« E tamari’i faufa’a rahi ’oe nā te Atua », Fa’ahotura’a i te ta’ata iho : Buka arata’i nā te feiā ’āpī (2019)
« E tamari’i faufa’a rahi ’oe nā te Atua », Fa’ahotura’a i te ta’ata iho : Buka arata’i nā te feiā ’āpī
E tamari’i faufa’a rahi ’oe nā te Atua
’Ua poiete te Metua i te Ao ra ’e Iesu Mesia i te mau mea ato’a, ’ua ’ite i te mau mea ato’a ’e ’ua upo’oti’a i ni’a i te mau mea ato’a. ’E ’ua hina’aro rāua ’ia riro ’oe mai ia rāua ra te huru ! ’A rave ai ’oe i te mau fafaura’a ’e ’a pe’e ai ’oe i te fa’anahora’a a te Atua, e ti’a ia ’oe ’ia fa’a’ohipa i tō ’oe mau hōro’a hō’ē roa nō te tupu i te rahi ’e nō te tāvini ia vetahi ’ē.
’Ua haere mai ’oe i ni’a i te fenua nei mai te ra’i mai. E tuha’a ’oe nō te hō’ē ’utuāfare.
E fafau ’oe ’ia pe’e ia Iesu Mesia i te taime e bāpetizohia ai ’oe ’e i te taime e rave ai ’oe i te ’ōro’a mo’a.
I te taime e ha’amauhia ai ’oe, e fāri’i ’oe i te hōro’a o te Vārua Maita’i nō te arata’i ia ’oe.
E ti’a ia ’oe ’ia ’āmui atu i roto i te ’ohipa a te Atua ’e ’ia tāvini i roto i te ’Ēkālesia i raro a’e i te mana fa’atere o te mau tāviri autahu’ara’a.
E ti’a ia ’oe ’ia ha’api’i mai ’e ’ia tupu i te rahi ’a tuatāpapa ai ’oe, ’a ora ai ’e ’a fa’a’ite ai i te ’evanelia.
E nehenehe ’oe e ’ite mai i te ’oa’oa ’ia here ’e ’ia tāvini ia vetahi ’ē mai tā Iesu e nā reira.
’Ua tono mai te Metua i te Ao ra i tāna tamaiti, ia Iesu Mesia, nō te riro ’ei hi’ora’a maita’i roa ’e ’ia ti’a ia ’oe ’ia tātarahapa ’e ’ia taui.
I roto i te hiero, e ti’a ia ’oe ’ia tāvini ’e ’ia rave i te mau fafaura’a ’o tē fa’atū’ati i te mau tamari’i a te Atua e a muri noa atu.