Ko ha Sīpinga ki he Tupulakí

ʻE lava ke tokoni ʻa e sīpinga ko ʻení ke ke tupulaki ʻi he ngaahi tafaʻaki ʻe fā ne tupulaki ai ʻa Sīsuú (vakai, Luke 2:52).

ʻIloʻi

Kuo foaki atu ʻe he Tamai Hēvaní ha ngaahi meʻafoaki mo e ngaahi talēniti. Te ke lava ʻo lotua ke ʻiloʻi kinautolu pea mo e meʻa te ke lava ʻo ngāue ki ai he taimi ní.

Maʻu ha ngaahi fakakaukau ʻi he peesi 44–61.

Palani

Hili hoʻo ʻiloʻi e founga ʻokú ke fie tupulaki aí, lotu pea talanoa ki ho fāmilí fekauʻaki mo e founga ke fakahoko ai iá. Faʻu ha palani. ʻE lava ke tokoni atu hoʻo mātuʻá mo e kau takí.

Ngāue

Hili hoʻo faʻufaʻu hoʻo palaní, ʻahiʻahi fakahoko ia! Fakahoko ha ngaahi sitepu iiki. Ako mo e niʻihi kehé ʻo fakafou ʻi he ngāue tokoní mo e ngaahi ʻekitivitií. Fiefia ai! Lotua ha tokoni, pea liliu hoʻo palaní ʻo ka fie maʻu. Feinga pē!

Fakakaukau-loto

Fakakaukau ki he meʻa kuó ke akó pea mo e founga kuó ne tokoniʻi koe ke ke muimui kia Sīsuú. Fakafiefiaʻi! Fakamālō ki he Tamai Hēvaní koeʻuhi ko hoʻo tupulakí. Kumi ha ngaahi founga ke fakaʻaongaʻi ai e ngaahi meʻa kuó ke akó ke tokoni ki he niʻihi kehé. Hokohoko atu e fakakaukau ko ʻení, pe fili ha meʻa foʻou ke ke ngāue ki ai!