Iralaud 3

Luhk en Pepdaisla oh Ale Kisakis en Ngehn Sarawi

Kohdo iangala Sapwellimen Koht, sang Walter Rane

Poahsoan en Padahk

Kitail koaros wia seri en Sahm Nanleng. Kitail kodohr sampah pwehn ahniki ansou mwahu en esehla, keirda, oh duwehla Ih pwe kitail en kak pwurala Reh (kilang Moses 1:39). Kitail sohte kak duwehla Ih de pwurala Reh ma sohte sawas sang nanleng. Samatail Nanleng kadarodo Sapwellime Iehros, Sises Krais, pwehn wia tomwo ohng kitail oh kamweidpeseng selin mehla (kilang 3 Nihpai 27:13–22).

Kitail alehdi mweimwei en alehdi Sapwellimen Krais manaman soutuko sang ni doadoahngki atail pwoson Ih ni koluhla, pepdaisla, alehda kisakis en Ngehn Sarawi sang ni kepwilpwildien peh kan pohn moange, oh dadaurete lel imwi. Kolokol inou en pepdais wia dake keieu en ehuiong Koht pwe Ngehn Sarawi en kak kamwekelehda, kakehlailih, oh wekid kitailla ohng ni me mwahu. Pepehm en wekidekla sarawi wet kahdaniki ipwsapahl. (Kilang 2 Nihpai 31:7, 13–14, 20–21; Mosaia 5:1–7; 18; 27:24; 3 Nihpai 27:20; Sohn 3:5.)

Ipwsapahl tepsang ansou me kitail pepdaiski pihl oh Ngehno. Pepdais wia ehu inou sarawi en popohl oh koapworopwor. Ni atail kin pepdaisla sang ni mohngiong karakarahk oh ngehn peik, kitail tapiada mour kapw pahn sapwellimen Koht manaman oh mweimwei. Mwurin atail pepdaislahr oh kasarawilahr, kitail kak doulahte alehdi kehl sang ni warohng ale kamadipw sarawio. (Kilang 2 Nephi 31:13; Mosaia 18:7–16; Moronai 6:2; Doctrine and Covenants 20:37.)

Kihwei Luhko

Ansou me ke kehnda kaweid en Ngehno, luke aramas en pepdaisla oh kasarawihla. Met kak wiawi nan ansou en kaskuhl kan.

Padahngki padahk en pepdais oh sewese aramaso en wehwehki padahk en Krais (kilang lesen 3). Padahngki duwen kesempwal oh popohl en inou en pepdais, alehdi mahkpen dihp, oh alehdi kisakis en Ngehn Sarawi sang ni kepwipwilidien peh kan pohn moange.

Kaunopohng aramaso luhk en pepdais sang ni ahmw pahn sewese irail en wehwehki dahme ke padahkihong oh inou me re pahn wiahda. Inou en pepdais iei me irekidi pah kan:

• Inengieng aledahng kitail mwaren Sises Krais.

• Kolokolete kosonned en Koht akan.

• papah Koht oh mehteikan.

• Dadaurete lel imwi. (Kilang lesen 4.)

Ke kak pil ehukiwei dahme mihmi pah:

“Ni ansou me kitail pepdaisla, kitail ‘kadehdehda mwohn [Koht] me [kitail] wiadahr ehu inou reh, me [kitail] pahn papah ih oh kapwaiada sapwellime kosonned kan.’ Ni atail wiahda inou wet, E inouki me E pahn ‘kamwerehdiong sapwellime Ngehno [pohtail]’ (Mosaia 18:10).”

Ahmw luhk en pepdaiso pahn anahne sansal oh inen. Ke kak inda:

“Ke pahn kak idawehn karasaras en Sises Krais sang ni ahmw pahn pepdaisla rehn emen me kolokol mweimwei en wia doadoahk sarawi wet? Se pahn seweseiuk en kaunopohng pepdais. Se kamehlele me ke pahn kak onopada ni [ansou]. Ke pahn kak kaunopohng ken pepdais rahno?”

Luhk koaros me ke wia, inoukiong aramas akan kapai laud me re pahn ale sang ni arail pahn kapawaida luhk en pepdaisla oh kolokol inou kan me patehng. Ehukihwei ahmw kadehdeh me pid kapai pwukat.

Padahngki me pepdais oh ale kisakis en Ngehn Sarawi kaidehn imwilahn doadoahko. Ahpw, re wia tepdahn ahl en weliakapw me kin wahdo koapworopwor, popohl, oh manaman en Koht unsek nan mour en aramas emen (kilang Mosaia 27:25–26). Mwurin aramaso ah pepdais oh ale kisakis en Ngehn Sarawi, irail kak uhd idawehn kaweid en Ngehno sang arail pahn keirda nan ahl en inouo.

Ma kak, luke irail me ke padpadahkohng kan en kohdo iang patehng ehu pepdais oh iang sarawi pwehn kilang emen ah pahn ale kisakis en Ngehn Sarawi.

Madamadau kan en Luhkohng ohng Pepdaisla

Medewe wadek iren pwuhk sarawi me pid en Sises pepdaiso (kilang Madiu 3:13–17). Ke pil kak kasalehda kasdohn nan Paipel me pid pepdais en Sounkomouro de kasdohn nan Pwuken Mormon me pid tohnpadahk en Sounkomouro arail wiwia doadoahk en pepdaiso.

Ke pil kak wadek ire sang Nihpai me pid duwen en Sises pepdaiso (kilang 2 Nihpai 31:4–12). Wadwadek ire me pid duwen en Sises Krais pepdaiso kak kakehlaka irail me rongorong.

Onopiki Pwuhk Sarawi

Onopiki iren pwuhk sarawi me mih pah.

• 2 Nihpai 31:4–12

• Moronai 6

• Doctrine and Covenants 20:37; 22

• Madiu 3:13–17

Intingihdi oaralap en dahme ke esehla.

Kaweid en Padahk

Sahm Nanleng kakete kapaiada aramas akan me ke diarada sang ni kaunopada en palingehn Kahk me re wiahier kakehr kaunop irailda en wiahda inou kan ohng Koht sang ni pepdaisla nan Mwomwohdiso en Sises Krais en Souleng en Imwin-rahn Akan.