« ប្អូនៗគឺជាបុត្រដ៏មានតម្លៃរបស់ព្រះ » ការអភិវឌ្ឍផ្ទាល់ខ្លួន៖សៀវភៅណែនាំកុមារ
« ប្អូនៗគឺជាបុត្រដ៏មានតម្លៃរបស់ព្រះ » ការអភិវឌ្ឍផ្ទាល់ខ្លួន ៖ សៀវភៅណែនាំកុមារ
ប្អូនៗគឺជាបុត្រដ៏មានតម្លៃរបស់ព្រះ
ប្អូនៗធ្លាប់រស់នៅជាមួយព្រះវរបិតាសួគ៌ ទ្រង់ជ្រាបដឹងគ្រប់យ៉ាង ហើយស្រឡាញ់ប្អូនៗគ្រប់គ្នា ។ ទ្រង់ចង់ឲ្យប្អូនៗប្រែក្លាយដូចជាទ្រង់ ! ទ្រង់ប្រទានរូបកាយ សមត្ថភាព និងអំណោយទានខាងវិញ្ញាណដល់ប្អូនៗ ។ ទ្រង់ចង់ឲ្យប្អូនៗ និងបុត្រាបុត្រីទាំងអស់របស់ទ្រង់ អាចរកឃើញ និងអភិវឌ្ឍអំណោយទានទាំងនេះ ។ ទ្រង់ប្រទានផែនការមួយដល់យើង ដើម្បីជួយឲ្យយើងរីករាយ និងប្រទានពរដល់អ្នកដទៃ ។
ប្អូនៗមកលើផែនដីនេះពីស្ថានសួគ៏ ។ ប្អូនៗគឺជាចំណែកមួយនៃគ្រួសារ ។
ប្អូនៗចុះសេចក្តីសញ្ញាដើម្បីធ្វើតាមព្រះយេស៊ូវ គ្រីស្ទ នៅពេលដែលប្អូនៗទទួលពិធីបុណ្យជ្រមុជទឹក និងនៅពេលប្អូនៗទទួលទានសាក្រាម៉ង់។
ពេលប្អូនៗទទួលពិធីបញ្ជាក់ នោះប្អូនៗក៏បានទទួលអំណោយទាននៃព្រះវិញ្ញាណបរិសុទ្ធដើម្បីដឹកនាំប្អូនៗ ។
ប្អូនៗអាចស្វែងរកសេចក្តីអំណរ និងភាពសុខសាន្ដនៅពេលប្អូនៗជ្រើសរើសរស់នៅដូចព្រះយេស៊ូវនឹងធ្វើ ។
ប្អូនៗអាចរៀនសូត្រ និងលូតលាស់ ។ ប្អូនៗអាចស្រឡាញ់ និងបម្រើដល់មនុស្សដទៃ ដូចព្រះយេស៊ូវ គ្រីស្ទនឹងធ្វើ ។
ព្រះវបិតាសួគ៌បានបញ្ជូនព្រះរាជបុត្រារបស់ទ្រង់គឺព្រះយេស៊ូវគ្រីស្ទ ដើម្បីធ្វើជាគំរូ និងអាចធ្វើឲ្យប្អូនៗ ប្រែចិត្ត និងផ្លាស់ប្តូរ ។
ប្អូនៗអាចចុះសេចក្តីសញ្ញានៅក្នុងព្រះវិហារបរិសុទ្ធ ដែលនឹងអាចជួយអ្នកឲ្យរស់នៅជាមួយព្រះវរបិតាសួគ៌ម្តងទៀត ។