Christ surrounded by light as He is transfigured. Moses and Elias stand with Him. The three figures are standing behind a tree, and large colorful clouds are visible in the background. Peter, James and John sit on rocks in the foreground as they watch.
Samtang kauban sa Manluluwas ang Iyang mga disipulo sa Caesarea Philippi, misaad Siya nga ihatag kang Pedro “ang mga yawe sa gingharian sa langit” (Mateo 16:19). Paglabay sa unom ka adlaw, gidala ni Jesus si Pedro, Santiago, ug Juan sa usa ka bukid, diin “samtang nagtan-aw sila, nausab ang iyang panagway” (Mateo 17:2) sa presensya ni Moises ug Elias (Elijah). Ang mga propeta sa ulahing mga adlaw nagtudlo nga si Pedro, Santiago, ug Juan nakadawat sa gisaad nga mga yawe sa pagkapari sa panahon sa Transpigurasyon ni Jesus. Makatabang kanimo kini nga leksiyon nga masabtan ang kahulogan sa mga yawe sa pagkapari ug ang kaimportante niini sa plano sa kaluwasan sa Dios.
Pag-andam sa estudyante: Dapita ang mga estudyante nga maghunahuna og yawe nga ilang gigamit ug motungha nga andam nga ipaambit kon para asa ang yawe, nganong importante kini, ug unsa ang mahitabo kon mawala kini. Kon gusto nila, mahimong dad-on sa mga estudyante ang ilang mga yawe nganha sa klase.
Posible nga mga Kalihokan sa Pagkat-on
“Asa man ang mga yawe?”
Si Elder Gary E. Stevenson sa Korum sa Napulog Duha ka Apostoles mitudlo mahitungod sa importansiya sa mga yawe. Basaha ang mosunod nga pamahayag.
Where Are the Keys?
Imahe
Official portrait of Elder Gary E. Stevenson of the Quorum of the Twelve Apostles, 2015.
Samtang ang adlaw sa kahapunon sa tingtugnaw misalop luyo sa lapad nga bungtod nga dailusanan sa ski nga natabunan sa snow, ang tugnaw kaayong hangin sa bukid namahit sa among mga aping ug ilong, daw nagpadali kanamo ngadto sa among mga sakyanan ug mga trak sa parkingan sa ski resort. Didto sa among komportable nga mga sakyanan, ang mga heater sa dili madugay mopainit sa bugnaw nga mga tudlo sa kamot ug sa tiil. Ang tingog sa nanggahi nga snow sa matag tunob namo nagkumpirmar nga grabe kini katugnaw.
Ang among pamilya tibuok adlaw nga nalingaw diha sa mga ski slope, nga matapos na karon uban sa grabeng katugnaw. Pag-ab[o]t sa sakyanan, akong gikuot ang yawe sa bulsa sa akong coat ug dayon sa laing bulsa ug sa lain usab. “Asa man ang mga yawe?” Ang tanan mabalak-ong naghulat sa mga yawe! Nakargahan na ang bateriya, ug ang tanang sistema—lakip ang heater—andam na, apan kon wala ang mga yawe, dili kami makasulod sa pultahan; kon wala ang mga yawe dili makaandar ang makina sa sakyanan.
(Gary E. Stevenson, “Asa ang mga Yawe ug Awtoridad sa Priesthood?,” Liahona, Mayo 2016, 29)
Giunsa paghulagway niini nga kasinatian ang importansiya sa mga yawe?
Dapita ang mga estudyante nga motubag sa mga pangutana gikan sa kalihokan sa pag-andam sa estudyante.
Paghunahuna og bisan unsang mga yawe nga imong gigamit sa imong kinabuhi. Nganong importante kini? Unsa ang mahitabo kon mawala kini?
Mga yawe sa pagkapari
Imahe
Peter in the Chapel in Copenhagen
Kini ang estatuwa ni Apostol Pedro nga gikulit ni Bertel Thorvaldsen (1770–1844). Tan-awa kon unsa ang gihawiran ni Pedro sa iyang kamot. Kini nga mga yawe nagsimbolo sa gahom ug awtoridad nga gisaad sa Manluluwas kang Pedro.
Basaha ang Mateo 16:18–19, nga mangita og mga tubag sa mosunod nga mga pangutana:
Unsa ang gisaad sa Manluluwas nga ihatag ngadto ni Pedro?
Unsa ang butang nga si Pedro makabaton og gahom sa pagbuhat?
Unsa ang gitudlo kanimo niini nga mga bersikulo mahitungod sa Manluluwas ug giunsa Niya pagdumala ang Iyang Simbahan?
Ang usa ka kamatuoran nga atong matuki gikan sa Mateo 16:18–19 mao nga gisalig ni Jesukristo ang mga yawe sa Iyang gingharian ngadto sa mga propeta ug mga apostoles aron sa pagdumala sa Iyang buhat dinhi sa yuta. Bisan pa kon gihatag kaniadto sa Manluluwas ang Iyang awtoridad sa pagkapari ngadto sa mga Apostoles (tan-awa sa Mateo 10:1–8), “ang mga yawe sa gingharian sa langit” ( Mateo 16:19) mao ang Iyang mga yawe sa pagkapari.
Dapita ang mga estudyante nga ipaambit kon unsay nahibaloan na nila mahitungod sa pagkapari ug mga yawe sa pagkapari. Lagmit nga makatabang ang mosunod nga mga pangutana.
Unsaon nimo pagpasabot ang kalainan taliwala sa pagkapari ug mga yawe sa pagkapari? Sa unsang paagi kaha nga ikaw napalanginan o kasamtangang gipanalanginan sa Manluluwas pinaagi sa mga yawe sa pagkapari?
Paminaw og maayo sa mga tubag sa mga estudyante. Kon gikinahanglan, ikonsiderar ang paggamit sa pipila o sa tanang mosunod nga impormasyon aron matabangan ang mga estudyante nga klarong masabtan ang pagkapari ug mga yawe sa pagkapari ug giunsa kita pagpanalangin sa Manluluwas pinaagi niini nga mga yawe.
Lagmit nga makatabang kanimo ang mosunod nga impormasyon aron mas masabtan ang pagkapari ug mga yawe sa pagkapari:
Ang pagkapari mao “ang pagtugot ug gah[o]m nga gihatag sa Dios ngadto sa tawo sa pagbuhat sa tanang mga butang alang sa kaluwasan sa tawo.”
Lakip sa uban pang butang, ang pagkapari nagtugot nga madawat nato ang mga panalangin sa Pag-ula ni Jesukristo pinaagi sa mga ordinansa sa pagluwas sama sa bunyag, pagkompirma ug pagdawat sa gasa sa Espiritu Santo, sakramento, ug pagtuga ug pagsilyo didto sa templo.
Ang mga yawe sa pagkapari mao ang awtoridad sa paggiya sa paggamit sa pagkapari alang sa mga anak sa Dios. Ang paggamit sa tanang awtoridad sa pagkapari diha sa Simbahan giyahan niadtong naghupot sa mga yawe sa pagkapari. …
Si Jesukristo naghupot sa tanang yawe sa pagkapari. Ubos sa Iyang direksyon, ang mga yawe sa pagkapari gihatag ngadto sa mga tawo nga gamiton sa mga piho nga mga calling alang sa pagtuman sa buhat sa Dios.
(Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing Mga Adlaw, 3.4.1, 3.4.1.1).
Ang Bukid sa Transpigurasyon ug ang Templo sa Kirtland
Unom ka adlaw pagkahuman sa pagsaad kang Pedro sa mga yawe sa pagkapari, gidapit ni Jesus si Pedro, Santiago, ug Juan nga mouban Kaniya para sa milagrosong kasinatian nga sa kaulahian mahimong mailhan isip ang Bukid sa Transpigurasyon. Makapainteresado, niadtong 1836, nakabaton si Joseph Smith ug Oliver Cowdery og parehong kasinatian didto sa Templo sa Kirtland.
Ikonsiderar ang paggamit sa mosunod nga kalihokan aron tabangan ang mga estudyante nga makahibalo og dugang mahitungod niining balaang mga panghitabo. Kini nga kalihokan mahimong buhaton sa tinagsa-tagsa, magkapares, o diha sa gagmay nga mga grupo.
Sa usa ka papel o sa imong journal sa pagtuon, pagdrowing og linya aron tungaon ang panid. Pagdrowing og bukid sa wala nga bahin sa panid ug templo sa tuo nga bahin. Isulat ang “ Mateo 17:1–7 ” sa ibabaw sa imong bukid ug “ Doktrina ug mga Pakigsaad 110:1–2, 11–16 ” sa ibabaw sa imong templo. Basaha ang mga asoy sa kasulatan, ug ilista ang mga ngalan sa mga tawo nga anaa didto o kang kinsang tingog nadungog sa panahon sa kada panghitabo. Sa ubos niini nga mga ngalan, pagsulat og usa o duha ka kapahayag [sentence] nga kasumahan sa unsay nahitabo sa kada asoy.
Dapita ang andam nga mga estudyante nga ipaambit ang ilang mga hulagway ug mga kasumahan.
Unsay imong nakat-onan gikan sa pagtuon niini nga mga asoy?
Lagmit nga makatabang kon mahibaloan nga ang Giya ngadto sa mga Kasulatan namahayag nga samtang “dinhi niini nga mahinungdanon nga hitabo, ang Manluluwas, si Moises, ug Elias (Elijah) mihatag sa gisaad nga mga yawe sa pagkapari ngadto ni Pedro, Santiago, ug Juan [Kasaysayan sa Simbahan 3:387], nga nagtugot niini nga mga kaigsoonan sa pagpadayon sa buluhaton sa gingharian dinhi sa yuta pagkahuman sa pagbiya ni Jesus. Unya paglabay sa panahon gihatag kini nga mga yawe ngadto sa tanang Napulog Duha” (Giya ngadto sa mga Kasulatan, “ Pagkahimaya sa Panagway ”).
Gipasabot ni Elder Stevenson ang importansiya sa mga yawe sa pagkapari. Basaha ang mosunod nga pamahayag:
Imahe
Peter in the Chapel in Copenhagen
Imahe
Official portrait of Elder Gary E. Stevenson of the Quorum of the Twelve Apostles, 2015.
Kon mas mamalandong ko niini nga kasinatian, mas mahimong lawom kini nga kasinatian alang kanako. Nahingangha ko sa gugma sa Langitnong Amahan para sa Iyang mga anak. Naghuna-huna ko sa langitnong pagbisita ug talagsaong mga panan-awon sa kahangturan nga gipakita sa Dios kang Joseph Smith. Ug ilabi na, napuno ko sa labihang pasalamat para sa pagpahiuli sa awtoridad sa pagkapari ug mga yawe sa pagkapari. Kon wala kini nga pagpahiuli, dili kita makagamit sa gah[o]m nga gikinahanglan aron kita makabiyahe pauli ngadto sa mahigugmaon nga langitnong mga ginikanan. Ang pagbuhat sa matag ordinansa sa kaluwasan nga naglangkob sa atong dalan sa pakigsaad balik sa presensya sa atong Amahan sa Langit nagkinahanglan og tukmang pagdumala pinaagi sa mga yawe sa priesthood.
(Gary E. Stevenson, “Asa ang mga Yawe ug Awtoridad sa Priesthood?,” Liahona, Mayo 2016, 29)
Susiha kon unsa ang imong gibati mahitungod sa pagpahiuli sa Manluluwas sa mga yawe sa pagkapari ug kon unsa ang epekto niini nga mga yawe sa imong kinabuhi. Tinguhaa ang giya sa Espiritu Santo aron masabtan ang importansiya niini. Ang mosunod nga mga pangutana tingali makatabang.
Nganong mapasalamaton man ka sa mga yawe sa Ginoo sa pagkapari dinhi sa yuta?
Kon adunay tawo nga dili pamilyar sa mga yawe sa pagkapari nga mangutana kanimo kon nganong importante kini, unsa ang imong itubag?
Unsa nga balaang mga kapanguhaan ang makatabang niining tawhana nga makahibalo og dugang mahitungod sa importansiya sa mga yawe sa pagkapari?
Komentaryo ug Background nga Impormasyon
Unsa ang ipasabot sa pulong nga transpigurasyon?
Ang Giya ngadto sa mga Kasulatan nagpasabot sa transpigurasyon nga “kahimtang sa mga tawo kinsa sa mubo nga panahon nausab ang panagway ug kinaiyahan—nga, gibayaw sa usa ka labaw nga taas nga espirituhanon nga kahimtang—aron sila makalahutay sa atubangan ug himaya sa langitnon nga mga binuhat” (“ Pagkahimaya sa Panagway ,” scriptures.lds.org).
Asa ako makakat-on pa og dugang mahitungod sa Pagkahimaya sa Panagway ni Jesukristo?
Mateo 16:19. Unsa nga gahom ang gisaad ni Jesukristo kang Pedro?
Si Presidente Boyd K. Packer (1924–2015) sa Korum sa Napulog Duha ka Apostoles mitudlo:
Imahe
Final official portrait of Elder Boyd K. Packer, President of the Quorum of the Twelve Apostles, 2000. Passed away 3 July 2015.
Si Pedro mao ang gitugyanan sa gah[o]m sa pagsilyo, kana nga awtoridad nga nagdala og gah[o]m sa pagbugkos o pag-seal dinhi sa yuta o pagluag dinhi sa yuta ug mao usab kini ang mahitabo didto sa kalangitan. [Kana] nga mga yawe gikuptan sa Presidente sa Simbahan—sa propeta, manalagna, ug tigpadayag. Kanang sagrado nga gah[o]m sa pagsilyo anaa sa Simbahan karon. Walay lain nga gitamod nga mas sagrado nga pamalandong niadtong kinsa nasayod sa kamahinungdanon niini nga awtoridad. Walay lain nga mas gihuptan og maayo. Adunay pipila lamang ka mga lalaki nga gihatagan niini nga gah[o]m sa pagsilyo dinhi sa ibabaw sa yuta sa bisan unsang higayon—sa matag templo may mga kaigsoonan kinsa gihatagan sa gah[o]m sa pagsilyo. Walay usa nga makakuha niini gawas kon gikan sa propeta, manalagna, ug tigpadayag ug Presidente sa Ang Simbahan ni Jesukristo sa mga Santos sa Ulahing mga Adlaw.
(Boyd K. Packer, “Ang Balaan nga Templo,” Liahona, Okt. 2010, 34)
Kinsa nga “Elias” ang mipakita ngadto ni Joseph Smith ug Oliver Cowdery didto sa Templo sa Kirtland?
Gamay ra ang nahibaloan mahitungod sa propeta nga gihinganlan og Elias nga “mitugyan sa kapaigoan sa ebanghelyo ni Abraham” ngadto kang Joseph Smith ug Oliver Cowdery didto sa Templo sa Kirtland ( Doktrina ug mga Pakigsaad 110:12). Gigamit ang ngalan nga Elias sa mga kasulatan isip importante nga ulohan nga gihatag ngadto sa mga indibidwal nga adunay partikular nga mga misyon.
Dugang nga mga Kalihokan sa Pagkat-on
“Asa man ang mga yawe?”
Aron tabangan ang mga estudyante nga mas makasabot mahitungod sa kon kinsa ang naghupot sa mga yawe sa pagkapari ug sa unsang paagi makapanalangin kana nga mga yawe sa ilang mga kinabuhi, ikonsiderar ang pagbuhat sa mosunod nga kalihokan.
Sa dili pa magklase, ilista ang mga naghupot sa mga yawe sa pagkapari diha sa pisara. Isulat ang kada usa sa mga panalangin sa ebanghelyo nga nagkinahanglan og mga yawe sa pagkapari (nakalista sa ubos) diha sa usa ka papel nga morag yawe ang porma, ug itago ang mga papel nga yawe sa tibuok sa klasehanan. Mahimong pangitaon sa mga estudyante ang nakatago nga mga yawe. Sa dihang makita na ang mga yawe, ipapilit kini sa pisara duol sa angay nga naghupot sa yawe. Hisgoti kon sa unsang paagi nga ang lain-laing mga naghupot sa yawe ug ang mga ordinansa makapanalangin sa mga kinabuhi sa mga estudyante.
Pipila sa mga naghupot sa yawe sa pagkapari:
Mga presidente sa stake ug district
Mga bishop ug mga presidente sa branch
Mga presidente sa templo
Mga presidente sa misyon
Ang Presidente sa Simbahan
Mga panalangin sa ebanghelyo nga nagkinahanglan og mga yawe sa pagkapari:
Bunyag
Kompirmasyon ug ang paghatag sa gasa sa Espiritu Santo
Pagpangalagad sa sakramento
Pagtuman sa mga calling ug mga buluhaton sa Simbahan
Patriyarkal nga mga panalangin
Pagtuga diha sa templo
Pagsilyo diha sa templo
Mateo 16:18–19
Gitugotan sa paggamit sa tanang mga yawe sa pagkapari
Dapita ang mga estudyante nga hinumdoman ang ikaupat nga pangutana sa rekomend sa templo, nga naamahayag, “Ikaw ba mopaluyo sa Presidente sa Ang Simbahan ni Jesukristo sa mga Santos sa Ulahing mga Adlaw isip propeta, manalagna, ug tigpadayag ug isip mao ang bugtong tawo sa yuta nga gitugutan sa pagdumala sa tanang mga yawe sa pagkapari?” (Russell M. Nelson, “Panapos nga Pakigpulong,” Liahona, Nob. 2019, 121). Tabangi ang mga estudyante sa pagsusi sa ilang pagsabot pinaagi sa paghangyo kanila nga isulat kon nganong naghunahuna sila nga usa kini sa mga sumbanan sa Ginoo aron makasulod sa Iyang balaang balay.
