Mateu 3:13–17, Pjesa 1

Jezu Krishti u Pagëzua nga Gjon Pagëzori

Jezu Krishti erdhi te Gjon Pagëzori që të pagëzohej prej tij. Ky mësim mund të të ndihmojë të kuptosh dhe shpjegosh rëndësinë e pagëzimit në ungjillin e Jezu Krishtit.

Përdorimi i Librit të Mormonit për të sqaruar të vërtetën. Ndihmojini nxënësit të marrin një kuptim më të madh për doktrinën e rëndësishme të dhënë mësim në Bibël duke i drejtuar te Libri i Mormonit për të konfirmuar dhe sqaruar të vërtetën.

Përgatitja e nxënësve: Ftojini nxënësit të përgatiten për orën mësimore duke menduar se si do t’ia shpjegonin rëndësinë e pagëzimit dikujt që e duan, që nuk është anëtar/e i/e Kishës së Jezu Krishtit të Shenjtorëve të Ditëve të Mëvonshme.

Veprimtari të Mundshme të të Mësuarit

Rëndësia e pagëzimit

Mendo për njerëz të cilët i do, që nuk janë anëtarë/e të Kishës së Jezu Krishtit të Shenjtorëve të Ditëve të Mëvonshme. Përfytyro sikur njëri/a prej tyre po takohej me misionarët. Si do të ndiheshe? Përfytyro sikur misionarët të kërkuan të shpjegosh rëndësinë e të qenit i/e pagëzuar. Mendo për atë që mund të thuash që mund ta ndihmojë njeriun tënd të dashur të ndërmarrë këtë hap thelbësor.

• Në një shkallë nga 1 deri në 10 (1 = i/e papërgatitur; 10 = jashtëzakonisht i/e përgatitur), sa i/e përgatitur do të ndiheshe për të shpjeguar rëndësinë e pagëzimit në një mënyrë që mund ta ndihmojë dikë të cilin e do që të dëshirojë të pagëzohet?

Merrni parasysh t’i ftoni nxënësit t’i përgjigjen kësaj pyetjeje duke ngritur numrin e duhur të gishtërinjve në duart e tyre.

• Çfarë mund të duash të dish më shumë për pagëzimin që të ndihesh më i/e përgatitur për ta shpjeguar rëndësinë e tij?

Mbajini shënim aspektet e pagëzimit për të cilat nxënësit do të donin të dinin më shumë. Gjatë mësimdhënies, përpiquni të theksoni çdo material në mësim që do t’ju ndihmojë t’u përgjigjeni pyetjeve të tyre.

Në mësimin e sotëm ti do të kesh mundësinë të studiosh doktrinën e pagëzimit dhe të bësh pyetje të ndryshme mbi temën. Ti gjithashtu do të kesh mundësinë të ushtrosh shpjegimin e asaj që mëson.

Jezu Krishti u pagëzua për të na treguar udhën

Merrni parasysh të paraqitni hartën 11, “ Toka e Shenjtë në Kohët e Dhjatës së Re ”,në seksionin Hartat e Biblës te Ndihma për Studimin, te programi Gospel Library [Biblioteka e Ungjillit] ose te faqja ChurchofJesusChrist.org.

Jezusi udhëtoi nga Galilea në Betabara, me gjasë në këmbë, që të pagëzohej nga Gjon Pagëzori (shih Mateu 3:13 , Gjoni 1:28 , 1 Nefi 10:9). Gjoni mbante çelësat e Priftërisë Aarone dhe po pagëzonte njerëz në lumin Jordan (shih Udhëzuesi për Shkrimet e Shenjta, “ Gjon Pagëzori ”, scriptures.ChurchofJesusChrist.org). Duke përdorur një nga shkallët matëse në hartë, vlerëso distancën që përshkoi Shpëtimtari.

• Çfarë mund të të mësojë rreth Shpëtimtarit dhe pagëzimit përpjekja e Tij për t’u pagëzuar nga Gjoni?

Lexo te Mateu 3:13–17 dhe përfytyro sikur je i/e pranishëm/me në pagëzimin e Shpëtimtarit. Kërko hollësi të rëndësishme për Shpëtimtarin dhe pagëzimin që dëshiron të mbash mend.

• Nëse do të ishe i/e pranishëm/me në pagëzimin e Shpëtimtarit, çfarë do të doje të mbaje mend nga përvoja?

• Çfarë mendon se do të kishe mësuar për Shpëtimtarin dhe pagëzimin?

Disa nga të vërtetat që nxënësit mund të zbulojnë mund të përqendrohen te Kreu-Perëndi. Nëse “Mateu 3:13–17, Pjesa 2” do të jetë mësimi i ardhshëm që do të jepet, merrni parasysh t’i informoni nxënësit se Kreu-Perëndi do të diskutohet atje më me hollësi.

Mendo për atë që mund t’i tregosh mikut ose pjesëtarit tënd të familjes për pagëzimin e Jezu Krishtit që mund ta ndihmojë.

Mund të jetë gjithashtu e dobishme të marrësh parasysh se çfarë pyetjesh mund t’i bësh mikut ose pjesëtarit tënd të familjes për pagëzimin. Disa nga pyetjet e tyre mund të marrin përgjigje te Mateu 3 . Përveç kësaj, Libri i Mormonit është një burim i frymëzuar që sqaron shumë të vërteta për pagëzimin. Pyetjet e mëposhtme janë shembuj të pyetjeve që mund të ketë dikush që nuk e kupton rëndësinë e pagëzimit. Zgjidh një pyetje që mendon se mund të ketë miku ose pjesëtari yt i familjes. Pastaj studio vargjet përkatëse në Librin e Mormonit dhe shiko se si mund të të ndihmojnë t’i përgjigjesh asaj pyetjeje.

Merrni parasysh t’i shkruani pyetjet e mëposhtme dhe referencat e shkrimeve të shenjta në tabelë.

• Edhe pse Jezusi u pagëzua, a duhet të pagëzohem edhe unë? Përse po ose përse jo? (Shih 2 Nefi 9:21, 23–24 ; 2 Nefi 31:5, 10–11 .)

• Pse do të doja të pagëzohesha? Çfarë bekimesh do të merrja? (Shih 2 Nefi 31:12–13, 17–18 .)

• Jezusi shkoi te Gjon Pagëzori për t’u pagëzuar. Kush mund të më pagëzojë mua? (Shih 3 Nefi 11:19–22 .)

• Jezusi u pagëzua në lumin Jordan dhe doli nga uji. A duhet të futem plotësisht në ujë ose a ka ndonjë mënyrë tjetër për t’u pagëzuar? (Shih 2 Nefi 31:13 ; 3 Nefi 11:23–26 .)

• Nëse unë pagëzohem për t’u pastruar nga mëkati, pse u pagëzua Jezusi? A nuk ishte Ai pa mëkat? (Shih 2 Nefi 31:5–11 .)

Duke përdorur atë që ke mësuar nga Mateu 3:13–17 dhe Libri i Mormonit, shkruaj se si do t’ia shpjegosh rëndësinë e pagëzimit pjesëtarit të familjes ose mikut tënd.

Kur nxënësit ta kenë përfunduar studimin e tyre, vërini të interpretojnë me role se si do t’ia shpjegonin rëndësinë e pagëzimit miqve apo pjesëtarëve të familjes.

Nëse ndihesh i/e frymëzuar, merr parasysh t’ia thuash shpjegimin tënd një miku apo pjesëtari të familjes që nuk është pagëzuar si anëtar i Kishës së Jezu Krishtit të Shenjtorëve të Ditëve të Mëvonshme. T’ia thuash shpjegimin dikujt që tashmë është pagëzuar mund të ishte gjithashtu një veprimtari e vlefshme.

Komente dhe Informacion për Rrethanat

Mateu 3:13 . Pse Jezusi shkoi te Gjoni për pagëzim?

Jozef Smithi shpjegoi autoritetin që kishte Gjon Pagëzori kur tha:

“Gjoni, në atë kohë, ishte i vetmi administrues i ligjshëm në çështjet e mbretërisë që ishte asokohe mbi tokë dhe i cili mbante çelësat e fuqisë. Judenjtë duhej t’u bindeshin udhëzimeve të tij ose të mallkoheshin, sipas vetë ligjit të tyre. … Biri i Zakarias mezi i mori çelësat, mbretërinë, fuqinë, lavdinë nga judenjtë, me vajosje të shenjtëruar dhe vendim të qiellit.”

(Mësimet e Presidentëve të Kishës: Jozef Smith [2009], f. 85; shih edhe Doktrina e Besëlidhje 84:23–28 .)

Si e di se pagëzimi është thelbësor?

Shpëtimtari dha mësim për natyrën thelbësore të pagëzimit kur i tha Nikodemit se kërkohej për të hyrë në mbretërinë e Perëndisë (shih Gjoni 3:5). Profeti Jozef Smith gjithashtu dha mësim se pagëzimi ishte vendimtar për shpëtimin:

“Pendohuni për gjithë mëkatet tuaja dhe pagëzohuni në ujë për heqjen e tyre, në emrin e Atit, dhe të Birit, dhe të Frymës së Shenjtë; dhe merrni ordinancën e vendosjes së duarve prej atij që është shuguruar dhe vulosur në këtë fuqi, që ju të mund të merrni Shpirtin e Shenjtë të Perëndisë; dhe kjo është sipas Shkrimeve të Shenjta dhe Librit të Mormonit; dhe mënyra e vetme se si një njeri mund të hyjë në mbretërinë çelestiale.”

(Mësimet e Presidentëve të Kishës: Jozef Smith [2009], f. 160–161.)

Si mund ta sqarojë Libri i Mormonit doktrinën e pagëzimit të dhënë mësim në Bibël?

Plaku Ted R. Kelister, i Presidencës së Të Shtatëdhjetëve, dha mësim:

“Libri i Mormonit vepron vazhdimisht si një dëshmitar vërtetues, qartësues e bashkues i doktrinave që jepen mësim në Bibël, në mënyrë që të jetë “një Zot i vetëm, një besim i vetëm, një pagëzim i vetëm. …

Ekzistojnë metoda të ndryshme pagëzimi në botë sot, megjithëse Bibla na e tregon mënyrën me të cilën u pagëzua Shpëtimtari, Shembulli ynë i madh: ‘[Ai] doli nga uji’ ( Mateu 3:16). A mund të dilte Ai nga uji nëse nuk ishte futur më parë në ujë? Që të mos ketë ndonjë mosmarrëveshje mbi këtë temë, Libri i Mormonit e largon atë me këtë thënie të drejtpërdrejtë për doktrinën lidhur me mënyrën e përshtatshme të kryerjes së pagëzimit: ‘Dhe atëherë do t’i zhytni në ujë dhe do të dilni përsëri nga uji’ ( 3 Nefi 11:26).”

(Ted R. Kelister, “Libri i Mormonit – një Libër nga Perëndia”, Ensign ose Liahona, nëntor 2011, f. 75–76.)

Veprimtari Plotësuese të të Mësuarit

Mënyra të tjera për të filluar mësimin

Alternativa 1Merrni parasysh të krijoni një labirint për nxënësit që ta plotësojnë në letër ose në tabelë dhe që ka vetëm një zgjidhje të mundshme. Nxënësit mund të ftohen të mendojnë se çfarë mësimesh shpirtërore mund të mësohen nga kjo veprimtari. Cila është rëndësia e të pasurit një mënyrë të vetme për ta kaluar labirintin? Merrni parasysh të përdorni informacionin në paragrafin e mëposhtëm për të paraqitur temën e pagëzimit si një pjesë thelbësore të mënyrës për t’u kthyer në shtëpinë tonë qiellore.Ndonëse rrethanat në jetën tonë mund të jenë shumë të ndryshme, ka vetëm një mënyrë për t’u kthyer tek Ati ynë Qiellor dhe ajo mënyrë është bërë e mundur nëpërmjet Shpëtimtarit tonë Jezu Krisht (shih Gjoni 14:6 , Mosia 3:9, 17). Nëpërmjet shembullit dhe mësimeve të Tij, Jezu Krishti tregoi se një pjesë vendimtare e udhëtimit tonë është ordinanca e pagëzimit (shih Gjoni 3:5 ; Doktrina e Besëlidhje 76:50–55).

Alternativa 2Shkruajeni në tabelë fjalën Pagëzim. Ftojini nxënësit të shkruajnë pyetje rreth pagëzimit duke filluar me fjalët Kush, Çfarë, Kur, Ku, Pse dhe Si. Ftojini nxënësit të kërkojnë përgjigje për këto pyetje ndërsa studiojnë pagëzimin e Jezu Krishtit.

Përdorimi i fjalëve të Shpëtimtarit në Librin e Mormonit për të dhënë mësim për pagëzimin

Merrni parasysh t’i ftoni nxënësit të përdorin fjalët e Shpëtimtarit për të shpjeguar ordinancën e pagëzimit. Nxënësve mund t’u kërkohet të shohin te Libri i Mormonit për atë që Jezu Krishti dha mësim për pagëzimin. Mund të përdoren shkrimet e shenjta të mëposhtme: 3 Nefi 11:21–28 ; 3 Nefi 27:20 .

Përdorimi i doktrinës dhe cilësive të Jezu Krishtit për të kuptuar pagëzimin

Merrni parasysh të paraqitni skenarët e mëposhtëm dhe t’i lejoni nxënësit të zgjedhin një individ, të cilin mund ta ndihmojnë me zgjidhjen e shqetësimeve për pagëzimin.

Noela dëshiron të pagëzohet, por askush nga familjarët e saj të afërt nuk e ka Priftërinë Aarone ose Melkizedeke.

Makai dëshiron të pagëzohet, por ka frikë të zhytet në ujë. Ai është i gatshëm të zhytë çdo pjesë të trupit përveç kokës.

Misionarët e kanë ftuar Mejsonin që të pagëzohet. Ai nuk e kupton se pse pagëzimi është i rëndësishëm.

Nikola dëshiron të dijë se pse njerëzit pagëzohen. Çfarë dobie do të kishte?

Nxënësit mund të punojnë vetëm ose në grupe të vogla për të studiuar vargjet te Mateu 3:13–17 ; 2 Nefi 31:5–12, 17–18 dhe 3 Nefi 11:19–22 , duke kërkuar të vërteta që mund t’i ndihmojnë individët në këta skenarë.

Jepuni nxënësve mundësinë për të treguar përgjigjet e tyre për skenarët.