“Ko ha Fānau Pelepelengesi Koe ʻa e ʻOtuá,” Fakalakalaka Fakataautahá: Tohi Fakahinohino ʻa e Fānaú (2019)

“Ko ha Fānau Pelepelengesi Koe ʻa e ʻOtuá,” Fakalakalaka Fakataautahá: Tohi Fakahinohino ʻa e Fānaú

Ko e Fānau Pelepelengesi Koe ʻa e ʻOtuá

Naʻá ke nofo mo e Tamai Hēvaní, ʻokú Ne ʻafioʻi ʻa e meʻa kotoa pea ʻofa ki he tokotaha kotoa pē. ʻOkú Ne finangalo ke ke hangē pē ko Iá! Naʻá Ne ʻoatu ha sino, ʻū meʻa te ke malava, pea mo ha ngaahi meʻafoaki fakalaumālie. ʻOkú Ne finangalo ke ke ʻiloʻi pea mo e kotoa ʻo ʻEne fānaú ʻa e ngaahi meʻafoaki ko ení pea fakatupulaki kinautolu. Naʻá Ne ʻomi ha palani ke tokoniʻi kitautolu ke tau fiefia pea tāpuekina e niʻihi kehé.

hēvani mo e ngaahi familí — Naʻá ke haʻu mei langi ki he māmaní. ʻOkú ke kau ki ha fāmili.

papitaisó — ʻOkú ke fuakava ke muimui kia Sīsū Kalaisi ʻi he taimi ʻoku papitaiso ai koé, pea ʻi hoʻo maʻu e sākalamēnití.

hilifakinimá — ʻI he taimi ʻoku hilifakinima ai koé, ʻokú ke maʻu e meʻafoaki ʻo e Laumālie Māʻoniʻoní ke tākiekina koe.

kakai ʻi tuʻa ʻi ha falelotu — Te ke lava ʻo maʻu e fiefiá mo e melinó ʻi hoʻo fili ke moʻui ʻo hangē ko ia ne mei fai ʻe Sīsuú.

kakai ʻoku nau fakahoko ha ngaahi ʻekitivitī — Te ke lava ‘o ako mo tupulaki. ʻE lava ke ke ʻofaʻi mo tokoniʻi e niʻihi kehé ʻo hangē ko ia ne mei fai ʻe Sīsuú.

Akoʻi ʻe Sīsū ʻa e kakaí — Naʻe fekauʻi mai ʻe he Tamai Hēvaní ʻa Hono ʻAló, ʻa Sīsū Kalaisi, ke hoko ko e faʻifaʻitakiʻanga pea ʻai ke ke lava ʻo fakatomala mo liliu.

fāmili ʻi tuʻa ʻi he temipalé — ʻE lava ke ke fakahoko ha ngaahi fuakava ʻi he temipalé ʻe tokoni atu ke ke toe nofo mo e Tamai Hēvaní.