Ngaahi Fakakaukau ki he Tupulaki ʻi he Ngaahi Tapa Kotoa ʻo e Moʻuí

ʻOku ʻi ai ha ngaahi founga kehekehe te ke lava ʻo tupulaki ai ʻi hoʻo moʻuí! Maʻu ha ngaahi fakakaukau mei he ngaahi peesi hoko maí, pe ko haʻo fakakaukau pē ʻaʻau. Kole ki he Tamai Hēvaní ke tokoni atu ke ke ʻiloʻi ʻa e meʻa ʻoku fie maʻu ke ke ngāue ki ai ʻi he taimí ní.

Te ke lava ʻo maʻu ha toe ngaahi fakakaukau ʻi he ChildrenandYouth.ChurchofJesusChrist.org mo e Gospel Living app.

Fakalaumālie

• Lotu fakamaatoato.

• Ako e ngaahi folofolá mo e ngaahi lea ʻa e kau palōfita moʻuí.

• Kumi ki ha ngaahi faingamālie ke vahevahe ai ʻa e ongoongoleleí.

• ʻIloʻi pea fakatupulaki hoʻo ngaahi meʻafoaki fakalaumālié.

• Teuteu ki ho tāpuaki fakapēteliaké.

• Moʻui taau ke maʻu pea tauhi ha lekomeni temipale.

• Ngāue ki hoʻo hisitōlia fakafāmilí pea tokoni ʻi he ngāue temipalé.

• Fakahaaʻi fakaʻaho hoʻo houngaʻiá.

• Tauhi kakato ange ha foʻi fekau.

• Ako ki he moʻui ʻa Kalaisí.

• Moʻui taau ke maʻu ʻa e sakalamēnití ʻi he uike kotoa pē.

• Kau ki he seminelí!

Fakasōsiale

• Tokanga lahi ange ki he ngaahi fie maʻu ʻa e niʻihi kehé.

• Ako ke fakafanongo lelei pea fakahaaʻi mahino e ngaahi fakakaukaú.

• ʻOfa pea tokoni ki he kakai ʻoku mou feohí.

• Tuku ha taimi [ke feohi ai] mo e fāmilí.

• Mateuteu ke hoko ko ha hoa mali mo ha mātuʻa.

• Fakatupulaki e loto vilitakí—ʻa e malava ko ia ke liliu pea kātaki ʻi he taimi ʻoku lahi ange ai e ngaahi faingataʻá.

• Kau ki he ngaahi ʻekitivitī ʻa e akó pe ko e koló.

• Kumi ha ngaahi founga ke tokangaʻi ai e masivá.

• Ako ke kole fakamolemole. Ako ke fakamolemoleʻi.

• Lea pea ʻulungaanga lelei, pea fakaʻehiʻehi mei he ngutu laú.

Fakaesino

• Fakalakalaka ʻi hoʻo moʻui lelei fakaesinó mo fakaiví.

• Ako pe fakalakalaka ʻi ha taukei fakaesino, hangē ko e sipotí, hulohulá, pe ngaahi ʻekitivitī ki tuʻá.

• Ako pe fakalakalaka ʻi ha taukei fakaʻaati pe fakameaʻa.

• Mapuleʻi e ngaahi holi fakaesinó ʻi ha founga ʻoku moʻui lelei.

• Ako e ngaahi founga ke maluʻi ai koe mei he ngaohikoviá pea fekumi ki ha tokoni ʻo ka fie maʻu.

• Fakaʻehiʻehi mei he ponokalafí.

• Kumi ha ngaahi founga moʻui lelei ke mapuleʻi ʻaki hoʻo ngaahi ongo fakaelotó mo e loto hohaʻá.

• Ako ke tokangaʻi ha fānau.

• Ako e moʻui fakamaʻá.

• Ako ke ngāue ʻaki ʻi ha founga malu ʻa e ngaahi meʻa ngāue ki he ngoué mo e ngaahi meʻa ngāue fakaʻapí.

• Ako ki hono [ngāue ʻaki] ʻo e ʻuluaki tokoni fakafaitoʻó mo e ngaahi taukei moʻui ʻi tuʻá.

• Fakaʻaongaʻi ha lea lelei pea ʻoua ʻe kapekape.

Fakaeʻatamaí

• Fakatupulaki hoʻo pōtoʻi laukongá mo e tohí.

• Langaki ha ngaahi tōʻonga ako lelei.

• Kumi ki he meʻa ʻoku fie maʻu ke ke fai ke maʻu ha ngāue lelei, pea kamata ngāue leva ki he taumuʻa ko iá.

• Ako lahi ange ki ha meʻa ʻokú ke manako ki ai.

• Talanoa ki he kakai ʻokú ke saiʻia aí ke ʻilo ki he founga naʻa nau fakatupulaki ai e ngaahi ʻulungaanga ʻokú ke loto ke maʻú.

• Ako e founga ki hono fakapotopotoʻi ʻo e paʻangá.

• Ako fakaʻauliliki ki ha foʻi kaveinga ʻo e ongoongoleleí.

• Ako ha ngaahi pōtoʻi ngāue te ke lava ke fakaʻaongaʻi he taimí ni pe ko ʻa mui ange.

• ʻAlu ki ha ngaahi meʻa fakafonua.

• Ako ha lea fakafonua kehe.

• Moʻui fakafalala ange kiate kita pē.

• Ako pea moʻui ʻaki e ngaahi tefitoʻi moʻoni ʻo e mapuleʻi kitá.