toʻu tupu mei he ngaahi ʻulungaanga fakafonua kehekehe

ʻOku ʻi ai Haʻo Taumuʻa

ʻOku ʻafioʻi koe ʻe hoʻo Tamai Hēvaní mo Hono ʻAlo ko Sīsū Kalaisí mo ʻofa ʻiate koe. Ko ha konga mahuʻinga koe ʻo ʻEna ngāué, pea ʻe lava ke ke fai ha ngāue māʻongoʻonga ʻi he māmaní.

Kuo foaki kiate koe ʻe he Tamai Hēvaní ha ngaahi talēniti mo ha ngaahi meʻafoaki fakalaumālie. Te ke lava ʻo fekumi ki ha fakahā ke ʻilo ki ha founga ke fakatupulaki ai ho ngaahi talēnití, pea hoko ʻo hangē ko Sīsū Kalaisí pea ngaohi koe, kakai kehé, mo e māmaní foki ke toe lelei ange.

ʻOku ʻomi ʻe he tohi fakahinohino fakalakalaka fakataautaha ko ʻení ha ngaahi tefitoʻi moʻoni mo ha ngaahi meʻangāue ke ke fakaʻaongaʻi ʻi hoʻo feinga ke fakatupulaki e ngaahi meʻafoakí mo muimui ʻia Sīsū Kalaisi.