Матай 19:16–30; Марк 10:17–31
“Надад өөр юу дутагдаж байна вэ?” (Maтай 19:20)
Баян залуу Есүсээс мөнх амийг олохын тулд юу хийх шаардлагатай вэ? хэмээн асуув. Есүс баян залууг эд баялгаа зараад, Өөрийг нь дагахыг хайраар урьсан. Энэ хичээл нь Аврагчийг илүү сайн дагахыг эрэлхийлэхдээ Тэрээр таныг юу хийгээсэй хэмээн хүсдэг талаар Түүнээс суралцахад урамшуулан дэмжинэ.
Хичээлийн агуулгыг тохируулан өөрчлөх. Энэхүү гарын авлага дээрх заах санаануудыг суралцагчдын хэрэгцээ шаардлагад нийцүүлэн өөрчлөх нь зүйтэй. Ариун Сүнсний удирдамжийн дагуу хичээлийн хувийн туршлага, санаа оноог ашиглахын зэрэгцээ хичээлийн материалыг тохируулан өөрчлөөрэй.
Суралцагчийн бэлтгэл: Суралцагчдыг хэн нэгний өгсөн залруулгад талархаж байснаа эргэн санахад урь. Аль тал дээрээ ажиллах шаардлагатай байгаагаа олж харахад маань туслах нь хэрхэн хайрын илрэл байж болох вэ?
Боломжит суралцах үйл ажиллагаа
Хэрхэн сайжрахад туслах зөвлөгөө
Дараах асуултуудыг ашиглан хувийн жишээгээ хуваалцах замаар дараах үйл ажиллагааг хэрхэн хийх загварыг үзүүл. Дараа нь хамтрагчтайгаа хамт мөн адил үйлдэхэд суралцагчдыг урь.
Хийхийг хүсэж байгаа болон сайн хийдэг ямар нэгэн зүйлээ сонго (жишээлбэл, спорт, хөгжмийн зэмсэг, хобби, ямар нэгэн хичээл эсвэл ажил). Дараа нь уг үйл ажиллагаагаар өөрийн чадварыг болон сайжрах хүслээ дараах асуултуудад хариулах замаар шударгаар үнэл.
-
Таны давуу тал юу вэ? Таны сул тал юу вэ?
-
Хэрэв танд өөрийг тань ажиглан, хэрхэн сайжирч болох талаар тодорхой зөвлөгөө өгч чадах хүнийг сонго гэвэл та хэнийг сонгох байсан бэ? Яагаад?
Хувийн шинж чанартай тул дараагийн зааварчилгааг дор бүрнээ дагахад суралцагчдыг урь.
Харин одоо дээрх асуултуудыг дахин тавь. Энэ удаа сүнслэг байдлын хувьд гаргах өсөлт хөгжлөө бодож үйлд (жишээлбэл, та сайн мэдээний талаарх өөрийн мэдлэг, зохистой байдал, сайжрах хүсэл эсвэл Христийнхтэй адил зан чанарууд дээр төвлөрч болно).
Ангийн гишүүдэд урам зориг өгч, дэмжих үүднээс ангийнхаа бусад суралцагчаас олж хардаг сүнслэг хүч чадал эсвэл Христийнхтэй адил зан чанаруудыг дурдах хоёроос гурван минутыг суралцагчдад олгох талаар бодож үз. Өөрсдийгөө доогуур үнэлдэг, магтаал сайшаал хэрэгтэй байж болох суралцагчдад анхаарлаа төвлөрүүл.
Шинэ Гэрээнээс бид Аврагчаас зөвлөгөө авахаар шийдсэн залуу эрийн тухай мэдэж авдаг. Матай 19:16–19 -ийг уншаад, тэр залуугийн асуултыг мөн Аврагч эхлээд түүнд юу гэж хариулсныг олж мэд.
-
Энэхүү залуу эрд өгсөн Аврагчийн хариулт бидний амьдралд ч гэсэн хэрхэн хамаатай гэж та бодож байна вэ?
-
Есүс Христийн хариултаас та Түүний талаар юу мэдэж авч болох вэ?
Матай 19:20 -д цэдэглэгдсэн залуу эрийн асуултыг уншаад, бичиж тэмдэглэх талаар бодож үз. Уг асуултыг судар дээрээ өөрийнхөө үгээр дахин бичиж болох юм.
Ерөнхийлөгч Харолд Б. Лий (1899–1973) ийн заасан.
ЗурагHead and shoulders portrait of LDS Church President Harold B. Lee.Хэрвээ бид төгс болох юм бол “Надад өөр юу дутагдаж байна вэ?” гэсэн асуултыг хэзээ нэг цагт хүн бүр өөрсдөөсөө асууж байсан байж таарна.
(Teachings of Presidents of the Church: Harold B. Lee [2000], 197)
-
Энэ асуултыг тавих нь Есүс Христийг илүү сайн дагахад бидэнд хэрхэн туслах вэ?
-
Хэрэв бид энэ асуултыг тавиагүй байсан бол Аврагчийг дагахын тулд гаргаж буй хүчин чармайлтад маань хэрхэн нөлөөлөх байсан бэ?
-
Юугаа өөрчлөхийг олж мэдэхэд тань Тэнгэрлэг Эцэг, Есүс Христ хоёр яагаад хамгийн сайн тусалж чадах вэ?
Маркийн сайн мэдээний энэ цэдэг Есүс Христийн талаар зарим чухал нэмэлт мэдээллийг өгдөг. Марк 10:21 -ийг уншаад, Есүс Христ биднийг хайрладаг тул Өөрийг нь дагахын тулд гаргаж буй хүчин чармайлтад маань юу дутагдаж байгааг олж мэдэхэд бидэнд тусална гэсэн үнэний нотолгоог хайж ол.
Марк 10:21 -д Аврагч хайраа үгээр илэрхийлээгүй болохыг анхаар. Гэсэн ч Марк “Есүс түүнийг ширтэн харж, хайрлан” гэж бичсэн. Есүс Христ таныг хэрхэн хардаг тухай мөн таныг гэх Түүний хайрын талаар цаг гарган тунгаан бод.
Дараах асуултуудын эхнийхийг үзүүлээд, хариулахынхаа өмнө уг асуултын талаар тунгаан бодох цагийг суралцагчдад гаргаж өгөх талаар бодож үз.
-
Өөрсдийгөө засаж залруулахын тулд Түүн дээр ирдэг хүмүүсийг Есүс Христ хайрладаг болохыг мэдэх нь яагаад чухал вэ?
-
Сайжир хэмээх Аврагчийн урилга хэрхэн Түүний хайрын илрэл вэ?
-
Ифер 12:27 нь Их Эзэн танд хэрхэн туслах талаар юу заасан бэ?
Залуу эр юуг сонгосон болохыг олж мэдэхийн тулд Марк 10:22 -ыг унш.
Арван хоёр Төлөөлөгчийн Чуулгын ахлагч Брүс Р.Макконки (1915–1985) уг залуу эрийн гаргасан шийдвэрийн байж болох зарим үр дагаврыг ийн тайлбарласан.
ЗурагHead and shoulders portrait of Elder Bruce R. McConkie.Хэрэв тэрхүү [баян залуу эр] селестиел хаант улсын хуулиар амьдарч чадсан бол Бурханы Хүүтэй ямар харилцаатай байж, төлөөлөгчидтэй хэрхэн нөхөрлөж, ямар илчлэлт хүлээн авч, ямар үзэгдэл харах байсан бол гэж бид бодсоор хоцордог. Тэр чадаагүй тул түүний нэр үлдээгүй. Үүрд дурсагдаж болох байсан ч түүний нэр гэгээнтнүүдийн дунд өргөмжлөгдөөгүй.
(Bruce R. McConkie, “Obedience, Consecration, and Sacrifice,” Ensign, May 1975, 51)
Бүх суралцагчид дараах асуултад хариулах боломжийг олгох арга замыг ол. Тэд жүжиглэн тоглох эсвэл судлах тэмдэглэлдээ бичих замаар хариулж болно. Бид яагаад Аврагчийг дагах ёстой болохыг тайлбарлах боломжийг суралцагчдад олгох нь шавь байх итгэл үнэмшлээ илүү гүнзгийрүүлэхэд туслах болно.
-
Хэрэв та өнгөрсөн цаг үед эргэн очиж, Аврагчийн урилгыг хүлээн авалгүйгээр явахаас нь өмнө энэ залуутай ярилцаж болох байсан бол түүнд юу гэж хэлэх байсан бэ?
Та асууж, дуулгавартай дагахад бэлэн үү?
Нүдээ аниад, энэхүү цэдэгт гарсан залуу эрийг харж байсантай адил хайраар Аврагч таныг харж байна гэж төсөөлөхийг хичээ.
Далын ахлагч Ларри Р.Лорэнс дараах урилга болон амлалтыг өгсөн.
ЗурагOfficial Portrait of Elder Larry R. Lawrence. Photographed March 2017.Би та бүхэнд үе үе сүнслэг дасгал хийж байхыг, магадгүй энэ үдэш залбирч байхдаа ийн үйлдэхийг санал болгож байна. “Өсөж хөгжихөд маань надад юу саад болж байна вэ?” Өөрөөр хэлбэл, “Надад юу дутагдаж байна вэ? зэрэг асуултуудыг Их Эзэнд даруухнаар тавь. Тэгээд хариултыг нь чимээгүйхэн хүлээ. Хэрэв та чин сэтгэлээсээ асуусан бол хариулт нь удалгүй тодорхой болно. Энэ нь зөвхөн танд зориулсан илчлэлт байх юм.
(Ларри Р.Лорэнс, “Надад юу дутагдаж байна вэ?” Ensign, Nov. 2015, 35 эсвэл 2015 оны 10-р сарын Ерөнхий чуулган, 19)
-
Ахлагч Лорэнсын зөвлөгөөг хүлээн авах нь таны амьдралд хэрхэн нөлөөлнө гэж та бодож байна вэ? Үүнийг хүлээн авахгүй байх нь хэрхэн нөлөөлөх вэ?
-
Таны төлөөх Христийн хайрыг мэдэж байх нь энэ асуултыг тавих хүсэл эрмэлзэлд тань хэрхэн нөлөөлж байна вэ?
Дараах үйл ажиллагааг судлах тэмдэглэлдээ хийж гүйцэтгэх нь суралцагчдад тустай байж магадгүй.
Бурхан танаас амьдралынхаа юуг өөрчлөөсэй хэмээн хүсэж байгааг цаг гарган Түүнээс асуу. Энэ нь таны хийхээ болих, хийж эхлэх эсвэл өөрөөр хийх ёстой ямар нэг зүйл байж болно. Дараа нь амьдралаа эргэн харж, өөрт төрсөн бодол санаа, сэтгэгдлийг бич. (Хэрэв танд хариулт хурдан ирэхгүй бол хариулт авсан үед дуулгавартай дагах зорилгоор үргэлжлүүлэн асуу. Бурхан хамгийн тохиромжтой цагт, хамгийн сайн арга замаар хариулах болно.)
Хувийн туршлагаасаа хуваалц эсвэл амьдралд нь тэднийг хайраар засаж залруулсанд талархаж байсан үеэ хуваалцахад суралцагчдыг урь. Бурханы энэхүү залруулга ямар арга замаар ирж болохыг дурдах талаар бодож үз (гэр бүлийн гишүүн болон Сүмийн удирдагчаар дамжуулан мөн судруудыг уншсанаар болон Ариун Сүнсний удирдамжаар дамжуулан гэх мэт арга замаар).
Тайлбар ба нөхцөл байдлын талаарх мэдээлэл
Аврагчийн наманчлахад урьсан урилга хэрхэн Түүний хайрын илрэл байж болох вэ?
Далын ахлагч С. Марк Палмэр ийн заасан.
ЗурагOfficial Portrait of Elder S. Mark Palmer. Photographed in March 2017.Хэрэв бид даруу байвал Их Эзэний наманчлах, золиослох мөн биднийг хайрлах төгс хайрынх нь нотолгоо болгон үйлчлэх урилга хүлээн авна. Эцсийн эцэст наманчлах урилга нь өршөөл, амар амгалангийн гайхамшигт бэлгийг хүлээн авах урилга билээ.
(С.Марк Палмэр, “Есүс түүнийг ширтэн харж, хайрлав,” Ensign, May 2017, 116 эсвэл 2017 оны 4-р сарын Ерөнхий чуулган, 107)
Дутагдлынхаа талаар үргэлж санаа зовох нь сайн уу?
Арван хоёр Төлөөлөгчийн Чуулгын ахлагч Дэйл Г. Рэнланд ийн хэлсэн.
ЗурагOfficial Portrait of Elder S. Mark Palmer. Photographed in March 2017.Би хангалттай зүйл хийж байна уу? Би өөр юу хийх ёстой вэ? Эдгээр асуултын хариу болгон хийх үйлдэл маань энэ амьдралд болон мөнхөд аз жаргалтай байхын гол цөм болдог. …
Үүний зэрэгцээ, бидний Тэнгэрлэг Эцэг, Есүс Христ хоёр биднийг мөнх бус амьдрал дахь аяллынхаа туршид эргэлзээтэй байдалд тасралтгүй сатаарахыг мөн аврагдаж, өргөмжлөгдөхөд хангалттай зүйл хийсэн эсэхдээ эргэлзэхийг хүсдэггүй.
(Дэйл Г.Рэнланд, “Зөвийг үйлд, энэрлийг хайрла, Өөрийн Бурхантай даруухнаар алх,” Ensign, Nov. 2020, 111 эсвэл 2020 оны 10-р сарын Ерөнхий чуулган, 123)
Марк 10:25 . “Тэмээ тэвнийн сүвэгчээр нэвтрэх” гэдэг нь юу гэсэн утгатай вэ?
Зарим нь зүүний сүвэгчийг Иерусалим хотын хананы нарийхан хаалга гэж хэлсэн байдаг. Энэ хаалгаар орохын тулд тэмээний бүх ачааг буулгах хэрэгтэй байдаг ажээ. Тийм хаалга байсан эсэх нотолгоо байдаггүй. Бусад нь грек эх бичмэл дэх нэг үсгийг өөрчилснөөр судрыг өөрчлөхийг мөн ингэснээр тэмээ биш олс зүүний сүвэгчээр орох ёстой гэсэн үг болно гэсэн санал оруулжээ. Хэдийгээр Есүс Христ тэмээ зүүний сүвэгчээр орох тухай дурдсан хэдий ч энэ нь “баян хүн тэнгэрийн хаанчлалд орох нь нэн [бэрх]” ( Матай 19:23) гэдгийг заахын тулд хэрэглэсэн хэтрүүлэгтэй зүйрлэл бүхий жишээ байсан байж болно.
(Шинэ Гэрээний суралцагчийн гарын авлага [Сүмийн Боловсролын Системийн гарын авлага, 2014], 63)
Марк 10:23–27 . Баян хүн диваажинд орох нь хэцүү, бүр боломжгүй зүйл үү?
Марк 10:27 -ийн Иосеф Смитийн Орчуулга нь “Эд баялагт итгэж найддаг хүний хувьд энэ нь боломжгүй, гэхдээ Бурханд итгэж найдан, Миний төлөө бүхнээ орхисон хүнд энэ нь боломжтой. Учир нь тэдний хувьд эдгээр бүх юм боломжтой” хэмээсэн байдаг (Иосеф Смитийн Орчуулга, Марк 10:26 [ Марк 10:27 дээр, зүүлт тайлбар a]).
Нэмэлт суралцах үйл ажиллагаа
Видео
Харж суралцдаг суралцагчдад зориулан ChurchofJesusChrist.org дээрх “Christ and the Rich Young Ruler” (2:25) видеог үзүүлэх талаар бодож үз.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fab%2Fac%2Fabac8004ac64031272f00dfb00b875cee031ba9c%2Fabac8004ac64031272f00dfb00b875cee031ba9c.jpeg/full/!250,/0/default)
Бурханы танд зориулсан зөвлөгөө
Арван хоёр Төлөөлөгчийн Чуулгын ахлагч Дэвид A. Бэднар Аврагч баян залуу эрд “тодорхой хэрэгцээ, нөхцөл байдалд нь тохирсон” шаардлагыг өгсөн хэмээн заасан (“Зүрх сэтгэлдээ номхон дөлгөөн,” Ensign, May 2018, 30 эсвэл 2018 оны 4-р сарын Ерөнхий чуулган, 36).
Тэнгэрлэг Эцэг, Есүс Христ хоёр бидний хүн нэг бүрд тохирсон зөвлөгөөг мөн адил өгч чадна. Хувь хүмүүсийн Бурханаас хүлээн авсан хувийн, тохирсон зөвлөгөөний жишээг үзүүлэхийн тулд суралцагчидтай Далын ахлагч Ларри Р. Лорэнсын хэлсэн “Надад өөр юу дутагдаж байна вэ?” гэсэн үгийг цагийн код 2:41-ээс 7:20 хүртэл хуваалцах талаар бодож үз. Энэ видео ChurchofJesusChrist.org дээр байгаа.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F1e%2Fb5%2F1eb559805621e0266abf110b454a005921cb88eb%2F1eb559805621e0266abf110b454a005921cb88eb.jpeg/full/!250,/0/default)
//media.ldscdn.org/webvtt/general-conference/october-2015-general-conference/2015-10-1050-elder-larry-r-lawrence-eng.vtt
Фарисай ба татвар хураагч
Суралцагчдыг Лук 18:9–14 -т гардаг хоёр хүний залбирахдаа гаргаж буй хандлагыг харьцуулаад, дараахтай адил асуултуудыг авч хэлэлцэхэд урь.
-
Бидний хандлага зөвлөгөө авах, залруулга эрэлхийлэх бидний хүсэлд хэрхэн нөлөөлж болох вэ?
-
Энэ нь Их Эзэн болон Түүний Сүмийн удирдагчдаас мөн эцэг эхээсээ болон бусдаас хүлээн авдаг зөвлөгөөг хүлээн авч, түүний дагуу үйлдэх хүсэлд маань хэрхэн нөлөөлж болох вэ?
Бид мөнх амийг хүлээн авахын тулд Их Эзэний биднээс шаардсан бүхнийг орхиход бэлэн байх ёстой
Марк 10:21–22 -т гардаг залуу эрийн хариу үйлдлийг үүнтэй адил золиос гаргах хүсэлтийг хүлээн авсан бусад хүний үйлдэлтэй харьцуул. Зарим жишээнд Лихай ( 1 Нифай 2:2–4 -ийг үзнэ үү); Петр, Иаков, Иохан ба Андрей ( Матай 4:18–22 -ыг үзнэ үү); Матай, мөн Леви гэж нэрлэгддэг ( Лук 5:27–29 -ийг үзнэ үү); Мосе ( Еврей 11:24–27 -г үзнэ үү) болон бидний цаг үед амьдарч буй итгэлтэй хүмүүс орж болно.
Аврагч ямар арга замаар Матай 19:29 -д цэдэглэгдсэн амлалтаа Түүний шаардсан бүхнийг дуртайяа золиослоход бэлэн хүмүүст биелүүлдэг вэ?