Mateo 15–17; Marcos 7–9

Kinatibuk-ang Pagpasabot

Gibadlong ni Jesus ang mga escriba ug mga Pariseo nga migamit og tradisyon isip pasumangil aron mosupak sa mga sugo sa Dios. Nagpamatuod si Pedro mahitungod kang Jesus, nga nadawat niya pinaagi sa pagpadayag pinaagi sa Espiritu Santo. Misaad ang Manluluwas nga hatagan si Pedro og mga yawe sa pagkapari, nga sa kaulahian gihatag Niya kang Pedro, Santiago, ug Juan sa Bungtod sa Transfiguration. Giayo ni Jesus ang anak sa usa ka lalaki nga nagpahayag sa iyang hugot nga pagtuo sa Manluluwas.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglang andamon daan para sa kada leksiyon.

Mateo 15:1–9

Katuyoan sa leksiyon: Makatabang kini nga leksiyon sa mga estudyante sa pagtuki kon unsa sa ilang mga tradisyon ang nakatabang kanila nga mahimong mas mahisama kang Jesukristo ug unsa ang lagmit nga nakapalayo kanila gikan Kaniya.

Pag-andam sa estudyante: Hangyoa ang mga estudyante nga maghunahuna mahitungod sa ilang mga tradisyon, o ilang “mga tinuohan ug mga nabatasan nga sinunod gikan sa usa ka kaliwatan ngadto sa lain” (Giya ngadto sa mga Kasulatan, “ Tradisyon, Mga ,” scriptures.ChurchofJesusChrist.org), ug nganong lagmit nga buhaton nila kini. Lagmit nga makatabang sa mga estudyante ang paglakip sa ilang mga pamilya niini nga kalihokan sa pag-andam.

Mga materyales para sa mga estudyante: Papel o mga journal sa pagtuon

Sugyot sa pagtudlo pinaagi sa videoconference: Ikonsiderar ang paggamit sa whiteboard feature aron ipasusi sa mga estudyante ang lain-laing mga tradisyon nga magkauban isip usa ka klase imbes nga sa ilang mga journal lamang. Tugoti ang mga estudyante nga magsulat og mga tradisyon sa whiteboard ug mag-annotate ug magkomento niini nga whiteboard sa kinatibuk-an sa leksiyon.

Mateo 16:13–18

Katuyoan sa leksiyon: Makatabang kini nga leksiyon sa mga estudyante nga masabtan ug mabati ang kaimportante sa pagdawat og pagpamatuod kang Jesukristo gikan sa Langitnong Amahan pinaagi sa Espiritu Santo.

Pag-andam sa estudyante: Dapita ang mga estudyante nga motunga nga andam nga ipaambit kon sa unsang paagi nga ang pagpamatuod kang Jesukristo makahimo og kalainan sa kinabuhi sa usa ka tawo.

Mga materyales para sa mga estudyante: Papel; mga giprinta nga kopya sa pamahayag ni Elder Ronald A. Rasband nga “Magtukod og Kuta sa Pagkaespirituhanon ug Proteksyon” (Liahona, Mayo 2019, 107–10) para sa mga estudyante nga mopili nga buhaton ang kalihokan C ug dili maka-access sa pamahayag sa elektronik nga device

Sugyot sa pagtudlo pinaagi sa videoconference: Ikonsiderar ang paghangyo sa usa o duha ka estudyante sa pagdapit og suod nga higala o sakop sa pamilya nga motambong sa usa ka bahin sa klase ug ipaambit kon giunsa nila pagbaton sa ilang pagpamatuod kang Jesukristo ug nganong importante kini kanila.

Mateo 16:18–19; 17:1–7

Katuyoan sa leksiyon: Makatabang kanimo kini nga leksiyon nga masabtan ang kahulogan sa mga yawe sa pagkapari ug ang kaimportante niini sa plano sa Dios sa kaluwasan.

Pag-andam sa estudyante: Dapita ang mga estudyante nga maghunahuna og yawe nga ilang gigamit ug motungha nga andam nga ipaambit kon para asa ang yawe, nganong importante kini, ug unsa ang mahitabo kon mawala kini. Kon gusto nila, mahimong dad-on sa mga estudyante ang ilang mga yawe nganha sa klase.

Sugyot sa pagtudlo pinaagi sa videoconference:Ikonsiderar ang pagdapit sa mga estudyante nga magdala og dili mominos sa usa ka yawe o hugpong sa mga yawe ug ihulagway kon para asa kini ug nganong importante kini. Mahimo kining buhaton sa sinugdanan sa leksiyon aron tabangan ang mga estudyante nga mas masabtan ang mga yawe sa pagkapari.

Doktrinal nga Kahanas: Mateo 16:15–19

Katuyoan sa leksiyon: Kini nga leksiyon maghatag sa mga estudyante og oportunidad aron mapalambo ang ilang kahanas niini nga doktrina pinaagi sa ilang pagmemorya sa pakisayran ug mahinungdanong hugpong sa mga pulong sa kasulatan, pagpasabot sa doktrina, ug paggamit sa mga baroganan sa pag-angkon og espirituhanong kahibalo diha sa sitwasyon sa tinuod nga kinabuhi.

Pag-andam sa estudyante: Dapita ang mga estudyante nga maghunahuna mahitungod sa mga paagi nga ang ilang mga kinabuhi napanalanginan tungod sa mga yawe sa pagkapari.

Handout: Ang handout nga adunay daghang mga yawe. Ikonsiderar ang paghatag og gunting aron guntingon kini sa mga estudyante, o guntingon daan ang mga yawe.

Sugyot sa pagtudlo pinaagi sa videoconference: Ikonsiderar ang pagdapit sa lokal nga lider sa pagkapari nga adunay mga yawe sa pagkapari nga motambong ug motubag sa mga pangutana mahitungod sa mga yawe sa pagkapari ug mopaambit og mga kasinatian nga makatabang sa mga estudyante nga masabtan ang kaimportante niini. Ang lider sa pagkapari makatabang usab sa mga estudyante sa pagbuhat sa pagpraktis sa paggamit.

Marcos 9:14–29

Katuyoan sa leksiyon: Kini nga leksiyon makatabang sa mga estudyante sa pagsusi sa ilang hugot nga pagtuo sa Ginoo ug pagtinguha og pagpadayag mahitungod sa kon unsaon nila kini sa pagpalig-on.

Pag-andam sa estudyante: Dapita ang mga estudyante nga maghunahuna mahitungod sa mga kasinatian nga nakapalig-on sa ilang hugot nga pagtuo kang Jesukristo. Mahimo usab silang mangutana sa ubang tawo mahitungod sa ilang mga kaugalingong kasinatian nga nakapalig-on sa hugot nga pagtuo.

Video: “Nagatuo Ako” (14:43; tan-awa gikan sa code sa oras nga 1:12 hangtod sa 2:59 ug, kon gusto, gikan sa code sa oras nga 5:57 hangtod sa 10:28)
Mga materyales para sa mga estudyante: Papel o mga journal sa pagtuon

Lagmit nga maayong i-download daan ang mga video.