Dagiti Pagrukodak iti Ebanghelio

Dagiti pagrukodan iti ebanghelio ti mangtulong kenka nga agtignay kadagiti wagas a panagtignay ni Jesus. Mabalin a mangtedda kenka kadagiti kapanunotan para kadagiti baro nga aktibidad a planuen ken aramiden.

• Surotekto ti plano ti Nailangitan nga Ama para kaniak.

• Laglagipekto ti katulagak iti panagbuniag ken dumngegak iti Espiritu Santo.

• Piliekto ti rumbeng. Ammok a makapagbabawiak no agaramidak iti biddut.

• Agbalinakto a napudno iti Nailangitan nga Ama, kadagiti dadduma ken iti bagik.

• Usarekto a siraraem dagiti nagan ti Nailangitan nga Ama ken ni Jesucristo.

• Saanakto nga agsapata wenno agusar kadagiti narusanger a balikas.

• Aramidekto dagita a banag iti Sabbath a mangtulongto kaniak a makarikna nga asidegak iti Nailangitan nga Ama ken ni Jesucristo.

• Dayawekto dagiti nagannak kaniak ket aramidek ti pasetko a mangpatibker iti pamiliak.

• Pagtalinaedekto ti panunotko ken bagik a sagrado ken natarnaw, ket saanakto a mangipauneg kadagiti banag a makadangran kaniak.

• Agkawesakto a sididisente a mangipakita iti respeto iti Nailangitan nga Ama ken iti bagik.

• Agbasa, agbuya, ken dumngegakto laeng kadagiti banag a makaay-ayo iti Nailangitan nga Ama.

• Dumngegakto laeng iti musika a makaay-ayo iti Nailangitan nga Ama.

• Agsapulakto kadagiti nasayaat a gagayyem ken tratuek iti kinaimbag dagiti dadduma.

• Agbiagak itan tapno agbalin a maikari a mapan iti templo ket aramidek ti pasetko a maaddaan iti agnanayon a pamilia.