Матай 3:13–17, 2-р хэсэг
Тэнгэрлэг Эцэг, Есүс Христ, Ариун Сүнс гурав
Тэнгэрлэг Эцэг, Есүс Христ, Ариун Сүнс гурав гурвуулаа Есүс Христийг баптисм хүртэхэд байсан. Энэ хичээл танд Бурхан Тэргүүтний гишүүн тус бүрийн талаарх ойлголтоо гүнзгийрүүлэхэд туслах бөгөөд энэ нь эргээд таны амьдралын сонголтод нөлөөлж болно.
Суралцагчийн одоогийн ойлголтыг олж харах. Суралцагч бүр ангид өөрийн гэсэн өвөрмөц туршлага, мэдлэг, ойлголт, харах өнцгийг авчирдаг. Суралцагчдын тухайн сургаал, зарчим, агуулгын одоогийн ойлголтыг олж мэдэхийг эрэлхийлж, дараа нь тэднийг сурах үйл явцад чиглүүлэх арга замыг хайж ол.
Суралцагчийн бэлтгэл: Суралцагчдыг Бурхан Тэргүүтний талаар мэдэх зүйлээ болон энэ талаар хэрхэн сурч мэдсэнээ мөн байгаа асуултаа хуваалцахад бэлдэж ирэхэд урь.
Боломжит суралцах үйл ажиллагаа
Хожмын үеийн гэгээнтэн өсвөр үеийнхэнд зовлон бэрхшээлээ дажгүй даван туулахад юу тусалдаг вэ?
Суралцагчдыг дараах асуултуудыг хэлэлцэж байх үед доорх мэдэгдлийг үзүүлж болох юм.
Тэргүүн Зөвлөлийн ерөнхийлөгч Даллин Х.Өүксийн хэлсэн дараах мэдэгдлийг унш.
ЗурагOfficial Portrait of President Dallin H. Oaks taken March 2018.“Мормон өсвөр насныхан хамгийн сайн дасан зохицож чаддаг. Тэд өсвөр насанд тохиолддог асуудлыг хамгийн сайн давж гардаг болохыг судалгаа харуулж байна” гэсэн гарчигтай [сонингийн] нийтлэл гарчээ. Энэ нийтлэлд “Мормончууд эрсдэлтэй үйлдлүүдээс зайлсхийх, хичээл сургуульдаа сайн суралцах, ирээдүйнхээ талаар эерэг хандлагатай байх зэрэгт хамгийн сайн үзүүлэлттэй гарсан” гэж дүгнэсэн байна. Манай өсвөр үеийнхнээс ярилцлага авсан, уг судалгаанд оролцсон нэгэн судлаач “Бидний авч үзсэн ангилал бүр нэг хэв загвартай бөгөөд ангилал бүрд мормончууд нэгдүгээрт байгаа нь тодорхой харагдаж байлаа” гэжээ.
(Даллин Х.Өүкс, “Эцэг эх ба үр хүүхэд,” Ensign, Nov. 2018, 62 эсвэл 2018 оны 10-р сарын Ерөнхий чуулган, 138)
-
Та хожмын үеийн гэгээнтэн олон өсвөр үеийнхэн амьдралын зовлон бэрхшээлийг яагаад дажгүй даван гарч чаддаг гэж бодож байна вэ?
Амьдралд тохиолдсон үйл явдлынхаа талаар бод.
Суралцагчдыг дараах хэмжүүрээр дор дороо өөрийгөө дүгнэхэд урьж болох юм.
-
Ярилцлагад оролцсон өсвөр үеийнхний талаарх дүрслэл таныг хэр сайн тодорхойлсон гэж та бодож байна вэ?
-
Намайг сайн тодорхойлсон байна.
-
Зарим талаараа намайг тодорхойлж чадсан.
-
Намайг огтхон ч тодорхойлж чадахгүй байна.
Ерөнхийлөгч Өүкс Есүс Христийн Хожмын Үеийн Гэгээнтнүүдийн Сүмийн өсвөр үеийнхний хувьд сорилт бэрхшээлтэй тулгарахад маш сайн бэлтгэгдсэн байдгийн нэг шалтгаан нь авралын төлөвлөгөөний талаарх тэдний ойлголт мөн Бурхантай харилцах харилцааны талаарх мэдлэг нь болохыг хэлсэн (”Эцэг эх ба үр хүүхэд,” 138-ыг үзнэ үү). Тэрээр мөн өөр нэг мэдэгдэлдээ ийн заасан.
ЗурагOfficial Portrait of President Dallin H. Oaks taken March 2018.Бидэнд Бурхан Тэргүүтэн, тэдэнтэй харилцах харилцаа, амьдралын зорилго, мөнхийн хувь тавилангийн маань мөн чанарын тухай үнэн байгаа учраас бидэнд хамгийн сайн газрын зураг буюу мөнх бус аяллын турш туслах баталгаа бий.
(Даллин Х.Өүкс, “Бурхан Тэргүүтэн ба авралын төлөвлөгөө,” Ensign, May 2017, 103 эсвэл 2017 оны 4-р сарын Ерөнхий чуулган, 90)
-
Эдгээр үнэнийг ойлгох нь яагаад хожмын үеийн гэгээнтэн өсвөр үеийнхэнд эрсдэлтэй үйлдлүүдээс зайлсхийх, сайн суралцах, ирээдүйнхээ талаар эерэг хандлагатай байхад тусалдаг гэж та бодож байна вэ?
-
Хожмын үеийн гэгээнтэн өсвөр үеийнхний дунд ч гэсэн Ариун Сүнсний хүчээр дамжуулан Тэнгэрлэг Эцэг, Есүс Христ хоёрыг танин мэдэхэд нь ямар саад бэрхшээл тулгардаг вэ?
Бурхан Тэргүүтний гүйцэтгэдэг үүргүүдийг болон Тэнгэрлэг Эцэг, Есүс Христ хоёрын таныг гэх хайрын талаар мэддэг, ойлгодог зүйлээ цаг гарган бод. Энэ хичээл танд Тэнгэрлэг Эцэг, Есүс Христ, Ариун Сүнс гурвын тухай илүү ихийг сурч мэдэхэд мөн энэ нь амьдралд тань хэрхэн тус болохыг тунгаан бодох боломж олгоно.
Судрууд Бурхан Тэргүүтний тухай заадаг
Суралцагчдыг Бурхан Тэргүүтний талаар мэддэг зүйлээ мөн тэдгээрийн талаар хэрхэн сурч мэдсэнээ бичиж тэмдэглэх замаар хичээлд бэлдэж ирсэн зүйлээ хуваалцахад урьж болох юм.
Нэг цаасыг гурван баганад хуваагаад, эхний баганыг “Тэнгэрлэг Эцэг,”хоёр дахь баганыг “Есүс Христ,”гурав дахь баганыг “Ариун Сүнс”гэж гарчигла.Зохих багана тус бүрд Бурхан Тэргүүтний тухайн гишүүний талаар мэддэг нэг эсвэл хоёр зүйлийг бич. Та үнэн болгоныг хэрхэн сурч мэдсэнээ эсвэл яагаад үүнд итгэдэг талаар товч тайлбар оруул. Хичээлийн туршид боломж гарах бүрд та эдгээр баганад Бурхан Тэргүүтний гишүүн бүрийн талаар олж мэдсэн зүйлээ нэмж бич.
Энэ үйл ажиллагааг самбарт гурван багана зурж ангиараа хийж болно. Хичээлийн туршид өөр өөр ойлголтыг самбарт гарч ирэн бичихэд суралцагчдыг урьж болно.
Бид Баптисч Иохан Есүс Христэд баптисм хүртээж байгаа судрын хэсгээс Бурхан Тэргүүтний тухай илүү ихийг мэдэж авч болно.
Есүс Христийн баптисмын зургийг үзүүл.
Дараах сайн мэдээний нэг эсвэл өөр олон түүхээс Есүс Христийн баптисмын тухай уншаад, Бурхан Тэргүүтний гишүүн бүрийн талаар юу сурч мэдэж болохыг олж мэд.
Суралцагчид Бурхан Тэргүүтэн бол гурван тусдаа биес юм, Есүс Христ Эцэгийн таалалд захирагддаг, Есүс Христ бүх зөв шударгыг гүйцэлдүүлдэг, Тэнгэрлэг Эцэг, Ариун Сүнс хоёр Есүс Христийн тухай гэрчилдэг, Ариун Сүнс ёслолуудыг баталдаг, Тэнгэрлэг Эцэг Түүнд дуулгавартай байхад баярладаг гэсэнтэй ижил төстэй үнэнүүдийг тодорхойлж болно.
-
Та Бурхан Тэргүүтний гишүүн бүрийн талаар юу сурч мэдсэн бэ?
Суралцагчдыг сурч мэдсэн зүйлээ хуваалцах үед анхааралтай сонсоод, Бурханы Тэргүүтнийг илүү сайн ойлгоход туслахын тулд дараах мэдээллийн заримыг эсвэл бүгдийг ашигла.
Эдгээр шүлэг Бурхан Тэргүүтний гишүүн бүр тусдаа биес бөгөөд бидний амьдралд чухал үүрэг гүйцэтгэдэг гэдгийг ойлгоход бидэнд тусалдаг. Жишээлбэл, Аврагч бидэнд Эцэгийн тааллыг биелүүлэхийн жишээг өгсөн. Бурхан Есүс Христийг баптисм хүртэхэд нь баярлаж, биднийг дуулгавартай дагахад баярладаг хайраар дүүрэн Тэнгэрлэг Эцэг гэдгээ харуулсан.
-
Таны хийсэн ямар нэг зүйлд Тэнгэрлэг Эцэг баярлаж байгааг та хэзээ мэдэрсэн бэ? Түүний баярлаж байгааг мэдэх нь танд хэрхэн нөлөөлсөн бэ?
Зарим суралцагч эхэндээ өөрсдийгөө Тэнгэрлэг Эцэгт таалагдах зүйл хэзээ ч хийж байгаагүй гэж бодож байсан байж болох юм. Эдгээр асуултыг сайтар тунгаан бодоод, өөрсдийн бодол санаа, мэдрэмжид анхаарлаа хандуулахыг тэднээс хүсэх нь тустай байж болно. Хайр энэрэл, баяр баясгалан, амар тайван, сайн сайхныг (Ариун Сүнснээс ирдэг мэдрэмжүүд) мэдэрсэн үеэ тодорхойлох нь Тэнгэрлэг Эцэгийн тэдний хийсэн үйлдэлд баярлаж байсан үеийг олж харахад суралцагчдад тусалж болох юм ( Галат 5:22 -ыг үзнэ үү).
Бошиглогч Иосеф Смит (1805–1844) Ариун Сүнс тагтаа болж ирээгүй, харин тагтаа Ариун Сүнс тэнд байгааг харуулсан болохыг тайлбарласан. Иосеф Смит “Ариун Сүнс нь тагтааны хэлбэрт хувирч чадахгүй. Харин тагтааны тэмдэг нь Христийн баптисмын тухай үнэнийг гэрчлэхийн тулд Иоханд өгөгдсөн ажээ” хэмээн заасан (Сүмийн ерөнхийлөгчдийн сургаалаас: Иосеф Смит [2007], 94).
-
Ариун Сүнс хэзээ танд үнэнийг гэрчилсэн бэ?
-
Бурхан Тэргүүтний талаар танд ямар асуулт байна вэ?
Суралцагчдын хэрэгцээнд хамгийн сайн тохирох эдгээр эсвэл бусад боломжит үйл ажиллагааг ашиглаарай. Суралцагчдаас үйл ажиллагааг сонгохыг хүсэхийн оронд ангиараа хамтдаа судалж эсвэл аль нэгэн видео бичлэгийг хамт үзэх нь тустай байж болно.
Бурхан Тэргүүтний талаарх асуултынхаа хариултыг олоход туслах дараах үйл ажиллагаануудын нэгийг эсвэл олныг сонго. Суралцах явцдаа Бурхан Тэргүүтнийг ойлгох нь хувь хүний хувьд таныг адисалдаг арга замуудыг олж мэд.
-
Судруудаас нэмэлт ойлголтыг хайж ол. Та Судруудын удирдамж дахь “ Бурхан, Бурхан Тэргүүтэн ” эсвэл Topical Guide дээрх “ Godhead ”-ээс хайж болно.
-
Бурхан Тэргүүтний талаар бошиглогч, төлөөлөгчдийн сургаалыг судал. Жишээлбэл, та Даллин Х. Өүксийн хэлсэн “Бурхан Тэргүүтэн ба авралын төлөвлөгөө” (Ensign, May 2017, 100–110 эсвэл 2017 оны 4-р сарын Ерөнхий чуулган, 88–91) эсвэл Жэффри Р. Холландын хэлсэн “Бурхан Тэргүүтнийг таньж мэдэх нь” (Ensign, Jan. 2016, 32–39 эсвэл Лиахона, 2016 оны 1-р сар, 33–39) үгийг уншиж болно.
-
ChurchofJesusChrist.org дээрх “What Is the Godhead?” (7:03) эсвэл “Godhead—He Knows Me” (3:01) видео бичлэгийг үзнэ үү.
-
Ямар судар эсвэл сургаал Бурхан Тэргүүтний талаар илүү ихийг сурч мэдэхэд танд тусалсан бэ? Та юу сурч мэдсэн бэ?
-
Энэ мэдлэг нь Тэдэнтэй харилцах таны харилцааг хэрхэн адислах вэ?
Хичээлийн эхэнд ярилцсан нийтлэлийн үргэлжлэх дугаараар танаас ярилцлага авахыг хүссэн гэж төсөөл. Олон хүн редактор луу захиа бичиж, яагаад хожмын үеийн гэгээнтэн өсвөр үеийнхэн өсвөр насны асуудлаа хамгийн сайн даван гарч чадаж байгаа шалтгааныг мэдэхийг хүсжээ. Бурхан Тэргүүтний гишүүн бүр өөр өөрийн гэсэн харилцан уялдаа холбоотой гүйцэтгэдэг үүргээрээ хэрхэн танд тусалсан талаар ойлгох боломж танд олдов. Жишээлбэл, Тэнгэрлэг Эцэг таны залбиралд хариулж, Есүс Христ таны нүглийн төлөө зовж шаналж, Ариун Сүнс танд үнэнийг баталж байсан байж болох юм. Дараах асуултуудад хариулж, хариултаа төлөвлө.
-
Бурхан Тэргүүтний гишүүн бүр өсвөр насны амьдралын бэрхшээлийг даван туулахад танд хэрхэн тусалдаг вэ?
-
Бурхан Тэргүүтний гишүүн бүрийг ойлгож, таньж мэдэхэд тань ямар үйл явдлууд тусалсан бэ?
-
Та Тэнгэрлэг Эцэг, Есүс Христ, Ариун Сүнс гурваас ирдэг адислалуудыг хүртэхийн тулд бусдад юу хийхийг зөвлөх вэ?
Асуултуудын аль нэгэнд өгсөн хариултаа хуваалцахад хэдэн суралцагчийг урь. Бурхан Тэргүүтнийг ойлгож, таньж мэдэх нь таны амьдралд хэрхэн тусалсан тухай гэрчлэлээ хуваалц.
Тайлбар, нөхцөл байдлын талаарх мэдээлэл
Эцэг, Хүү, Ариун Сүнс гурав тусдаа биес юм бол судар дээр яагаад “нэг” гэсэн байдаг вэ?
Арван хоёр Төлөөлөгчийн Чуулгын ахлагч Жэффри Р.Холланд ийн тайлбарласан.
ЗурагOfficial Portrait of Elder Jeffrey R. Holland. Photographed January 2018.Бид эдгээр бурханлаг гурван хувь хүн зорилго, арга зам, гэрчлэл, үүргээрээ нэгдмэл Бурхан Тэргүүтнийг бүрдүүлдэг гэдэгт итгэдэг. Бид Тэднийг нигүүлсэл ба хайр, шударга ёс ба ач ивээл, тэвчээр, уучлал ба гэтэлгэлийн бурханлаг мэдрэмжээр дүүрэн гэдэгт итгэдэг. Тэд бол бидний зөвхөн төсөөлж л чадах нэн чухал бөгөөд мөнхийн бүх зүйлд нэг хүн мэт нэгдмэл, өөрөөр хэлбэл нэг материд нэгдсэн гурван хүн гэдэгт бид итгэдэг гэж хэлэх нь зөв гэж би боддог. Гурвалсан нэгдлийн тухай үзэл баримтлал үнэн биш учраас энэ нь судраар хэзээ ч батлагдаж байгаагүй юм. …
Судраас Эцэг, Хүү, Ариун Сүнс гурав нь тусдаа, бурханлаг гурван хүмүүн гэдгийг хэн ч олж харах боломжтой гэдгийг тунхаглахаас гадна бусдын төлөөх Аврагчийн агуу залбирал [ Иохан 17 -г үзнэ үү] … , Иоханаар гүйцэтгүүлсэн Түүний баптисм [ Матай 3:13–17 ; Марк 1:9–11 ; Лук 3:21–22 -ыг үзнэ үү], Хувиралтын уулан дээрх туршлага [ Марк 9:7 ; Лук 9:35 -ыг үзнэ үү] болон Стефаны тарчлан үхсэн явдал зэрэг [ Үйлс 7:55–56 -г үзнэ үү] хэнд ч ойлгомжтой жишээнүүдийг онцолж байна.
(Jeffrey R. Holland, “The Only True God and Jesus Christ Whom He Hath Sent,” Ensign эсвэл Liahona, Nov. 2007, 40–41)
Матай 3:16 . Ариун Сүнс тагтаа болж хувирч ирсэн үү?
Бошиглогч Иосеф Смит (1805–1844) ийн тайлбарласан.
ЗурагHalf-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.Тагтааны тэмдэг нь Ариун Сүнсний гэрч бөгөөд дэлхий бүтээгдэхээс өмнө бүтээгдсэн төдийгүй тагтааны тэмдэг байгаа үед чөтгөр ирж чаддаггүй юм. Ариун Сүнс бол хүн бөгөөд хүний хэлбэр дүрстэй. Энэ нь өөрийгөө тагтааны хэлбэрээр илэрхийлдэггүй ч тагтааны тэмдгээр илэрдэг. Ариун Сүнс нь тагтааны хэлбэрт хувирч чадахгүй. Харин тагтааны тэмдэг нь Христийн баптисмын тухай үнэнийг гэрчлэхийн тулд Иоханд өгөгдсөн ажээ. Учир нь тагтаа бол үнэн болон гэм зэмгүйн бэлгэдэл буюу бэлгэ тэмдэг юм.
(Сүмийн ерөнхийлөгчдийн сургаалаас: Иосеф Смит [2007], 94)
Нэмэлт суралцах үйл ажиллагаа
Суралцагчийн бэлтгэх өөр хувилбар
Тэнгэрлэг Эцэг, Есүс Христ, Ариун Сүнс гурав нэгдмэл зорилготой ч өөр өөр үүрэг гүйцэтгэдэг талаар нэг жишээг бодоход суралцагчдыг урь. (Жишээлбэл, бид Есүс Христийн нэрээр Тэнгэрлэг Эцэгт залбирдаг бөгөөд Ариун Сүнс залбирлынхаа хариултыг ялган танихад бидэнд тусалдаг.)