“Kasano a Masurotmo ni Jesus?” Bukod a Panagdur-as: Pangiwanwan a Pagbasaan dagiti Ubbing (2019)
“Kasano a Masurotmo ni Jesus?” Bukod a Panagdur-as: Pangiwanwan a Pagbasaan dagiti Ubbing
Kasano a Masurotmo ni Jesus?
Idi katawenmo ni Jesus, nagsursuro ken dimmakkel Isuna. Agsursuro ken dumakdakkelka met. Kuna dagiti nasantuan a kasuratan:
Espiritual
“Gundaway iti Dios”
Ipakitam iti Nailangitan nga Ama nga ay-ayatem Isuna. Mabalinmo ti agsursuro maipapan Kenkuana, agkararag, agbasa kadagiti nasantuan a kasuratan, ken agpili iti rumbeng.
Sosial
“Gundaway iti … tao”
Tulongam dagiti tao iti aglawlawmo. Maayatmo ti pamiliam, masursurom nga ayaten ken pagserbian dagiti dadduma, ken makigayyem.
Pisikal
“Kinatayag”
Annadam ti bagim ken dagiti banag iti aglawlawmo. Mabalinmo ti mangan iti nasalun-at a taraon, agtrabaho ken agay-ayam, ken agaywan iti pagtaenganyo.
Intelektual
“Kinasirib”
Agsursuroka kadagiti baro a banag, ket usarem no ania ti nasursurom a mangtulong kadagiti dadduma. Mabalinmo ti agadal iti pagtaengan, simbaan, ken pagadalan.