Jun eetalil re chaab’ilo’k

Li eetalil a’in naru nakatxtenq’a chi chaab’ilo’k sa’ xkahichal li na’leb’ kixk’ut li Jesus (chi’ilmanq Lukas 2:52).

Xtawb’al

Li qaChoxahil Yuwa’ xk’e chaq aamaatan ut aaseeb’al. Naru nakattijok re xnawb’al k’a’ruheb’ a’an ut b’ar wan reheb’ a’an naru nakatk’anjelak wi’ anajwan.

Taweb’ li na’leb’ sa’eb’ li perel 44–61.

Xk’uub’ankil

Chirix xtawb’al chan ru nakawaj chaab’ilo’k, tijon ut aatinan rik’in laa junkab’al chirix chan ru taab’aanu a’an. Yiib’ jun k’uub’anb’il na’leb’. Eb’ laa na’ aayuwa’ ut eb’ laa jolominel naru nakate’xtenq’a.

Xb’aanunkil

Chirix xyiib’ankil laa k’uub’anb’il na’leb’, yal xb’aanunkil! Chi timil timil taab’aanu. Tzol aawib’ rik’ineb’ laa was aawiitz’in rik’in li tenq’ank ut eb’ li kok’ k’anjel. Chayal xsahil! Tijon re xpatz’b’al aatenq’ankil, ut jal li k’uub’anb’il aab’aan wi na’ajman ru. Makanab’ xyalb’al!

Xk’oxlankil rix

K’oxlan chirix li k’a’ru yookat chixtzolb’al ut chan ru naq yoo chatenq’ankil chixtaaqenkil li Jesus. Chisaho’q aach’ool! B’antioxi re li qaChoxahil Yuwa’ chan ru naq xatchaab’ilo’. Sik’ chan ru taawoksi li xatzol re k’anjelak chiruheb’ laa was aawiitz’in. Maakanab’ xb’aanunkil li na’leb’ a’an, malaj sik’ ru junaq chik ak’ re taak’anjela!