Kërkoni Kuptueshmëri të Mëtejshme nëpërmjet Burimeve të Caktuara në Mënyrë Hyjnore
Pamja
Young man with brace on wrist, doing family history work on a laptop computer. (horiz)
Njëri prej qëllimeve të zotërimit doktrinor është të të ndihmojë të mësosh dhe zbatosh parimet për marrjen e njohurisë shpirtërore. Ky mësim mund të të ndihmojë të kuptosh rëndësinë e kërkimit të së vërtetës nëpërmjet burimeve që Ati Qiellor dhe Jezu Krishti kanë ofruar me dashuri.
Përgatitja e nxënësve: Ftojini nxënësit të mendojnë se ku normalisht drejtohen për informacion kur kanë pyetje për Perëndinë apo Kishën. Ftojini të përsiatin për kuptimin e kësaj thënieje nga Plaku Nil L. Andersen, i Kuorumit të Dymbëdhjetë Apostujve: “Pyetjet shpirtërore meritojnë përgjigje shpirtërore nga Perëndia” (“Jozef Smithi”, Ensign ose Liahona, nëntor 2014, f. 28, 30).
Veprimtari të Mundshme të të Mësuarit
Ku kërkon për përgjigje?
Nëse burimet për të gjetur informacionin e mëposhtëm nuk janë në dispozicion në klasë, pyetini nxënësit ku ka më shumë gjasë të drejtohen për të gjetur informacion. Një tjetër alternativë do të ishte zëvendësimi i informacioneve më të rëndësishme ose interesante për nxënësit që t’i kërkojnë.
Motin për fundjavën e ardhshme
Emrin e kryeqytetit të Groenlandës
Një recetë gatimi me makarona ose oriz
Merrni parasysh pyetjet që vijojnë.
Çfarë burimesh përdore (apo do të përdorësh normalisht) për të kërkuar informacion?
Pse u beson këtyre burimeve për informacion në lidhje me këto lloj pyetjesh?
Ku mund të gjejmë përgjigje nga Perëndia?
Ku do të sugjeroje që njerëzit të kërkojnë përgjigje për pyetjet e rëndësishme rreth Perëndisë, Kishës apo planit të shpëtimit?
Merreni parasysh t’i shkruani përgjigjet e nxënësve në tabelë nën titullin “Burime të Caktuara në Mënyrë Hyjnore”. Merreni parasysh ta pasuroni këtë listë gjatë gjithë mësimit teksa nxënësit mësojnë për burimet e mëtejshme të së vërtetës nga Perëndia.
Mendo për çdo pyetje që ke për Perëndinë, Kishën ose planin e shpëtimit. Kjo mund të përfshijë informacione që i ke lexuar ose dëgjuar për të cilat pyet veten apo të duken shqetësuese. Kërko që të të udhërrëfejë Fryma e Shenjtë për të mësuar parimet në këtë mësim të cilat mund të të ndihmojnë.
Lexoji fragmentet e mëposhtme, duke kërkuar se si burimet e së vërtetës që jepen mësim në këto fragmente mund të na bekojnë.
Nxënësit mund të punojnë në dyshe, ku secili nxënës lexon dy nga fragmentet e mëposhtme dhe ia lexon ato që gjen shokut ose shoqes së vet.
Ndërsa nxënësit u përgjigjen pyetjeve të mëposhtme, merrni parasysh t’i shtoni në listën e burimeve të caktuara në mënyrë hyjnore në tabelë.
Çfarë burimesh të së vërtetës gjete në këto fragmente? Pse mund t’u besojmë plotësisht këtyre burimeve?
Ku mund të kërkojnë shumë njerëz informacion për pyetjet shpirtërore për të cilat do t’i paralajmëronit? Përse?
Po sikur të mos jem i/e sigurt se sa i besueshëm është një burim informacioni?
Merrni parasysh t’i pyetni nxënësit se çfarë këshille do t’i jepnin dikujt që e përdor internetin për të gjetur përgjigje për pyetje të rëndësishme shpirtërore. Bazuar në përgjigjet e tyre, përcaktoni nëse disa apo të gjitha informacionet në paragrafin e mëposhtëm do të ishin të dobishëm për t’u dhënë.
Një nga mënyrat më të zakonshme për të kërkuar informacione sot është duke përdorur internetin. Nëpërmjet internetit, ne kemi qasje te shumë burime të mira informacioni. Në të njëjtën kohë, interneti na ekspozon ndaj shumë burimeve jo të besueshme dhe të pavërteta informacioni. Plaku Nil L. Andersen, i Kuorumit të Dymbëdhjetë Apostujve, paralajmëroi:
Pamja
Official portrait of Elder Neil L. Andersen of the Quorum of the Twelve Apostles, 2010, August.
“Informacioni në internet nuk ka një filtër ‘të së vërtetës’. Disa informacione, pavarësisht se sa bindëse duken, thjesht nuk janë të vërteta.”
(Nil L. Andersen, “Jozef Smithi”, Ensign ose Liahona, nëntor 2014, f. 29.)
Lexoje paragrafin 12 të pjesës“Marrja e Njohurisë Shpirtërore”,te Dokumenti Bazë i Zotërimit Doktrinor. Merr parasysh të mbash shënim arsyen përse është e rrezikshme t’i kërkosh përgjigjet për pyetjet shpirtërore nga burime të panjohura ose të pasigurta.
Kur has informacione të reja për Perëndinë, Kishën ose planin e shpëtimit, është e dobishme t’i bësh vetes pyetje si ato në vijim në lidhje me burimin e informacionit. Ndërsa i lexon më thellësisht këto pyetje, kërko ato që mendon se do të ishin më të dobishme kur vendos a do t’i besosh ose jo një burimi. (Gjithashtu mund të studiosh secilën prej referencave shoqëruese të shkrimeve të shenjta.)
Jepuani nxënësve pyetjet e mëposhtme si fletushkë: Nxitini nxënësit ta vendosin këtë fletushkë aty ku mund ta përdorin me lehtësi në të ardhmen.
A e pohon atë që kam ndier tashmë të më thotë Fryma e Shenjtë se është e vërtetë apo a më nxit t’i vë në dyshim të vërtetat e ungjillit? (Shih Moroni 10:5 .)
A vjen informacioni nga një burim që Shpëtimtari ose udhëheqësit e Kishës së Tij do ta konsideronin të besueshëm?
Çfarë do të thoshin prindërit apo udhëheqësit e mi të Kishës për këtë informacion? (Nëse ndihem i/e tunduar të mos ua tregoj, çfarë më tregon kjo për burimin në fjalë?)
Cila nga këto pyetje mendon se do të ishin më të dobishme për ty? Përse?
Çfarë pyetjesh të tjera mendon se duhet të bëjë dikush për informacionin që has?
Për veprimtarinë ushtruese në vijim, nxënësit mund të punojnë individualisht ose në grupe të vogla. Pas një kohe të mjaftueshme, ftojini disa nxënës jo vetëm të tregojnë atë që gjetën, por dhe t’i tregojnë klasës hap pas hapi se si e gjetën informacionin e besuar.
Nëse e lejon koha, një veprimtari tjetër mund të jetë shfaqja e materialit filmik “Burime të Caktuara në Mënyrë Hyjnore”, sugjeruar në pjesën e mësimit “Komente dhe Informacion për Rrethanat”. Materiali filmik portretizon përvoja nga jeta reale e të rinjve dhe të rejave në kërkim të përgjigjeve rreth Perëndisë dhe Kishës.
Zgjidh një pjesë të informacionit që ke dëgjuar ose një pyetje që ke për Perëndinë, Kishën ose planin e shpëtimit. Pastaj gjej disa minuta për të ushtruar kërkimin për përgjigjet duke përdorur burimet e caktuara në mënyrë hyjnore. Ndër të tjera, mund të marrësh parasysh
lutjen;
kërkimin e shkrimeve të shenjta duke përdorur Udhëzuesin për Shkrimet e Shenjta ose fragmentet e zotërimit doktrinor;
kërkimin e bisedave të konferencave të përgjithshme, faqen Gospel Topics [Temat e Ungjillit] në ChurchofJesusChrist.org ose programin kompjuterik Gospel Library [Biblioteka e Ungjillit];
leximin e pjesëve përkatëse në materiale të Kishës siPër Forcën e Rinisë(broshurë, 2011) ose Gospel Topics [Temat e Ungjillit], topics.ChurchofJesusChrist.org;
vënien në kontakt me dikë që njeh dhe i mirëbeson, si një prind, peshkop, udhëheqës të të rinjve ose të rejave në lagjen ose degën tënde, ose mësues/e seminari, për të të ndihmuar të gjesh përgjigje.
Nxënësit mund të kenë kohë të mjaftueshme në klasë vetëm sa për ta filluar studimin e tyre. Nëse kanë kohë, nxitini ta vazhdojnë studimin e tyre edhe jashtë klasës.
Çfarë ke mësuar gjatë këtij mësimi që do të të ndihmojë kur të hasësh informacione të reja për Perëndinë apo Kishën?
Si mendon, pse burimet të cilave iu drejtohesh për përgjigje dhe informacion kanë rëndësi për Atin Qiellor dhe Jezu Krishtin?
Merrni parasysh të jepni dëshminë për dashurinë që demonstrojnë Ati Qiellor dhe Jezu Krishti duke na dhënë burime hyjnore të së vërtetës.
Komente dhe Informacion për Rrethanat
Çfarë duhet të bëj nëse nuk mund të gjej një përgjigje për një pyetje përmes burimeve të caktuara në mënyrë hyjnore?
Plaku Nil L. Andersen, i Kuorumit të Dymbëdhjetë Apostujve, dha mësim:
Pamja
Official portrait of Elder Neil L. Andersen of the Quorum of the Twelve Apostles, 2010, August.
“Jo të gjitha përgjigjet do të vijnë menjëherë, por shumica e pyetjeve mund të gjejnë zgjidhje nëpërmjet studimit të sinqertë dhe kërkimit të përgjigjeve nga Perëndia. …
Besimi nuk kërkon kurrë një përgjigje për çdo pyetje, por kërkon sigurinë dhe guximin që të shkojmë përpara, ndonjëherë duke e pranuar: ʻUnë nuk di çdo gjë, por di mjaftueshëm që të vazhdoj në udhën e dishepullimitʼ.
Zhytja e vetes në dyshime të vazhdueshme, e ushqyer me përgjigje nga ata që janë pa besim dhe jo besnikë, e dobëson besimin e një njeriu te Jezu Krishti dhe Rivendosja.”
Pse duhet të jem i/e kujdesshëm/me për të kërkuar përgjigje për Kishën nga ata që janë larguar prej saj?
Plaku Nil A. Maksuell (1926–2004), i Kuorumit të Dymbëdhjetë Apostujve, ka thënë:
Pamja
Last official portrait of Elder Neal A. Maxwell, 1992.
“Disa ngulin këmbë që ta studiojnë Kishën vetëm nëpërmjet syve të braktisësve të saj – është si të intervistosh Judën për të kuptuar Jezusin. Braktisësit përherë na tregojnë më shumë për veten sesa për atë nga e cila janë larguar.”
(Neal A. Maxwell, “All Hell Is Moved” [takim shpirtëror në Universitetin “Brigam Jang”, 8 nëntor 1977], f. 3, speeches.byu.edu)
Si mund të ndikojnë tek unë shpirtërisht burimet e informacionit që unë zgjedh?
Shih materialin filmik “Burime të Caktuara në Mënyrë Hyjnore” (9:16), në ChurchofJesusChrist.org [ose në https://www.churchofjesuschrist.org/media-library/video/doctrinal-mastery?lang=alb] Shih se si të rinjtë në materialin filmik u ndikuan nga ajo që zgjodhën të dëgjojnë dhe se ku zgjodhën të kërkonin për përgjigje.
Veprimtari Plotësuese e të Mësuarit
Mësim me sende
Merrni parasysh të paraqitni frazën “E Vërteta nga Perëndia” në njërën anë të dhomës dhe “Gënjeshtrat nga Satani” në anën tjetër të dhomës.
Ftojini nxënësit të përfytyrojnë sikur çdo burim informacioni në tokë (duke përfshirë burimet e caktuara në mënyrë hyjnore, si dhe burime të tjera si librat, publikimet në mediat shoqërore, opinionet, hulumtimet, artikujt e lajmeve dhe kështu me radhë) përfaqësohen nga hendeku midis këtyre dy frazave. Shpjegoni se nëse një burim informacioni i caktuar ofron më shumë të vërteta nga Perëndia sesa një burim tjetër, do të vihej më pranë frazës “E Vërteta nga Perëndia” sesa burimit tjetër. Bëjuni nxënësve pyetjet vijuese:
Cilat burime të së vërtetës duhet të vendosen më pranë frazës “E Vërteta nga Perëndia”?
Cilat burime janë më të vështira për t’u vendosur pranë njërës frazë apo tjetrës, pasi përmbajnë edhe të vërtetën, edhe të gabuarën?