Maтай 3:13–17, 1-р хэсэг
Баптисч Иохан Есүс Христэд баптисм хүртээв
Есүс Христ баптисм хүртэхийн тулд Баптисч Иохан дээр ирсэн. Энэ хичээл нь Есүс Христийн сайн мэдээн дэх баптисмын ач холбогдлыг ойлгож, тайлбарлахад танд тусална.
Үнэнийг тодруулахдаа Мормоны Номыг ашиглах. Библид заасан чухал сургаалын талаар илүү сайн ойлгоход нь суралцагчдад туслахын тулд Мормоны Номд хандан үнэнийг бататгаж, тодруул.
Хичээлийн бэлтгэл: Есүс Христийн Хожмын Үеийн Гэгээнтнүүдийн Сүмийн гишүүн биш хайрладаг хүндээ баптисмын ач холбогдлыг хэрхэн тайлбарлахаа бодож ангид бэлдэж ирэхэд суралцагчдыг урь.
Боломжит суралцах үйл ажиллагаа
Баптисмын ач холбогдол
Есүс Христийн Хожмын Үеийн Гэгээнтнүүдийн Сүмийн гишүүн биш хайрладаг хүмүүсийнхээ тухай бод. Тэдний нэгийг номлогчидтой уулзаж байгаагаар төсөөл. Танд ямар санагдах вэ? Номлогчид баптисм хүртэхийн ач холбогдлыг тайлбарлахыг танаас хүссэн гэж төсөөлье. Хайртай хүндээ энэхүү чухал алхмыг хийхэд нь туслах юуг хэлэхээ бодно уу.
-
Баптисм хүртэхийг хүсэж буй хайртай хүндээ баптисмын ач холбогдлыг тайлбарлахад хэр бэлдсэнээ та 1-ээс 10 гэсэн хэмжүүрээр (1 = бэлтгэгдээгүй; 10 = дээд зэргээр бэлтгэгдсэн) хэрхэн үнэлэх вэ?
Гарынхаа хурууг гозойлгох маягаар энэхүү асуултад хариулахад суралцагчдыг урь.
-
Баптисмын ач холбогдлыг тайлбарлахад сайтар бэлдэхийн тулд та энэ талаар юуг илүү сайн мэдэхийг хүсэж байна вэ?
Суралцагчдын баптисмын талаар илүү дэлгэрэнгүй мэдэхийг хүссэн зүйлийг тэмдэглэ. Зааж байхдаа, тэдний эдгээр асуултад хариулахад туслах хичээлийн аливаа материалыг онцлохыг хичээ.
Өнөөдрийн хичээлээр та баптисмын талаарх сургаалыг судалж, уг сэдвээр тавигддаг янз бүрийн асуултыг авч үзэх боломжтой. Танд мөн сурч мэдсэн зүйлээ тайлбарлан дадлага хийх боломж олдоно.
Есүс Христ бидэнд замыг харуулахын тулд баптисм хүртсэн
Хаан Жэймсийн Библийн хожмын үеийн гэгээнтнүүдийн хэвлэл дээрх Библийн газрын зургийн “ Шинэ Гэрээний үеийн ариун нутаг ” хэмээх 11-р зургийг үзүүлж эсвэл судраасаа олоход суралцагчдыг урьж болох юм.
Есүс Баптисч Иоханаар баптисм хүртээлгэхийн тулд Галилаас Бетабара хүртэл явган туулж очжээ ( Матай 3:13 ; Иохан 1:28 ; 1 Нифай 10:9 -ийг үзнэ үү). Иохан Аароны санваарын түлхүүрийг атгаж байсан бөгөөд Иордан голд хүмүүст баптисм хүртээж байв (Судруудын удирдамжаас “ Иохан Баптист ”-ыг үзнэ үү, scriptures.ChurchofJesusChrist.org). Аврагчийн аялсан зайг газрын зураг дээрх хэмжүүрийн аль нэгийг ашиглан тооцоол.
-
Иоханаар баптисм хүртээлгэх гэсэн Аврагчийн оролдлого Түүний талаар болон баптисмын талаар танд юу зааж байна вэ?
Матай 3:13–17 -г уншаад, Аврагчийг баптисмд оролцож байна гэж төсөөл. Аврагч болон баптисмын тухай ой тойндоо мартахгүй үлдээхийг хүссэн зүйлийнхээ талаарх чухал мэдээллийг хайж ол. 15-р шүлэг дээрх “болго” гэдэг үг нь “зөвшөөрөх эсвэл зөвшөөрөл олгох” гэсэн утгатай. Та мөн ChurchofJesusChrist.org дээрх “The Baptism of Jesus” (2:54) видео бичлэгийг үзээд, судраасаа уншиж болох юм.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F8e%2F29%2F8e29e154eb79a6c9d418849bc5045b74b42d5715%2F8e29e154eb79a6c9d418849bc5045b74b42d5715.jpeg/full/!250,/0/default)
-
Хэрэв та Аврагчийн баптисмын үеэр тэнд байсан бол тухайн үйл явдлаас юуг ой тойндоо үлдээхийг хүсэх байсан бэ?
-
Та Аврагч мөн баптисмын тухай юу олж мэдэх байсан гэж бодож байна вэ?
Суралцагчдын олж мэдэж болох зарим үнэн Бурхан Тэргүүтэн дээр төвлөрсөн байж болох юм. Хэрэв “Матай 3:13–17, 2-р хэсэг” нь дараагийн заах хичээл бол Бурхан Тэргүүтэний талаар тэр хичээлээр дэлгэрэнгүй авч үзэх тухай суралцагчдад хэлж болно.
Та өөрийн найз эсвэл гэр бүлийн гишүүнд тус болж болох Есүс Христийн баптисмын талаарх ямар зүйлийг хуваалцаж болохоо бодож үз.
Мөн таны найз эсвэл гэр бүлийн гишүүнд баптисмын талаар асуух ямар асуулт байж болохыг эргэцүүлэн бодох нь тустай байж болно. Тэдний зарим асуултын хариултыг Матай 3 -аас олж болно. Нэмж дурдахад, Мормоны Ном бол баптисмын тухай олон үнэнийг тодруулдаг сүнслэг эх сурвалж мөн. Дараах асуултууд нь баптисмын ач холбогдлын талаар ойлгодоггүй хэн нэгэнд байж болох асуултуудын жишээнүүд юм. Таны найз эсвэл гэр бүлийн гишүүнд байж болно гэж бодож буй нэг асуултыг сонго. Дараа нь холбогдох шүлгийг Мормоны Номоос судлаад, энэ нь уг асуултад хариулахад танд хэрхэн туслахыг үз.
Дараах асуулт, судрын эшлэлүүдийг самбарт бичиж болох юм.
-
Хэдийгээр Есүс баптисм хүртсэн ч би бас баптисм хүртэх ёстой юу? Яагаад хүртэх хэрэгтэй эсвэл хүртэх хэрэггүй вэ? ( 2 Нифай 9:21, 23–24 ; 2 Нифай 31:5, 10–11 -ийг үзнэ үү.)
-
Би яагаад баптисм хүртэхийг хүсэх ёстой вэ? Би ямар ямар адислал хүлээн авах вэ? ( 2 Нифай 31:12–13, 17–18 -ыг үзнэ үү.)
-
Есүс баптисм хүртэхээр Баптисч Иохан руу очсон. Хэн надад баптисм хүртээж болох вэ? ( 3 Нифай 11:19–22 -ыг үзнэ үү.)
-
Есүс Иорданд баптисм хүртээд, уснаас гарч иржээ. Би усан доор бүрэн орох ёстой юу эсвэл өөр арга замаар баптисм хүртэх ёстой юу? ( 2 Нифай 31:13 ; 3 Нифай 11:23–26 -г үзнэ үү.)
-
Хэрэв би нүглээс цэвэршигдэхийн тулд баптисм хүртэж байгаа бол яагаад Есүс баптисм хүртсэн бэ? Тэр нүгэлгүй байсан биш үү? ( 2 Нифай 31:5–11 -ийг үзнэ үү.)
Та Матай 3:13–17 , Мормоны Номоос сурч мэдсэн зүйл зэргээ ашиглан, гэр бүлийн гишүүн эсвэл найздаа баптисмын ач холбогдлыг хэрхэн тайлбарлахаа бич.
Суралцагчдыг судалж дууссаны дараа, гэр бүлийн гишүүн эсвэл найздаа баптисмын ач холбогдлыг хэрхэн тайлбарлахаа жүжиглэн үзүүлэхийг тэднээс хүс.
Хэрэв та сүнслэгээр өдөөгдсөн бол Есүс Христийн Хожмын Үеийн Гэгээнтнүүдийн Сүмийн гишүүнээр баптисм хүртээгүй найз эсвэл гэр бүлийн гишүүндээ өөрийн тайлбарыг хуваалцаж болох юм. Аль хэдийн баптисм хүртсэн хэн нэгэнтэй хуваалцах нь мөн тустай байж болно.
Тайлбар, нөхцөл байдлын талаарх мэдээлэл
Maтай 3:13 . Яагаад Есүс баптисм хүртэхийн тулд Иохан руу очсон бэ?
Иосеф Смит Баптисч Иоханд байсан эрх мэдлийг ийн тайлбарласан.
ЗурагHalf-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.Иохан тэр үед хүчний түлхүүрүүдийг эзэмшсэн, дэлхий дээр хаант улсын ажил хэргийг явуулах цорын ганц хууль ёсны ёслол гүйцэтгэгч байсан юм. Иудейчүүд түүний зааврыг дагах ёстой байлаа, эс бөгөөс тэдний хуулийн дагуу зүхэгдэх байв. … Захариагийн хүү түлхүүрүүдийг болон хаант улс, хүч, алдар сууг иудейчүүдээс ариун тослолт болон тэнгэрийн хуулиар хүч чармайлт гарган байж авсан.
(Сүмийн ерөнхийлөгчдийн сургаалаас: Иосеф Смит [2007], 95-ыг мөн Сургаал ба Гэрээ 84:23–28 -ыг үзнэ үү)
Баптисм зайлшгүй шаардлагатай гэдгийг бид яаж мэдэх вэ?
Аврагч Бурханы хаант улсад орохын тулд баптисм зайлшгүй шаардлагатай гэдгийг Никодемд хэлснээр баптисмын амин чухал мөн чанарын талаар заасан ( Иохан 3:5 -ыг үзнэ үү). Бошиглогч Иосеф Смит түүнчлэн баптисм авралд хүрэхэд нэн чухал талаар ийн заасан.
ЗурагHalf-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.Бүх нүглээ наманчилж, нүглээсээ уучлагдахын төлөө Эцэг, Хүү, Ариун Сүнсний нэрээр усаар баптисм хүртэн, Бурханы Ариун Сүнсийг хүлээн авахын тулд энэхүү хүчинд томилогдож лацдагдсан хүний гар тавилтаар уг ёслолыг хүлээн авагтун. Энэ нь Судрууд болон Мормоны Номын дагуу бөгөөд хүн селестиел хаант улсад орж чадах цорын ганц арга зам юм.
(Сүмийн ерөнхийлөгчдийн сургаалаас: Иосеф Смит [2007], 175)
Мормоны Ном нь баптисмын талаар Библид заасан сургаалыг хэрхэн тодруулдаг вэ?
Далын ерөнхийлөгчийн зөвлөлийн ахлагч Тэд Р.Каллистэр ийн заасан.
ЗурагBrother Tad R. Callister, Sunday school General President. Official Portrait 2018.Дахин хэлэхэд, Мормоны Ном нь Библийн заадаг сургаалуудыг батлах, тодотгох, нэгтгэх гэрчийн үүрэгтэй бөгөөд ингэснээр бид “нэг Эзэн, нэг итгэл, нэг баптисм”-тай байх болно. …
Агуу жишээ болох Аврагч маань “голын уснаас даруй гаран” ( Матай 3:16) баптисм хүртэх жишээг Библи дээр үзүүлсэн байдаг ч өнөө үед дэлхий дээр баптисмыг олон өөр аргаар үйлдсээр байна. Тэрээр эхлээд усанд ороогүй байж уснаас гарч ирж болно гэж үү? Баптисмын талаар аливаа санал зөрөлдөөн гаргуулахгүйн тулд “та нар тэднийг усанд бүрэн дүр” ( 3 Нифай 11:26) хэмээн баптисм хүртээх зөв арга замыг Мормоны Номд бичсэн байдаг.
(Тэд Р.Каллистэр, “Мормоны Ном—Бурханаас өгөгдсөн ном,” Ensign, Nov. 2011, 75–76 эсвэл 2011 оны 10-р сарын Ерөнхий чуулган, 88)
Нэмэлт суралцах үйл ажиллагаа
Хичээлийг эхлүүлэх өөр арга
1 дэх хувилбарЗөвхөн ганц боломжит шийдэл бүхий тааврыг суралцагчдад зориулан гаргаж, цаас эсвэл самбарт бич. Энэ үйл ажиллагаанаас ямар сүнслэг сургамж авч болох талаар бодоход суралцагчдыг урьж болох юм. Тааврыг ганцхан арга замаар таахын ач холбогдол юу вэ? Баптисм бол тэнгэр дэх гэртээ эргэн очих замын амин чухал хэсэг болох тухай сэдвийг танилцуулахын тулд дараах догол мөрөн дээрх мэдээллийг ашиглаж болно.Хэдийгээр бидний амьдралын нөхцөл байдал өөр өөр ч гэлээ Тэнгэрлэг Эцэг рүүгээ эргэж очих ганцхан арга зам байгаа бөгөөд энэ нь Аврагч Есүс Христийн маань ачаар боломжтой болсон ( Иохан 14:6 ; Мозая 3:9, 17 -г үзнэ үү). Есүс Христ Өөрийн үлгэр жишээ, сургаалаар дамжуулан бидний аяллын нэн чухал хэсэг бол баптисмын ёслол юм гэдгийг харуулсан ( Иохан 3:5 ; Сургаал ба Гэрээ 76:50–55 -ыг үзнэ үү).
2 дахь хувилбарБаптисм гэсэн үгийг самбарт бич. Суралцагчдыг хэн, юу, хэзээ, хаана, яагаад, хэрхэн гэсэн үгсээр эхэлсэн баптисмын талаарх асуултуудыг жагсаан бичихэд урь. Есүс Христийн баптисмын талаар судалж байхдаа эдгээр асуултын хариултыг хайж олоход суралцагчдыг урь.
Баптисмын тухай заахдаа Мормоны Ном дээрх Аврагчийн үгсийг ашиглах
Баптисмын ёслолыг тайлбарлахын тулд Аврагчийн үгсийг ашиглахад суралцагчдыг урьж болох юм. Есүс Христ баптисмын тухай юу гэж заасныг Мормоны Номоос олж мэдэхийг суралцагчдаас хүс. 3 Нифай 11:21–28 ; 3 Нифай 27:20 зэрэг судруудыг ашиглаж болно.
Баптисмыг ойлгохын тулд Есүс Христийн сургаал, зан чанарыг ашиглах
Дараах жишээнүүдийг үзүүлээд, баптисмын талаарх асуудлыг нь шийдвэрлэхэд туслах нэг хүнийг сонгох боломжийг суралцагчдад олгож болно.
Ноэлл баптисм хүртэхийг хүсэж байгаа ч гэр бүлийнх нь хэн нь ч Аароны эсвэл Мелкизедек санваарыг атгадаггүй байв.
Макай баптисм хүртэхийг хүсэж байгаа ч усан доор орохоос айдаг байв. Тэр толгойгоо л дүрэхгүй бол усан доор ороход бэлэн байлаа.
Номлогчид Масоныг баптисм хүртэхэд урьжээ. Тэр баптисм яагаад чухал болохыг ойлгохгүй байв.
Никол хүмүүсийн баптисм хүртдэг шалтгааныг ойлгохыг хүсэж байв. Энэ нь ямар ашиг тустай вэ?
Суралцагчид Матай 3:13–17 ; 2 Нифай 31:5–12, 17–18 ; 3 Нифай 11:19–22 -ыг ганцаараа эсвэл жижиг бүлгээр судалж, дээрх жишээнд гарсан хүмүүст туслах үнэнүүдийг хайж олж болно.
Жишээнд өгөх хариултаа хуваалцах боломжийг суралцагчдад олго.