Hō’ē hōho’a nō te tupura’a i te rahi

E nehenehe teie hōho’a e tauturu ia ’oe ’ia tupu i te rahi i roto i nā tuha’a e maha tā Iesu i rave (hi’o Luka 2:52).

’Ite mai

’Ua hōro’a mai te Metua i te ao ra ia ’oe i te mau hōro’a ’e te mau tāreni. E nehenehe ’oe e pure nō te ’ite ē, e aha te reira ’e teihea tā ’oe e rave i teienei.

’A ’imi i te mau mana’o i ni’a i te mau ’api 44–61.

Fa’anaho

’Ia ’ite-ana’e-hia ia ’oe nāhea ’oe i te tupu i te rahi, ’a pure ’e ’a paraparau i tō ’oe ’utuāfare nō ni’a i te huru i te ravera’a i te reira. ’A hāmani i te hō’ē fa’anahora’a. E nehenehe tō ’oe nā metua ’e te feiā fa’atere e tauturu ia ’oe.

Rave

’Ia oti tā ’oe fa’anahora’a i te hāmanihia, ’a tāmata i te reira ! ’A rave i te mau ta’ahira’a na’ina’i. ’A ha’api’i mai ’e ’o vetahi ’ē nā roto i te tāvinira’a ’e te mau ’ohipara’a. ’A ’arearea ! ’A pure nō te ani i te tauturu, ’e ’a taui i tā ’oe fa’anahora’a mai te mea e tītauhia. Tāmata noa !

Feruri

’A feruri nō ni’a i te mau mea tā ’oe i ’apo mai ’e e mea nāhea te reira i te tauturura’a ia ’oe ’ia pe’e ia Iesu. Fa’ahanahana ! Ha’amāuruuru i te Metua i te ao ra nō te huru o tō ’oe tupura’a i te rahi. ’A imi i te mau rāve’a nō te fa’a’ohipa i te mau mea tā ’oe i ’apo mai nō te tāvini ia vetahi ’ē. ’A tāmau noa i roto i teie mana’o, ’e ’aore rā, ’a mā’iti i te hō’ē mea ’āpī nō te ’ohipa i ni’a iho !