Ko ʻEku Ngaahi Tuʻunga Moʻui ʻi he Ongoongoleleí

ʻOku tokoni e ngaahi tuʻunga moʻui ʻo e Ongoongoleleí ke ke ngāue ʻi he ngaahi founga naʻe mei fakahoko ʻe Sīsuú. Mahalo te nau ʻoatu ha ngaahi fakakaukau ki ha ngaahi ʻekitivitī foʻou ke palani ki ai mo fakahoko.

• Te u muimui ʻi he palani ʻa e Tamai Hēvaní maʻakú.

• Te u manatuʻi ʻeku fuakava ʻi hoku papitaisó pea fakafanongo ki he Laumālie Māʻoniʻoní.

• Te u fili ki he totonú. ʻOku ou ʻiloʻi te u lava ʻo fakatomala fakamaatoato ʻi heʻeku fai ha fehālaakí.

• Te u faitotonu ki he Tamai Hēvaní, niʻihi kehé, pea kiate au foki.

• Te u fakaʻaongaʻi ʻi he loto ʻapasia ʻa e huafa ʻo e Tamai Hēvaní mo Sīsū Kalaisí.

• He ʻikai ke u kapekape pe lea taʻefeʻunga.

• Te u fai pē ʻa e ngaahi meʻa ko ia te ne tokoniʻi au ke u toe ofi ange ai ki he Tamai Hēvaní mo Sīsū Kalaisi ʻi he ʻaho Sāpaté.

• Te u fakaʻapaʻapa ki heʻeku mātuʻá mo fai hoku fatongia ke fakamālohia hoku fāmilí.

• Te u tauhi ʻeku fakakaukaú mo hoku sinó ke toputapu mo maʻa, pea he ʻikai ke u maʻu ha meʻa ʻe fakatuʻutāmaki kiate au.

• Te u teunga taau ke fakahaaʻi ʻaki ʻeku fakaʻapaʻapa ki he Tamai Hēvaní pea kiate au foki.

• Te u laukonga, sio, mo fanongo pē ki he meʻa ʻoku fakahoifua ki he Tamai Hēvaní.

• Te u fakafanongo pē ki he hiva ʻoku fakahoifua ki he Tamai Hēvaní.

• Te u fekumi ki ha ngaahi kaungāmeʻa lelei pea angaʻofa ki he niʻihi kehé.

• Te u moʻui he taimí ni ke taau ke u hū ki he temipalé pea fai hoku fatongiá ke maʻu ha fāmili taʻengata.