Dagiti Kapanunotan para iti Panagdur-as iti Amin a Tay-ak ti Biag

Addaan kapanunotan dagiti sumaganad a panid para iti no kasano a masurotmo ti Mangisalakan ken dumur-as iti amin a tay-ak ti biagmo. Saan a nasken nga usarem dagitoy—mabalin a bukodmo dagiti kasayaatan a kapanunotan! Ikararagam no ania ti mabalin nga itrabahom ita met laeng.

Masarakam ti ad-adu pay a kapanunotan iti ChildrenandYouth.ChurchofJesusChrist.org.

espiritual, sosial, pisikal, intelektual

Dagiti Kapanunotan para iti Espiritual a Panagdur-as

Ania Dagiti Kapanunotam?

agtutubo nga agkarkararag

Basaem ti Libro ni Mormon iti Inaldaw

agtutubo nga agbasbasa kadagiti nasantuan a kasuratan

Ugaliem ti panagbasa iti inaldaw, uray no sumagmamano laeng a bersikulo.

Agsagana a Mapan iti Templo

agtutubo iti templo

Sursuruem ken tungpalem ti “Dagiti Pagrukodak iti Ebanghelio” (panid 63), ket awisem dagiti dadduma a mangaramid met iti kastoy.

Sursuruem ti Pagannurotan ti Pammati

agtutubo nga agbilbilang

Yulom ti Pagannurotan ti Pammati (panid 62), ket sursuruem no ania ti kaipapananda.

Pasayaatem dagiti Kararagmo

agtutubo nga agbasbasa

Sakbay nga agkararagka, panunotem maipapan no ania ti pagyamyamanam ken no ania ti kasapulam a tulong.

Agyamanka iti Nailangitan nga Ama para kadagiti Bendisionmo.

checklist

Isuratmo ti tallo a banag a pagyamyamanam. Padasem ti mangisurat iti tallo a baro a banag iti tunggal aldaw.

Ngilinen a Nasantuan ti Aldaw ti Sabbath

pamilia iti ruar ti simbaan

Ikeddengmo no ania ti mairugim nga aramiden wenno maisardengmo nga aramiden tapno mapagbalinmo a naisangsangayan nga aldaw ti Sabbath.

Agserbika iti Maysa a Tao

agtutubo nga agdaldalus

Agsapulka kadagiti wagas a pakatulongam iti maysa a tao iti pamiliam, iti pagadalan, wenno iti simbaan.

Aramidem ti Pakasaritaan ti Pamilia

da lelang ken lelong

Suratam ti maysa a lelang, ikit, wenno uliteg. Paisaritam kadakuada ti estoria maipapan idi katawendaka.

Ibinglaymo ti Ebanghelio

tattao nga agsasarita

Kasaritam ti maysa a gayyem maipapan iti ebanghelio. Awisem ti maysa a gayyemmo iti simbaan wenno iti maysa nga aktibidad.

Isurom ti Ebanghelio

pamilia nga agbasbasa

Isurom ti paggugustom nga estoria iti nasantuan a kasuratan iti pamiliam. Yakemmo daytoy wenno idrowingmo dagiti ladawan a mangtulong kenka a mangisuro.

Kantaem ti maysa a Kanta iti Primary

agtutubo nga aggitgitarra

Makipagkanta iti maysa a miembro ti pamila. Kitaem no kasano ti panagriknam iti panagdengngegmo iti nasayaat a musika.

Dagiti Kapanunotan para iti Panagdur-as a mainaig iti Pannakilangen [Social]

Ania Dagiti Kapanunotam?

agtutubo nga agkarkararag

Sursuruem maipapan iti Pamilia

pamilia nga aggigiddan a magmagna

Basaem ti “Ti Kaamaan: Maysa a Waragawag iti Lubong,” ket kasaritam dagiti nagannak kenka maipapan iti no ania ti nasursurom.

Ipakitam ti Ayat iti Pamiliam

pamilia iti lamisaan

Agaramid iti maysa a banag a nasayaat para kadagiti tao iti pamiliam.

Iramanmo dagiti Dadduma

agtutubo a magmagna

Mangsapulka kadagiti wagas a makapagbuboska iti oras wenno makapagserbika iti maysa a tao a mabalin a makarikna nga agmaymaysa wenno agkasapulan iti pannakigayyemmo.

Sursuruem maipapan iti Dadduma pay a Kultura

agtutubo nga addaan llama

Basaem maipapan iti dadduma pay a kultura, kasaritam dagiti tao manipud iti dadduma a pagilian, wenno mapanka iti maysa a parambak a mainaig iti kultura iti asidegyo.

Agserbika kadagiti Kaarrubam

agtutubo nga agkupkupin iti luplupot

Kaduam dagiti nagannak kenka wenno lidermo, agaramid iti maysa a banag iti komunidadyo a mangtulong kadagiti tao nga agkasapulan.

Sursuruem ti Dumawat Pammakawan ken Mamakawan

agtutubo a nasugatan

Mangyakem kadagiti situasion a pakasapulan ti maysa a tao a dumawat pammakawan wenno mamakawan. Sanayem no kasano ti panangibinglaymo kadagiti marikriknam ken panagresponde.

Sursuruem maipapan iti Komunidadyo

agtutubo iti ruar ti pangukoman

Sumarungkar iti maysa nga istasion ti polisia, fire station, wenno dadduma pay a serbisio iti komunidad. Sursuruem maipapan iti ar-aramidenda, ket agyamanka kadakuada para iti serbisioda.

Maaddaan iti Baro a Gayyem

agtutubo iti swing

Yam-ammom ti bagim iti maysa a tao a damom a makita, ken awisem ti tao a makiay-ayam kenka.

Agsao kadagiti Nasayaat a Balikas

naragsak a rupa emoji

Sanayem ti panagusar laeng kadagiti balikas a mangparagsak iti maysa a tao, saan a mangpaliday. Isaritam maipapan no ania ti maisaom no agsao kenka ti maysa a tao kadagiti saan a nasayaat a balikas.

Pengdam ti Pungtotmo

agtutubo nga agduadua

Sanayem ti agkalmado no mariknam ti agpungtot. Kas pagarigan, umangeska iti nauneg, agbilang iti 10, wenno ipapanmo nga addaka iti maysa a paggugustom a lugar.

Pasangbayem dagiti Dadduma

dagiti agtutubo nga agsasarita

Yam-ammom ti bagim iti maysa a tao a damom a makita iti pagadalan, sangakaarrubaan, wenno ward wenno branchyo. Tulongam daytoy a tao a makiam-ammo iti dadduma a tao.

Dagiti Kapanunotan para iti Pisikal a Panagdur-as

Ania Dagiti Kapanunotam?

agtutubo nga agkarkararag

Sursuruem ti Agluto

agtutubo nga aglutluto

Tumulongka a mangisagana iti nasustansia a makan wenno merienda. Ibinglaymo daytoy iti pamiliam wenno gagayyemmo.

Aramidem a Napigsa ti Bagim

agtutubo nga agwatwatwat

Masansan nga agaramidka iti maysa a banag a mangtignay iti bagim, kas iti isports, panagsala, panagwatwat, wenno panagay-ayam iti ruar.

Ipakitam ti Respeto iti Bagim

agtutubo nga agsipsipilio ken agsagsagaysay

Pagtalinaedem a nadalus ti bagim iti inaldaw. Agdigoska a kanayon. Agsipilioka ken aywanam ti buokmo iti tunggal aldaw.

Aywanam ti Pagtaenganyo

agtutubo nga agres-recycle

Agaramid iti maysa a banag a makatulong iti pagtaenganyo nga agbalin a napintas a lugar a pagnaedan, kas iti panagdalus, panagarkos, wenno panagtrabaho iti arubayan.

Aywanam dagiti Banag a Tagikuam

agtutubo nga agur-urnos kadagiti tagikua

Idawatmo kadagiti nagannakmo a mangisuro kenka no kasano ti agtarimaan wenno agaywan kadagiti banag nga usarem.

Sursuruem ti maysa a Baro a Paglaingan iti Arte

agtutubo nga agpimpinta

Agdrowing, agpinta, wenno agi-sketch iti ladawan, ket itedmo daytoy iti maysa a tao nga ay-ayatem.

Sursuruem ti maysa a Baro a Paglaingan iti Musika

agtutubo nga aggitgitarra

Sursuruem no kasano a kantaen ti maysa a kanta, agtokar iti maysa nga instrumento, wenno agkumpas iti musika. Idiayam nga ibinglay ti paglaingam iti sardam ti pagtaengan wenno sabali nga aktibidad.

Agtungpal iti Word of Wisdom

agtutubo nga agpampanunot iti merienda

Basaem ti Doktrina ken Katulagan 89 tapno makita no ania ti ikari ti Nailangitan nga Ama no agtungpalka iti Word of Wisdom [Nainsiriban a Balikas]. Ikeddengmo no kasano a matungpalmo daytoy a nasaysayaat.

Agragsak iti Oras iti Ruar

pamilia a magmagna

Mapan magna wenno ag-hike a kakuyog ti pamilia wenno gagayyem tapno agsukisok iti lubong iti aglawlawyo.

Ibinglaymo dagiti Talentom

tattao nga agtoktokar kadagiti trumpeta

Ibinglaymo ti maysa kadagiti talentom iti maysa a tao a naliday.

Agsagana para kadagiti Pettat a Panagkasapulan

tattao a kumitkita iti mapa

Agaramid iti plano a kaduam dagiti nagannak wenno lidermo para iti no ania ti aramiden iti pettat a panagkasapulan.

Dagiti Kapanunotan para iti Intelektual a Panagdur-as

Ania Dagiti Kapanunotam?

agtutubo nga agkarkararag

Sursuruem maipapan iti Apagkapullo

agtutubo nga agbaybayad iti apagkapullo

Sursuruem no apay a napateg ti agbayad iti apagkapullo. Mangtedka iti sangapulo a porsiento ti matgedam iti Apo.

Pasayaatem dagiti Paglaingam iti Panagbasa

ina ken anak a babai nga agbasbasa

Agbasaka iti libro maipapan iti baro nga asignatura, wenno agbasaka iti libro a napapaut ngem iti gagangay a panagbasam.

Sursuruem no Kasano ti Agbalin a Natalged iti Online

pamilia nga agus-usar iti computer

Agaramidka iti listaan dagiti annuroten ti pamiliam iti panangusar iti internet wenno apps.

Sursuruem ti maysa a Baro a Banag

agtutubo nga agbasbasa

Pumilika iti maysa a banag a pagesmam, ket sursuruem ti amin a banag a kabaelam maipapan iti daytoy.

Dumar-ay wenno Agbuya kadagiti Pasken a Mainaig iti Kultura

tattao iti museo

Sumarungkar iti maysa a museo wenno pasken ia mainaig iti kultura iti lugaryo. Kasaritam dagiti gagayyemmo wenno pamiliam maipapan iti maysa a baro a banag a nasursurom.

Sursuruem maipapan kadagiti Nadumaduma a Trabaho

tattao a mangtartarimaan iti lugan

Sarungkaram ti maysa a tao nga am-ammom iti trabahoda tapno maammuam no ania ti ar-aramidenda ken no kasano a maitrabaho dagiti banag.

Sursuruem maipapan kadagiti Tao a Daydayawem

tattao nga agsasarita

Mabalin a daytoy ti tao nga am-ammom wenno maysa a tao manipud iti pakasaritaan wenno dagiti nasantuan a kasuratan. Ikeddengmo no kasano a makapagbalinka nga ad-adda pay a kas kenkuana.

Sursuruem no Kasano ti Agaramid kadagiti Nasayaat a Pili

tsart, gapu ken epekto

Addaan iti bunga ti amin a pili, a dagitoy dagiti banag a mapasamak kas resulta ti no ania ti ar-aramidem. Agaramidka iti listaan dagiti sumagmamano a pili ken dagiti bungada.

Pasayaatem ti Memoriam

tao nga agpampanunot

Yulom ti maysa a paggugustom a nasantuan a kasuratan, daniw, wenno kanta.

Sursuruem ti maysa a Baro a Pagsasao

agtutubo nga agus-usar iti smartphone

Sursuruem ti mangisao iti hello ken dadduma pay a kangrunaan a balikas iti sabali a pagsasao. Sanayem a kaduam ti maysa a tao nga agsarita iti dayta a pagsasao, no mabalin.

Mangisurat iti Maysa nga Estoria

agtutubo nga agsursurat

Mangisurat iti maysa nga estoria maipapan iti biagmo wenno maipapan iti maysa a miembro ti pamilia.