Jesoa ary fahagagana ny fiforonan’i Jesoa tao an-kibo.

Sahanasa fandalinana fanampiny

Anarana iantsoana ny Mpamonjy

Diniho ny fandalinana ireo anarana sy anaram-boninahitra iantsoana ny Mpamonjy voarakitra ao amin’ny Matio 1 sy Lioka 1 ireo. (Azonao atao ny mitady fampahalalana ao amin’ny Torolalana ho an’ny soratra masina.) Inona no ianarantsika momba an’i Jesoa Kristy avy amin’ireo anarana ireo?Jesoa ( Matio 1:21 ; Lioka 1:31)Imanoela ( Matio 1:23)Zanaky ny Avo Indrindra ( Lioka 1:32)Zanak’ Andriamanitra ( Lioka 1:35)