Сүнслэг мэдлэг олж авах, 3-р хэсэг

Тэнгэрээс томилогдсон эх сурвалжаар дамжуулан илүү ихийг ойлгож авахаар эрэлхийл

Young man with brace on wrist, doing family history work on a laptop computer. (horiz)

Төгс эзэмших сургаалын нэг зорилго бол сүнслэг мэдлэг олж авах зарчмуудыг судалж, хэрэгжүүлэхэд танд туслах явдал юм. Энэ хичээл танд Тэнгэрлэг Эцэг, Есүс Христ хоёрын хайрлаж өгсөн эх сурвалжуудаар дамжуулан үнэнийг эрэлхийлэхийн ач холбогдлыг ойлгоход тусална.

Хичээлийн бэлтгэл: Бурхан эсвэл Сүмийн тухай асуух зүйл байвал ихэвчлэн хаашаа хандаж мэдээлэл авдгаа бодоход суралцагчдыг урь. Арван хоёр Төлөөлөгчийн Чуулгын ахлагч Нийл Л.Андэрсэны хэлсэн “Сүнслэг асуултад өгөгдөх сүнслэг хариулт гагцхүү Бурханаас ирэх ёстой” (“Иосеф Смит,” Ensign, Nov. 2014, 28, 30 эсвэл 2014 оны 10-р сарын Ерөнхий чуулган, 31, 33) гэсэн мэдэгдлийн утга агуулгыг тунгаан бодоход тэднийг урь.

Боломжит суралцах үйл ажиллагаа

Та хариултыг хаанаас хайдаг вэ?

Дараах мэдээллийг авах эх сурвалж ангид байхгүй бол хаашаа хандаж мэдээлэл авахыг суралцагчдаас асуу. Өөр нэг хувилбар бол хамгийн ач холбогдолтой буюу сонирхолтой гэсэн мэдээллийг хайж олох боломжийг суралцагчдад олгох явдал юм.

• Ирэх долоо хоногийн цаг агаар

• Грийнландын нийслэлийн нэр

• Паста эсвэл будаатай хуурганы жор

Дараах асуултуудыг тунгаан бод.

• Та мэдээллийг хайхдаа ямар эх сурвалжийг ашигласан бэ (эсвэл ихэвчлэн ашигладаг вэ)?

• Яагаад та энэ төрлийн асуултуудын талаарх мэдээллийг авахдаа эдгээр эх сурвалжид итгэж найддаг вэ?

Бурханы өгөх хариултыг бид хаанаас олж болох вэ?

• Та хүмүүст Бурхан, Сүм эсвэл авралын төлөвлөгөөний талаарх чухал асуултын хариултыг хаанаас хайхыг санал болгох вэ?

Самбар дахь “Тэнгэрээс томилогдсон эх сурвалжууд” гарчгийн доор суралцагчдын хариултыг бичиж болох юм. Суралцагчдыг Бурханаас ирэх үнэний талаарх нэмэлт эх сурвалжуудыг судлах үед хичээлийн туршид энэхүү жагсаалт дээр нэмэх талаар бодож үз.

Бурхан, Сүм эсвэл авралын төлөвлөгөөний талаарх аливаа асуултынхаа талаар бод. Үүнд таны боддог эсвэл эргэлздэг, уншсан эсвэл сонссон мэдээлэл багтаж болно. Энэ хичээлийн тус болох зарчмуудын талаар суралцахдаа Ариун Сүнсний удирдамжийг эрэлхийл.

Дараах судрын хэсгүүдийг уншаад, эдгээр хэсэгт заасан үнэний эх сурвалжууд биднийг хэрхэн адисалж болохыг олж мэд.

Суралцагчид хос хосоороо ажиллаж болох бөгөөд дараах судрын хэсгүүдээс тус бүр хоёрыг уншаад, олж мэдсэн зүйлээ хамтрагчтайгаа хуваалцаж болно.

• Ефес 4:11–14

• 2 Тимот 3:15–17

• Иаков 1:5–6

• Төгс эзэмших сургаалын үндсэн материал (2022)-ын “Сүнслэг мэдлэг олж авах” хэсгийн 11 дэх догол мөр.

Суралцагчдыг дараах асуултуудад хариулах үед самбарт тэнгэрээс томилогдсон эх сурвалжуудын жагсаалт дээр нэмж болох юм.

• Та эдгээр судрын хэсгээс үнэний ямар ямар эх сурвалжийг олж мэдсэн бэ? Бид эдгээр эх сурвалжид яагаад бүрэн итгэж болох вэ?

• Хүмүүст сэрэмжлүүлбэл зохих ямар ямар эх сурвалжид хүмүүс ихэвчлэн ханддаг байж болох вэ? Яагаад?

Мэдээллийн аль нэгэн эх сурвалжийг найдвартай эсэхийг мэдэхгүй байвал би яах ёстой вэ?

Чухал сүнслэг асуултын хариултыг интернэт ашиглан хайдаг хүнд ямар зөвлөгөө өгөхийг суралцагчдаас асууж болох юм. Тэдний хариултад тулгуурлан дараах догол мөрөн дэх зарим эсвэл бүх мэдээллийг хуваалцах нь тус болох эсэхийг тодорхойл.

Өнөө үед мэдээлэл хайх хамгийн түгээмэл ашиглагддаг аргуудын нэг бол интернэт юм. Интернэтээр дамжуулан бид олон сайн мэдээллийн эх сурвалж руу орох боломжтой. Үүний зэрэгцээ бид интернэтээр маш олон найдваргүй, худал хуурмаг мэдээллийн эх сурвалж руу орох боломжтой юм. Арван хоёр Төлөөлөгчийн Чуулгын ахлагч Нийл Л. Андэрсэн ийн сэрэмжлүүлсэн.

Official portrait of Elder Neil L. Andersen of the Quorum of the Twelve Apostles, 2010, August.

Интернэтэд [мэдээллийн] “үнэнийг” шалгах шүүлтүүр байхгүй. Зарим мэдээлэл хэчнээн үнэмшилтэй ч шуудхан хэлэхэд үнэн байх нь үгүй.

(Нийл Л.Андэрсэн, “Иосеф Смит,” Ensign, Nov. 2014, 29 эсвэл 2014 оны 10-р сарын Ерөнхий чуулган, 32)

Төгс эзэмших сургаалыг судлах үндсэн материалын “Сүнслэг мэдлэг олж авах” хэсгийн 12 дахь догол мөрийг унш. Сүнслэг асуултын хариултыг үл мэдэгдэх, найдваргүй эх сурвалжаас эрэлхийлэх нь яагаад аюултай болохыг зурж тэмдэглэж болно.

Бурхан, Сүм эсвэл авралын төлөвлөгөөний талаар шинэ мэдээлэлтэй таарвал тухайн мэдээллийн эх сурвалжийн талаар дараах асуултуудыг өөртөө тавих нь тустай. Та эдгээр асуултыг унших явцдаа тухайн эх сурвалжид итгэх, итгэхгүйгээ шийдэхэд хамгийн тустай байж болох асуултуудыг хайж ол. (Та мөн дагалдах судрын эшлэл бүрийг судалж болно.)

Суралцагчдад дараах асуултуудыг тараах материал болгон өг. Энэхүү тараах материалыг цаашид амархан авч ашиглаж болох газар байрлуулахад суралцагчдыг урамшуул.

Шинэ мэдээллийг үнэлж дүгнэхэд туслах зарим асуулт

• Энэ мэдээллийг уншиж эсвэл сонсож байхдаа би Ариун Сүнснээс ямар мэдрэмж хүлээн авсан бэ? ( Сургаал ба Гэрээ 50:23–24 -ийг үзнэ үү.)

• Энэ мэдээлэл намайг Есүс Христтэй болон Түүний Сүмтэй илүү ойртуулж байна уу? ( Моронай 7:15–17 -г үзнэ үү.)

• Энэ мэдээлэл Бурханы зарлигуудыг сахихад намайг урамшуулж байна уу?

• Энэ нь судруудтай мөн орчин үеийн бошиглогчдын заадаг зүйлстэй нийцэж байна уу? ( 2 Тимот 3:15–17 ; Сургаал ба Гэрээ 1:38 -ыг үзнэ үү.)

• Энэ нь Ариун Сүнсний үнэн болохыг өмнө нь надад мэдрүүлсэн зүйлсийг баталж байна уу, аль эсвэл сайн мэдээний үнэнд эргэлзэхэд хүргэж байна уу? ( Moронай 10:5 -ыг үзнэ үү.)

• Энэ мэдээлэл Аврагчийн эсвэл Түүний Сүмийн удирдагчдын найдвартай гэж үзэх эх сурвалжаас ирсэн үү?

• Эцэг эх эсвэл Сүмийн удирдагчид энэ мэдээллийн талаар юу хэлэх бол? (Хэрэв би үүнийг тэднээс нуух хэрэгтэй гэж уруу татагдвал, энэ нь уг эх сурвалжийн талаар надад юу хэлж өгч байна вэ?)

Evaluation questions for new information.

• Эдгээр асуултын аль нь танд хамгийн их тус болно гэж та бодож байна вэ? Яагаад?

• Хэн нэгэн хүн олсон мэдээллийнхээ талаар өөр юу асууж болно гэж та бодож байна вэ?

Дараах дадлага хийх үйл ажиллагааг ганцаараа эсвэл жижиг бүлгүүд болон гүйцэтгэж болно. Хангалттай цаг өгсний дараа хэдэн суралцагчийг зөвхөн олсон мэдээллээ хуваалцах бус, тэдгээрийг хэрхэн найдвартай аргаар олж авсан тухайгаа ангийнхандаа алхам алхмаар харуулахад урь.

Цаг гарвал хийх өөр үйл ажиллагаа болгож, энэ хичээлийн “Тайлбар ба нөхцөл байдлын талаарх мэдээлэл” хэсэгт санал болгосон “Тэнгэрээс томилогдсон эх сурвалжууд” видео бичлэгийг үзүүлж болно. Энэ видео бичлэгт Бурхан болон Сүмийн талаар хариулт хайж буй өсвөр насны хүүхдийн бодит амьдралын туршлагыг харуулна.

Бурхан болон Сүм эсвэл авралын төлөвлөгөөний талаарх асуулт эсвэл сонссон хэсэг мэдээллээ сонго. Дараа нь тэнгэрээс томилогдсон эх сурвалжуудыг ашиглан хариулт хайх дадлага хийхэд цөөн минутыг зарцуул. Бусад зүйлийн хажуугаар та

• залбирч;

• Сэдвийн удирдамж, Библийн толь бичиг, Судруудын удирдамж эсвэл төгс эзэмших сургаалын хэсгүүдийг ашиглан судруудыг хайж;

• ChurchofJesusChrist.org эсвэл Gospel Library аппликэйшн дээрээс Сайн мэдээний сэдвүүд хуудас, Ерөнхий чуулган дээр хэлсэн үгс зэргийг хайж;

• Дараах Сүмийн материалуудаас холбогдох хэсгүүдийг уншиж: Өсвөр үеийнхний бат бөх байдлын төлөө(товхимол, 2011) эсвэл Сайн мэдээний сэдвүүд, topics.ChurchofJesusChrist.org;

• Хариулт олохдоо туслалцаа авах үүднээс эцэг эх, бишоп, өөрийн тойрог эсвэл салбарын өсвөр үеийнхний ахлагч эсвэл семинарын багш зэрэг өөрийн мэддэг, итгэдэг хэн нэгэнтэй холбогдож болно.

Суралцагчдад суралцах үйл явцаа эхлүүлэх хангалттай цаг ангид гарч болох юм. Хэрэв тийм бол тэднийг хичээлээс гадуур суралцах үйл явцаа үргэлжлүүлэхэд уриал.

• Та Бурхан эсвэл Сүмийн талаар шинэ мэдээлэлтэй тулгарах үед туслах юуг энэ хичээлийн үеэр олж мэдсэн бэ?

• Таны хариулт болон мэдээлэл олж авахаар ханддаг эх сурвалжууд Тэнгэрлэг Эцэг, Есүс Христ хоёрт яагаад хамаатай гэж та бодож байна вэ?

Үнэний тэнгэрлэг эх сурвалжуудаар дамжуулан Тэнгэрлэг Эцэг, Есүс Христ хоёрын бидэнд харуулдаг хайрыг гэрчлэх талаар бодож үз.

Тайлбар ба нөхцөл байдлын талаарх мэдээлэл

Хэрэв би тэнгэрээс томилогдсон эх сурвалжуудаар дамжуулан асуултдаа хариулт олж чадахгүй бол яах ёстой вэ?

Арван хоёр Төлөөлөгчийн Чуулгын ахлагч Нийл Л.Андэрсэн ийн заасан.

Official portrait of Elder Neil L. Andersen of the Quorum of the Twelve Apostles, 2010, August.

Хариулт бүр тэр даруйд ирэхгүй ч чин сэтгэлээсээ судалж, Бурханаас хариулт авахаар эрэлхийлснээр ихэнх асуултыг шийдвэрлэж чаддаг. …

Итгэл хэзээ ч асуулт бүрд хариулахыг шаарддаггүй бөгөөд заримдаа “би бүх зүйлийг мэдэхгүй ч гэсэн дагалдагчийн амьдралаар амьдрахад хангалттай зүйлийг мэднэ” гэсэн хандлагатайгаар урагш тэмүүлэх баталгаа, урам зоригийг эрэлхийлж байдаг.

Байнга итгэлдээ эргэлзэж, итгэлгүй ба итгэл багатай хүмүүсийн үгийг сонсох нь Есүс Христэд болон Сэргээлтэд итгэх итгэлийг сулруулдаг.

(Neil L. Andersen, “Faith Is Not by Chance, but by Choice,” Ensign эсвэл Liahona, Nov. 2015, 66)

Би Сүмийг орхисон хүмүүсээс хариулт эрэлхийлэхдээ яагаад болгоомжлох ёстой вэ?

Арван хоёр Төлөөлөгчийн Чуулгын ахлагч Нийл А.Максвэлл (1926–2004) ийн өгүүлсэн.

Last official portrait of Elder Neal A. Maxwell, 1992.

Зарим хүн урвагчдын байр суурин дээр үндэслэн Сүмийг судлах гэж зүтгэдэг буюу Есүсийг мэдэхийн тулд Иудастай ярилцдагтай адил. Урвасан хүмүүс орхисон зүйлийнхээ талаар биш, харин өөрсдийнхөө талаар ярих нь л элбэг байдаг.

(Нийл А.Максвэлл, “All Hell Is Moved” [Brigham Young University devotional, Nov. 8, 1977], 3, speeches.byu.edu)

Миний сонгосон мэдээллийн эх сурвалжууд надад сүнслэг байдлаар хэрхэн нөлөөлөх вэ?

ChurchofJesusChrist.org дээрх “Тэнгэрээс томилогдсон эх сурвалжууд” (9:16) видео бичлэгийг үзнэ үү. Энэхүү видео бичлэг дээр гарах өсвөр үеийнхэнд хэнийг сонсож, хариултыг хаанаас хайхаа сонгоход нь юу, хэрхэн нөлөөлж байгаа талаар олж мэд.

Мөн ChurchofJesusChrist.org дээр байгаа “Үнэний эрэлд” (3:03) видео бичлэг тус болж болох юм.

Нэмэлт суралцах үйл ажиллагаа

Үзүүлэнт хичээл

Өрөөний нэг талд “Бурханаас ирсэн үнэн,” нөгөө талд “Сатанаас ирсэн худал зүйлс” гэсэн үг хэллэгүүдийг харуулахыг бодож үз.

Дэлхий дээрх мэдээллийн бүх эх сурвалж (тэнгэрээс томилогдсон эх сурвалж, ном, олон нийтийн мэдээллийн хэрэгсэл дээрх нийтлэл, санаа бодол, мэдээ мэдээлэл болон бусад эх сурвалжийг багтаагаад) энэ хоёр үг хэллэгийн хоорондын зөрүүгээр илэрхийлэгддэг гэж төсөөлөхөд суралцагчдыг урь. Хэрэв мэдээллийн өгөгдсөн эх сурвалж нь Бурханы үнэнийг бусад эх сурвалжаас илүү илэрхийлж байвал үүнийг “Бурханаас ирсэн үнэн” үгийн хажууд, бусад эх сурвалжаас илүү ойр тавьж болохыг тайлбарла. Суралцагчдаас дараах зүйлийг асуу.

• “Бурханаас ирсэн үнэн” гэдгийн ойролцоо үнэний ямар ямар эх сурвалжийг тавих нь зүйтэй вэ?

• Энэ хоёр үг хэллэгийн ойролцоо тавихад хэцүү байгаа үнэн ба худлыг хоёуланг агуулдаг ямар ямар эх сурвалж байна вэ?