Mau mana’o nō te tupura’a i te rahi i roto i te mau tuha’a ato’a o te orara’a

’Ua rau te mau rāve’a e nehenehe ’oe e tupu i te rahi i roto i tō ’oe orara’a ! ’A hi’o i te mau mana’o i ni’a i te mau ’api i muri nei, ’aore rā ’a tu’u mai i tō ’oe iho mau mana’o. E ani i te Metua i te Ao ra e tauturu ia ’oe ’ia ’ite e aha tei tītauhia ia ’oe ’ia ’ohipa i teienei.

E ’ite mai ’oe i te tahi atu ā mau mana’o i ni’a ChildrenandYouth.ChurchofJesusChrist.org ’e i roto i te fa’anahora’a Gospel Living.

Pae vārua

• ’A pure ma te ʼāʼau hinaʼaro mau.

• ’A tuatāpapa i te mau pāpa’ira’a mo’a ’e te mau parau a te mau peropheta ora.

• Hi’o mai i te mau rāve’a nō te fa’a’ite i te ’evanelia.

• ’Ite mai ’e fa’ahotu i tō ’oe mau hōro’a pae vārua.

• Fa’aineine nō tō ’oe ha’amaita’ira’a patereareha.

• Fāri’i ma te ti’amā ’e ’ia mau i te hō’ē parau fa’ati’a nō te hiero.

• Rave i tō ’oe ’ā’amu ’utuāfare ’e e tāvini i roto i te hiero.

• Fa’a’ite tāmau i tō ’oe māuruuru rahi.

• Ha’apa’o hope atu ā i te hō’ē fa’auera’a.

• Tuatāpapa i te orara’a o te Mesia.

• Rave ma te ti’amā i te ’ōro’a mo’a i te mau hepetoma ato’a.

• Haere i te séminaire.

Pae tōtiare

• Ha’apa’o rahi atu ā i te mau hina’aro o vetahi ’ē.

• Ha’api’i ’ia fa’aro’o maita’i ’e ’ia fa’a’ite pāpū i tō ’oe mana’o.

• Here ’e tāvini i te mau ta’ata ’ati a’e ia ’oe.

• Fa’ata’a i te tahi taime ’e tō ’oe ’utuāfare.

• Fa’aineine nō te riro ’ei hoa fa’aipoipo ’e ’ei metua.

• Fa’ahotu i te fa’a’oroma’i—te ’aravihi nō te fa’atano ’e nō te tāpe’a noa ’ia riro ana’e te mau ’ohipa e mea pa’ari.

• Fa’aō atu i roto i te mau fa’a’oa’oara’a a te fare ha’api’ira’a ’aore rā a te ’oire.

• ’Imi i te mau rāve’a nō te ’atu’atu i te feiā veve.

• Ha’api’i mai i te tātarahapa i mua i te ta’ata. Ha’api’i mai i te fa’a’ore i te hapa.

• Parau ’e ’a rave ma te marū ’e ’a ’ape i te fa’a’ino i te ta’ata.

Pae tino

• Ha’amaita’i i tō ’oe ea ’e tō ’oe pūai pae tino.

• Ha’api’i mai ’aore rā ha’amaita’i i roto i te hō’ē ’aravihi pae tino, mai te tū’aro, te ’ori ’aore rā te mau ’ohipara’a i rāpae.

• Ha’api’i mai ’aore rā ha’amaita’i i roto i te hō’ē ’aravihi anoihi ’aore rā rima’ī.

• Fa’atere i te mau hina’aro pae tino ma te rāve’a mā.

• Ha’api’i mai i te mau rāve’a nō te pāruru ia ’oe i te hāmani-’ino-ra’a, ’e ’ia ’imi i te tauturu mai te mea e hina’arohia.

• ’Ape i te hōho’a faufau.

• ’Imi mai i te mau rāve’a maita’i nō te ha’apa’o maita’i i te ’āehuehu ’e te urupu’upu’u.

• Ha’api’i mai nāhea i te ha’apa’o i te mau tamari’i.

• Fa’a’ohipa i te aupuruāea [hygiene] maita’i.

• Ha’api’i mai i te fa’a’ohipa ma te pāruru i te mau mauiha’a nō te ’ohipa i roto i te āua ’e i roto i te fare.

• Ha’api’i mai i te ’aravihi nō te tauturu rū ’e nō te ora i roto i te nātura.

• Fa’a’ohipa i te paraura’a i te parau tano, ’e ’eiaha e parau tapu.

Pae ferurira’a

• Ha’amaita’i i tō ’oe ’aravihi nō te tai’o ’e nō te pāpa’i.

• Fa’ahotu i te mau peu maita’i nō te tuatāpapa.

• ’A ’ite mai e aha te tītauhia ia ’outou nō te fāna’o i te hō’ē ’ohipa maita’i, ’e e ha’amata i te ’ohipa nō te reira fā.

• Ha’api’i rahi mai atu ā nō ni’a i te hō’ē mea tā ’oe e ’ana’anatae nei.

• Paraparau i te ta’ata tā ’oe e fa’ahiahia nei nō te ’ite mai nāhea rātou i te fa’ahotura’a i te mau huru maitai tā ’oe i hina’aro e ’āpī mai.

• Ha’api’i mai nāhea i te fa’atere i te faufa’a moni, ma te pa’ari.

• Tuatāpapa hōhonu i te hō’ē tumu parau nō te ’evanelia.

• Ha’api’i mai i te ’aravihi ’ohipa tā ’oe e nehenehe e fa’a’ohipa i teienei ’e i muri iho ato’a.

• Haere i te mau ’āru’i ta’ere.

• Ha’api’i mai i te tahi atu reo.

• Fa’arahi i te fa’arava’ira’a ia ’oe iho.

• Ha’api’i mai ’e fa’a’ohipa i te mau parau tumu nō te ha’avīra’a ia ’oe iho.