« E tamari’i tao’a rahi ’oe nā te Atua », Fa’ahotura’a i te ta’ata iho : Buka arata’i nā te mau tamari’i (2019)

« E tamari’i tao’a rahi ’oe nā te Atua », Fa’ahotura’a i te ta’ata iho : Buka arata’i nā te mau tamari’i

E tamari’i tao’a rahi ’oe nā te Atua

I ora nā ’oe i pīha’i iho i te Metua i te ao ra, tei ’ite i te mau mea ato’a ’e tei here i te mau ta’ata ato’a. Tē hina’aro nei ’oia ’ia riro ’oe mai iāna te huru ! ’Ua hōro’a mai ’oia ia ’oe i te hō’ē tino, te mau ’aravihi, ’e te mau hōro’a pae vārua. Tē hina’aro nei ’oia ’ia ’ite ’e ’ia fa’ahotu ’oe ’e tāna mau tamari’i tā’āto’a i teie mau hōro’a. ’Ua hōro’a mai ’oia ia tātou i te hō’ē fa’anahora’a nō te tauturu ia tātou ’ia ’oa’oa ’e ’ia ha’amaita’i ia vetahi ’ē.

te ao ra ’e te mau ’utuāfare — I haere mai ’oe i te fenua nei mai te ra’i mai. E tuha’a ’oe nō te hō’ē ’utuāfare.

bāpetizora’a — ’Ua fafau ’oe ’ia pe’e ia Iesu Mesia i te taime ’a bāpetizohia ai ’oe ’e i te taime e rave ’oe i te ’ōro’a mo’a.

ha’amaura’a — I te taime e ha’amauhia ’oe, e fāri’i ’oe i te hōro’a o te Vārua Maita’i nō te arata’i ia ’oe.

mau ta’ata i rāpae i te fare purera’a — E ’itehia ia ’oe te ’oa’oa ’e te hau mai te mea e mā’iti ’oe ’ia ora mai tā Iesu i ora.

mau ta’ata e rave nei i te mau ’ohipara’a — E nehenehe ’oe e ha’api’i mai ’e e tupu i te rahi. E nehenehe ’oe e here ’e e tāvini ia vetahi ’ē mai ia Iesu.

tē ha’api’i ra Iesu i te ta’ata — ’Ua tono mai te Metua i te ao ra i tāna Tamaiti, ’o Iesu Mesia, ’ia riro ’ei hi’ora’a ’e ’ua hōro’a mai i te rāve’a e ti’a ai ia ’oe ’ia tātarahapa ’e ’ia taui.

’utuāfare i rāpae i te hiero — E nehenehe ’oe e rave i te mau fafaura’a i roto i te hiero ’o te tauturu ia ’oe ’ia ora fa’ahou i pīha’i iho i te Metua i te ao ra.