Eb’ lix tusulal li wank re li evangelio

Eb’ lix tusulal li wank re li evangelio nakate’xtenq’a chixb’aanunkil li k’a’ru kixb’aanu li Jesus. Naru neke’xk’e aana’leb’ re xkomon kok’ k’anjel re xk’uub’ankil ut xb’aanunkil.

• Tintaaqe lix k’uub’anb’il na’leb’ li qaChoxahil Yuwa’ choq’ we.

• Tinjultika li sumwank re lin kub’iha’ ut tinwab’i li Santil Musiq’ej.

• Tinsik’ ru li us. Ninnaw naq naru ninjal ink’a’uxl naq ninb’aanu li ink’a’ us.

• Maak’a’aq inb’alaq’ rik’in li qaChoxahil Yuwa’, rik’ineb’ li was wiitz’in, ut wik’in wib’.

• Tinwoksi xk’ab’a’ li qaChoxahil Yuwa’ ut xk’ab’a’ li Jesukristo rik’in oxloq’.

• Moko tin’aatinaq ta sa’ xk’ab’a’ li Dios chi moko tinwoksi ta li yib’ ruhil aatin aj hob’onel.

• Tinb’aanu sa’ li hilob’aal kutan li k’a’ru tinixtenq’a chireek’ankil naq nach’ wankin rik’in li qaChoxahil Yuwa’ ut li Jesukristo.

• Te’woxloq’i lin na’ inyuwa’ ut tinb’aanu lin k’anjel re xkawob’resinkil lin junkab’al.

• Tinwil chi us lin k’a’uxleb’aal ut lin junxaqalil chi saq ru ut chi loq’, ut ink’a’ tintz’aqonq sa’eb’ li k’a’ru ink’a’ us choq’ we.

• Te’woksi li t’ikr neke’xram chi us lin tib’el re xk’utb’al li woxloq’ihom choq’ re li qaChoxahil Yuwa’ ut choq’ we ajwi’ laa’in.

• Tinwil ru sa’ hu, tinwil, ut tinwab’i ka’ajwi’ li k’a’ru nawulak chiru li qaChoxahil Yuwa’.

• Ka’ajwi li son nawulak chiru li qaChoxahil Yuwa’ te’wab’i.

• Teb’insik’ li chaab’il amiiw ut tinwanq rik’ineb’ li was wiitz’in rik’in rahok.

• Tinwanq chi saq wu anajwan re xik sa’ li santil ochoch ut xb’aanunkil lin k’anjel re naq taawanq chi junelik lin junkab’al.