E ti’a ia ’oe ’ia pe’e i te Fa’aora

pae vārua, pae tōtiare, pae ferurira’a, pae tino

« Tupu atu ra Iesu i te rahi ’e te pa’ari, ’e te herehia mai e te Atua ’e te ta’ata ato’a ».

Luka 2:52

’Ua hina’aro te Metua i te Ao ra i tāna mau tamari’i ’ia ha’api’i mai ’e ’ia tupu i te rahi. ’Ua tono mai ’oia i tāna tamaiti, ia Iesu Mesia, ’ia riro ’ei hi’ora’a maita’i roa nō tātou pā’āto’a i roto i te mau mea ato’a.

Pae vārua

’Ua tupu Iesu ma « te herehia mai e te Atua ». E ti’a ia ’oe ’ia tupu i te rahi i te pae vārua nā roto i te fa’a’itera’a i tō ’oe here i te Atua ’e tō ’oe hina’aro e ora i te ’evanelia.

Pae tōtiare

’Ua tupu Iesu ma « te herehia… e te ta’ata ato’a ». E ti’a ia ’oe ’ia tupu i te rahi i te pae tōtiare nā roto i te fa’a’itera’a i te here i te mau ta’ata ato’a.

Pae tino

’Ua tupu Iesu « i te rahi ». E ti’a ia ’oe ’ia ha’api’i mai i te rave i te ’ohipa ’e ’ia ’atu’atu maita’i i tō ’oe tino, tō ’oe ea pae ferurira’a ’e tae noa atu i te mau poietera’a a te Atua.

Pae ferurira’a

’Ua tupu Iesu i te « pa’ari ». E ti’a ia ’oe ’ia tuatāpapa i te fare ha’api’ira’a, ’ia ha’api’i mai i te ’aravihi ’āpī ’e ’ia ha’amaita’i i tā ’oe mau tārēni.