ʻE Lava Ke Ke muimui ʻi he Fakamoʻuí

fakalaumālie, fakasōsiale, fakaeʻatamai, fakaesino

“Pea tupulaki ʻa e potó ʻia Sīsū mo e lahí, pea naʻe ʻofeina ia ʻe he ʻOtuá mo e tangatá.”

Luke 2:52

‘Oku finangalo ʻa e Tamai Hēvaní ke ako mo tupulaki ʻEne fānaú. Naʻá Ne fekauʻi mai Hono ʻAlo, ko Sīsū Kalaisí, ke hoko ko e faʻifaʻitakiʻanga haohaoa kiate kitautolu ʻi he tapa kotoa pē.

Fakalaumālie

Ne tupulaki ʻa Sīsū ʻi hono “ʻofeina ʻe he ʻOtuá.” ʻE lava ke ke tupulaki fakalaumālie ʻaki hono fakahaaʻi hoʻo ʻofa ki he ʻOtuá mo hoʻo vilitaki ke moʻui ʻaki e ongoongoleleí.

Fakasōsiale

Naʻe tupulaki ʻa Sīsū ʻi hono “ʻofeina ʻe he … tangatá.” Te ke lava ʻo tupulaki fakasōsiale ʻi hoʻo fakahaaʻi hoʻo ʻofa ki he kakai kotoa pē.

Fakaesino

Naʻe tupulaki ʻa Sīsū ʻi he “lahi [fakaesino].” Te ke lava ʻo ako ke ngāue pea tokangaʻi ho sinó, moʻui lelei fakaʻatamaí mo e ngaahi fakatupu ʻa e ʻOtuá.

Fakaeʻatamaí

Naʻe tupulaki ʻa Sīsū ʻi he “poto.” Te ke lava ʻo ako ʻi he akoʻangá, ako ha ngaahi pōtoʻi ngāue foʻou, pea fakatupupaki ho ngaahi talēnití.