“Ko ha Fānau Mahuʻinga Koe ʻa e ʻOtuá,” Fakalakalaka Fakataautaha: Tohi Fakahinohino ʻa e Toʻu Tupú (2019)

“Ko ha Fānau Mahuʻinga Koe ʻa e ʻOtuá,” Fakalakalaka Fakataautahá: Tohi Fakahinohino ʻa e Toʻu Tupú

Ko ha Fānau Mahuʻinga Koe ʻa e ʻOtuá

Naʻe fakatupu ʻe he Tamai Hēvaní mo Sīsū Kalaisi ʻa e meʻa kotoa pē, ʻafioʻi ʻa e meʻa kotoa pē pea ikunaʻi ʻa e ngaahi meʻa kotoa pē. Pea ʻokú Na finangalo ke ke hangē pe ko Kinauá! ʻI hoʻo fakahoko e ngaahi fuakavá pea muimui ki he palani ʻa e ʻOtuá, te ke lava ʻo fakaʻaongaʻi hoʻo ngaahi meʻafoaki makehé ke fakatupulaki mo tokoniʻi e niʻihi kehé.

ngaahi laumālie ʻi he langí — Naʻá ke haʻu ki māmani mei he langí. Ko e konga koe ʻo ha fāmili.

tokotaha ʻoku papitaiso — ʻOkú ke fuakava ke muimui ʻia Sīsū Kalaisi ʻi he taimi ʻokú ke papitaiso aí mo e taimi ʻokú ke maʻu sakalamēniti aí.

tokotaha ʻoku hilifakinimaʻi — ʻI he taimi ʻoku hilifakinimaʻi ai koé, ʻokú ke maʻu ʻa e meʻafoaki ʻo e Laumālie Māʻoniʻoní ke tākiekina koe.

fakanofo ki he lakanga fakataulaʻeiki — ʻE lava ke ke kau ki he ngāue ʻa e ʻOtuá pea ngāue ʻi he Siasí ʻo fakamalumalu ʻi he mafai ʻo e ngaahi kī ʻo e lakanga fakataulaʻeikí.

kakai ʻi tuʻa ʻi he falelotú — Te ke lava ʻo ako pea tupulaki ʻi hoʻo ako, moʻui ʻaki mo vahevahe ʻa e ongoongoleleí.

kakai ʻoku [nau] fakahoko ha ngaahi ʻekitivitī — Te ke lava ʻo maʻu ha fiefia ʻi hoʻo ʻofa mo tokoni ki he niʻihi kehé ʻo hangē ko Sīsuú.

Akoʻi ʻe Sīsū ʻa e kakaí — Naʻe ʻomi ʻe he Tamai Hēvaní Hono ʻAlo, ko Sīsū Kalaisí, ke hoko ko e faʻifaʻitakiʻanga haohaoa ʻo e ngāue tokoní pea malava ai ke ke fakatomala pea liliu.

kakai ʻi tuʻa ʻi he temipalé — Te ke lava ʻo ngāue pea fai ha ngaahi fuakava ʻi he temipalé ʻe fakafehokotaki ai e fānau ʻa e ʻOtuá ʻo taʻengata.