“Maysaka a Napateg nga Anak ti Dios,” Bukod a Panagdur-as: Pangiwanwan a Pagbasaan dagiti Ubbing (2019)
“Maysaka a Napateg nga Anak ti Dios,” Bukod a Panagdur-as: Pangiwanwan a Pagbasaan dagiti Ubbing
Maysaka a Napateg nga Anak ti Dios
Nakipagnaedka idin iti Nailangitan nga Ama, a makaammo iti amin a banag ken ay-ayatenna ti tunggal maysa. Kayatna nga agbalinka a kas Kenkuana! Inikkannaka iti bagi, kabaelan, ken naespirituan a sagsagut. Kayatna kenka ken ti amin nga annakna a mangtakuat ken mangpadur-as kadagitoy a sagsagut. Inikkannatayo iti maysa a plano a mangtulong kadatayo nga agbalin a naragsak ken magbendision kadagiti dadduma.
Immayka iti daga manipud iti langit. Pasetka ti maysa a pamilia.
Makitulagka a sumurot ken ni Jesucristo no agbuniagka ken umawatka iti sakramento.
No makumpirmaanka, awatem iti sagut ti Espiritu Santo tapno mangtarabay kenka.
Masarakam ti rag-o ken talna no piliem ti agbiag a kas iti panagbiag ni Jesus.
Makapagsursuro ken makapagdur-aska. Mabalinmo nga ayaten ken pagserbian dagiti dadduma kas iti inaramid ni Jesus.
Imbaon ti Nailangitan nga Ama ti Anakna, ni Jesucristo, tapno agbalin a pagwadan ket mangaramid a posible ti panagbabawim ken panagbalbaliwmo.
Makaaramidka kadagiti katulagan iti templo a mangtulongto kenka a makipagnaed manen iti Nailangitan nga Ama.