Mataio 6–7

Vaaiga Aoao

Na faaauau e Iesu Lana Lauga i luga o le Mauga, ma aoao mai ia tatou faia galuega lelei ia fiafia ai lo tatou Tama Faalelagi ae lē ina ia viia ai tatou e isi tagata. Na Ia aoao atu foi i Ona soo ia “muai saili [ia atiae] le malo o le Atua” (Mataio 6:33) ma ia faamasino ma le amiotonu. O mea o le a aoaoina i lenei vaiaso e aofia ai gaoioiga o le atamai i aoaoga faavae ina ia fesoasoani ai i tagata o le vasega e saili ma taulotoina uluai fasifuaitau e 11 o le atamai i aoaoga faavae e faatatau i le Feagaiga Fou, faapea ma se lesona e fesoasoani ai ia i latou e iloilo ai lo latou aoaoina ma lo latou alualu i luma.

Mataio 6:1–18

Faamoemoega o le lesona: O lenei lesona o le a maua ai e tagata o le vasega le avanoa e iloilo ai o latou faamoemoega mo le faia o galuega lelei ma filifili auala latou te mananao e faalelei atili ai.

Tapenaga a le tagata o le vasega: Valaaulia tagata o le vasega e mafaufau e uiga i o latou faamoemoega mo a latou gaoioiga na fai i le 24 itula a o lei faia le vasega.

Anotusi e faaali: O le siata e uiga i galuega lelei
Vitio: “E Faatatau i le Faamaoni” (17:51; matamata mai i le faailotaimi 15:34 seia oo i le 16:29)

Mataio 6:19–34

Faamoemoega o le lesona: O lenei lesona o le a maua ai e tagata o le vasega le avanoa e mafaufau loloto ai ma faasoa le taua o le faamuamua o le Atua i o latou olaga.

Tapenaga a le tagata o le vasega: Valaaulia tagata o le vasega e mafaufau loloto pe mafai faapefea ona latou faasoa atu i isi le taua ma faamanuiaga o le faamuamua o le Atua i o latou olaga.

Vitio: Se tasi o vitio nei: “No Regrets” (5:38), “Virtuous Young Women” (3:50), “Your Day for a Mission” (3:31)
Anotusi e faaali: Mau faasino ma faamalamalamaga

Vitiofautuaga mo aoaoga fesootai: Seti le lau o lau o vitio fesootai i le potu o ata, po o le vaaiga lea e faaali ai tagata o le vasega aupito toatele i le taimi e tasi. A maea ona faasoa mai e se tasi o tagata o le vasega lana auivi na saunia mo se vitio, mafaufau e fai atu ia i latou e faasino i luga, lalo, i le taumatau, po o i le tauagavale. Po o ai lava le tagata aoga o loo iloa atu i luga, lalo, i le taumatau, po o i le tauagavale o lau komepiuta o ia lea o le a sosoo. (E ono fesoasoani pe a e iloa o le faatulagaga o tagata o le vasega i luga o lau komepiuta e ono lē tutusa ma le faatulagaga o loo vaai i ai tagata o le vasega.)

Mataio 7:1–5

Faamoemoga o le lesona: O lenei lesona o le a tuu atu ai i tagata o le vasega le avanoa e aoao ai e uiga i le faia o filifiliga amiotonu.

Tapenaga a le tagata o le vasega: Valaaulia tagata o le vasega e manatunatu loloto i mea latou te iloa e uiga i faamasinoga e tatau ona latou faia ma faamasinoga e tatau ona latou faaeteete e aua nei faia. Uunai i latou e mafaufau i ni a latou fesili o i ai e uiga i le faamasino atu.

Meafaitino: O se fasilaau ma se utupoto (po o se ata o mea taitasi)
Vitio: “Looking through Windows” (2:19)

VitioFautuaga mo aoaoga fesootai: A lata i le faaiuga o le lesona, faaali ata faataitai e fa e mafai e tagata aoga ona fiifili e talanoaina. Valaaulia se tasi pe sili atu o tagata aoga e faaaoga le meafaigaluega tusiata e lio ai se ata faataitai e tasi pe sili atu latou te mananao e talanoa i ai ma le vasega, pe faatu se palota e mafai ona faailoa mai ai e tagata aoga le mea e sili mo i latou.

Iloiloga o le Atamai i Aoaoga Faavae 1

Faamoemoega o le lesona: O le lesona lenei o le a fesoasoani ai i tagata aoga e saili ma faataitai ona taulotoina mau faasino ma fasifuaitau autu o mau mo mau muamua e 11 o le atamai i aoaoga faavae o le Feagaiga Fou.

Anotusi e faaali: O se siata o loo i ai fasifuaitau muamua e 11 o mau o le atamai i aoaoga faavae

VitioFautuaga mo aoaoga fesootai: Mafaufau e faaaoga potu e taape i ai mo tagata aoga e fefaamasaniai ai a o latou saili mo mau ma tauloto fasifuaitau autu o mau.

Iloilo Lou Aoaoina 2

Faamoemoega o le lesona: O lenei lesona ua faamoemoe e fesoasoani atu ia te oe e siitia ai sini ua e faatuina, mea o loo e aoaoina, ma le tuputupu ae patino ua e oo i ai a o e suesue i le Feagaiga Fou i lenei tausaga.

Tapenaga a le tagata o le vasega: Valaaulia tagata aoga e mafaufau ia latou taumafaiga e tetee ma faatoilalo faaosoosoga e ala i le faatuatua ia Iesu Keriso.

Anomea mo tagata aoga: Afai ua e filifili e fai le gaoioiga e uiga i le fausia o se fale, o anomea e pei o poloka, ipu inu, po o tusi ma se atufola malosi e pei o se laulau

VitioFautuaga mo aoaoga fesootai: Mafaufau pe tofi muamua se tagata aoga a o lē i oo i le taimi e fau ai se fale faigofie mai poloka po o ipu inu, muamua i luga o se atufola malo ona fai lea i luga o se atufola e le mausali, pei o se aluga, a o matamata le vasega atoa e ala i le vitio fesootai.