Te Ke Muimui Fēfē Nai kia Sīsū?

Naʻe ako mo tupulaki ʻa Sīsū ʻi he taimi naʻá Ne taʻu tatau ai mo koé. ʻOkú ke ako mo tupulaki foki mo koe. ʻOku pehē ʻe he folofolá:

Fakalaumālié

“ʻOfeina ʻe he ʻOtuá”

Fakahā ki he Tamai Hēvaní ʻokú ke ʻofa ʻiate Ia. ‘E lava ke ke ako fekauʻaki mo Ia, lotu, lau folofola, mo fili ki he totonú.

Fakasōsiale

“ʻOfeina ʻe he … tangatá”

Tokoni ki he kakai ʻoku mou feohí. ʻE lava ke ke ʻofa ki ho fāmilí, ako ke ʻofa mo tokoniʻi e niʻihi kehé, pea mo fakakaungāmeʻa.

Fakatuʻasino

“Tupu lahí”

Tokangaʻi ho sinó mo e ngaahi meʻa ʻi ho ʻātakaí. Te ke lava ʻo kai ha meʻatokoni fakatupu moʻui lelei, ngāue mo vaʻinga, pea tokangaʻi homou ʻapí.

Fakaʻatamai

“Poto”

Ako ha ngaahi meʻa foʻou, pea fakaʻaongaʻi ʻa e meʻa ʻokú ke akó ke tokoniʻi e niʻihi kehé. ʻE lava ke ke ako pē ʻi ʻapi, ʻapi siasi, mo e ʻapiakó.