Поглавје 3: Лекција 1

Пораката за Обновувањето на Евангелието на Исус Христос

Луѓето можеби се прашуваат

• Дали Бог постои?

• Како можам да се чувствувам поблиску до Бога?

• Како можам да ја знам вистината во денешниот конфузен свет?

• Како може религијата да ми помогне?

• Зошто има толку многу цркви?

• Зошто имам толку многу предизвици?

• Како можам да најдам мир во турбулентни времиња?

• Како можам да бидам посреќен/на?

• Како може еден пророк да му помогне на светот денес?

Од почетокот на светот, Бог им го открива евангелието на Своите чеда преку пророците. Го направи тоа преку Неговиот Син, Исус Христос. Уште од стари времиња, Исус им го открил евангелието на пророците како Адам, Ное, Авраам и Мојсеј. Но многу луѓе го отфрлиле.

Пред две илјади години, Исус Христос лично го поучувал евангелието и ја воспоставил Неговата Црква. Луѓето дури и го отфрлиле Исус. Набргу по Неговата смрт, дошло до широкораспространето отпаѓање од Господовата вистина и Црква. Полнотата на евангелието и овластеното свештенство повеќе не постоеле на земјата.

Векови подоцна, Бог повика друг пророк, Џозеф Смит. Бог ја обнови полнотата на евангелието преку него и го овласти повторно да ја организира Црквата на Исус Христос.

Еден од најголемите благослови на нашето време е постоењето на полнотата на евангелието на Исус Христос на земјата. Евангелието ни помага да одговориме на најтешките прашања во животот. Живите пророци нѐ водат низ тешки времиња. Од Бога овластеното свештенство е повторно на земјата за да ги благослови Неговите чеда.

Предлози за Подучување

Овој дел дава пример за краток преглед кој ќе ви помогне да се подготвите за час. Тој вклучува и предлог прашања и покани што може да ги користите.

Додека се подготвувате за предавање, побожно размислете за духовните потреби и ситуацијата на секое лице. Одлучете што ќе биде најполезно да се учи. Подгответе се за да ги дефинирате зборовите што луѓето можеби не ги разбираат. Планираjте во согласност со времето што го имате, не заборавајќи лекциите да бидат кратки.

Изберете кои стихови ќе ги користите додека поучувате. Делот „Доктринарна Основа“ од лекцијата вклучува многу корсни стихови.

Размислете кои прашања да ги поставите за време на часот. Испланирајте кои покани да ги упатите што ќе го охрабрат секој човек да дејствува.

Нагласете ги ветените Божји благослови, и споделете го вашето сведоштво за предаваното.

Што би Можеле да ги Научите Луѓето за 15-25 Минути

Изберете едно или повеќе од следните начела за подучување. Доктринарната основа за секое начело е обезбедена по овој преглед.

Бог е нашиот Возљубен Небесен Отец

• Бог е нашиот Небесен Отец, а ние сме Неговите чеда. Нѐ создаде според Својот лик.

• Бог нѐ познава лично и нѐ сака.

• Има прославено, совршено тело од месо и коски.

• Тој сака да нѐ благослови со мир и (свесност за неговата постојана присутност во нас) целосна радост што ќе траат вечно.

• Поради тоа што нѐ сака, Тој го испрати Својот Син, Исус Христос, да нѐ искупи од грев и смрт.

Бог го открива Евангелието преку Пророци во секоја евангелска Епоха

• Бог повикува пророци за да бидат негови претставници на земјата.

• Во античко време, Бог ги повикал пророците како Адам, Ное, Авраам и Мојсеј.

• Еден жив пророк добива откровение од Бога за да нѐ поучува и да нѐ води денес.

Земната служба и Помирувањето на Исус Христос

• Исус Христос е Божјиот Син.

• За време на Неговата земна служба, Исус го поучува Неговото евангелие и ја Воспоставува неговата Црква.

• Исус повикал Дванаесет Апостоли и им дал овластување да ја водат Неговата Црква.

• На крај од Неговиот живот, Исус се помирил за нашите гревови преку Неговото страдање во Гетсеманската Градина и за време на Распнувањето. По Исусовата смрт, Тој бил распнат.

• Поради Исусовата помирувачка жртва, може да ни е простено и да бидеме исчистени од нашите гревови кога се каеме. Ова ни носи мир и ни овозможува да се вратиме во Божјо присуство и да добиеме потполна радост.

• Поради Исусовото Воскресение, сите ние ќе бидеме воскреснати по нашата смрт Ова значи дека духот и телото на секој човек ќе бидат обединети и ќе живеат засекогаш.

Отпаѓањето (од Христијанството)

• По смртта на Исусовите Апостоли, имаше широко распространето отпаѓање од евангелието и Црквата на Исус Христос.

• За ова време, народот смени многу евнгелски учења. Луѓето, исто така, ги менувале и свештенските обреди, како што е крштевањето. Овластеното Свештенство и Црквата што Исус ја воспостави не биле присутни на земјата.

Обновувањето на Евангелието на Исус Христос преку Џозеф Смит

• Џозеф Смит настојувал да знае која црква била Божјата вистинска Црква за да може да се приклучи. Небесниот Отец и Исус Христос му се појавиле во 1820 година. Овој настан е наречен Првата Визија.

• Бог го повикал Џозеф Смит да биде пророк, исто како што ги повикал пророците во поранешните времиња.

• Евангелието на Исус Христос беше обновено преку Џозеф Смит

• Други небесни гласници го обновиле свештенството, и Џозеф бил овластен да ја организира Црквата на Исус Христос.

• Исус Христос продолжува да ја води Неговата Црква и денес преку живите пророци и апостоли.

Книгата на Мормон: Уште едно сведоштво за Исус Христос

• Книгата на Мормон е том стихови напишани во древни времиња од пророците во американските земји. Џозеф Смит ја превел со дарот и моќта Божја.

• Заедно со Библијата, Книгата на Мормон дава сведоштво за Исусовата служба, учењата и мисијата како наш Спасител.

• Можеме да бидеме поблиску до Бога со читање на Книгата на Мормон и придржување кон неговите заповеди.

• Можеме да знаеме дека Книгата на Мормон е Божјото слово со читање, размислување и молење во врска со неа. Овој процес исто така ќе ни помогне да спознаеме дека Џозеф Смит бил пророк.

Молете се да ја дознаете вистината преку Светиот Дух

• Молитвата е двонасочна комуникација помеѓу Бог и Неговите чеда.

• Преку искрена молитва, можеме да знаеме дека пораката за Обновувањето на евангелието на Исус Христос е вистина.

• Додека се молиме, Светиот дух нѐ поучува и ни потврдува вистина.

Прашања кои Можете да им ги Поставите на Луѓето

Следните се предлог прашања што можете да им ги поставите на луѓето. Овие прашања може да ви помогнат да воспоставите смисловна комуникација и да ги разберете потребите и изгледите на таа личност.

• Кои се вашите верувања за Бог?

• Како би ви помогнало чувството дека се приближувате кон Бога?

• Што знаете за Исус Христос? Како Неговиот живот и учења влијаеле на вас?

• Како наоѓате веродостојни одговори во денешниот конфузен свет?

• Како би ви помогнало сознанието дека денес има жив пророк на земјата?

• Сте слушнале ли за Книгата на Мормон? Можеме ли да споделиме зошто е таа важна?

• Дали би ги споделиле со нас вашите верувања за молитвата? Можеме ли да ги споделиме нашите верувања за молитвата?

Покани што Може да ги Упатите

• Дали во молитва ќе го замолите Бог да ви помогне да знаете дека она што го учиме е вистина? (Види „Увид во Наставата: Молитва“ во последниот дел од оваа лекција.)

• Дали ќе одите во црква оваа недела за да дознаете нешто повеќе во врска со она што го учевме?

• Ќе ја читате ли Книгата на Мормон и ќе се молите ли за да дознаете дека таа е Божјото слово? (Може да предложите конкретни поглавја или стихови.)

• Дали ќе го следите примерот на Спасителот и ќе се крстите? (Види „Покана да се Биде Крстен и Потврден,“ што веднаш претходи на оваа лекција.)

• Можеме ли да одредиме време за нашата следна посета?

Доктринарна основа

Овој дел обезбедува доктрина и стихови за ваше проучување за да го подобрат вашето знаење и сведоштво за евангелието и да ви помогнат да предавате.

Бог е нашиот Возљубен Небесен Отец

Бог е нашиот Небесен Отец, а ние сме Неговите чеда. Нѐ создаде според Својот лик. Има прославено, совршено „тело од месо и коски опипливо како човечкото“ (Учења и Завети 130:22).

Бог нѐ познава лично и нѐ сака повеќе отколку што можеме да замислиме. Ги разбира нашите искушенија, таги и слабости и Тој нуди да нѐ поддржи низ нив. Се радува на нашиот напредок и ќе ни помогне да ги направиме вистинските избори. Сака да комуницира со нас, а ние можеме да комуницираме со него преку молитва.

Бог ни го даде ова искуство на земјата за да можеме да учиме, да растеме и сѐ повеќе да наликуваме на Него. Со совршена љубов, Тој сака да Му се вратиме откако ќе умреме. Сепак, не можеме да го направиме тоа сами. Поради тоа што Бог нѐ сака, го испрати Својот Син, Исус Христос, да нѐ искупи. „Зашто Бог толку го возљуби светот, што го даде Неговиот Единороден Син, … за да се спаси светот преку него“ (Јован 3:16–17).

Бог сака да нѐ благослови со мир и целосна радост што ќе траат вечно. Тој обезбеди план кој нам ни дава можност да ги добиеме овие благослови. Овој план се нарекува планот за спасение (види лекција 2).

Верување за Бога

Дознајте што личноста која ја подучувате верува за Бог. Поголемиот број луѓе веруваат во некаков вид на Возвишено Суштество (Семоќниот) иако постојат многу перцепции за Божеството. Меѓутоа, многу луѓе немаат концепт за Бог.

Двајца мисионери од Книгата на Мормон, Амон и Арон, поучувале луѓе од нехристијанско потекло. Поучувале едноставни вистини и ги повикувале луѓето да се молат. Како резултат на тоа, Ламони и неговиот татко биле преобратени. Проучете ги Алма 18:24–40 и 22:4–23. Потоа одговорете на прашањата подолу:

• Што учеа овие мисионери за природата на Бога?

• Како можете да ги следите нивните примери?

За повеќе информации, види „Поучување на Луѓе кои Немаат христијанско Потекло“ во поглавје 10.

Проучување на Светите Писма

• 1 Нефи 17:36

• Мосија 4:9

• 3 Нефи 14:9-11

• Учењата и Заветите 93:29; 130:22

• Moјсеј 1:39

• Авраам 3:25

• Дела 17:27–29

• Римјаните 8:16

• Евреите 12:9

• Битие 1:26–27

Дознајте нешто повеќе за Овој Принцип

• Водич за Светите Писма: „Отец на Небесата“, „Бог, Божество“

• Евангелски теми: „Бог Отецот“

Бог го открива Евангелието преку Пророците во секоја евангелска Епоха

Пророците се Божјите Претставници на Земјата

Еден важен начин на кој Бог ни ја покажува својата љубов е преку повикување пророци, на кои им дава свештеско овластување— и ги инспирира да зборуваат за Него. Пророците се Божји претставници на земјата. Пророкот Амос од стариот завет запишал дека „Господ Бог не прави ништо, додека не им ја открие тајната своја на своите слуги пророците“ (Амос 3:7). Некои благослови кои ги добиваме од живите пророци се опишани подолу.

Сведоците на Исус Христос Пророците се посебни сведоци за Исус Христос, кои сведочат за Него како наш Спасител и Искупител.

Учења. Пророците добиваат насока од Бог да ни помагаат да ја разликуваме вистината од заблудата. Нѐ учат да се покоруваме на Божјите заповеди и да се покаеме кога на кратко ќе отпаднеме. Го осудуваат гревот и нѐ предупредуваат за неговите последици.

Учењата на Пророците нѐ издигнуваат до Бога и ни помагаат да ги добиеме благословите што Тој ги посакува за нас. Нашата најголема безбедност лежи во следењето на Господовото слово дадено преку Неговите пророци.

Свештенско Овластување Сегашниот пророк е носител на свештенство кој претседава на земјата. Свештенството е власта и моќта Божја. Пророкот има овластување да зборува и дејствува во име на Бога за спасение на Неговите чеда.

Црковна Насока. Црквата на Исус Христос е изградена врз основа на пророци и апостоли (види Ефесјаните 2:19–20; 4:11–14).

Пророците во Древни Времиња

Адам бил првиот пророк на земјата. Бог му го открил евангелието на Исус Христос на Адам и му дал свештенско овластување. Адам и Ева ги поучувале своите деца за овие вистини и ги поттикнувале да развијат вера и да го живеат евангелието.

На крај, потомството на Адам и Ева се побунило и се одвратило од евангелието. Ова води до состојба наречена отпадништво, или отпаѓање. Кога ќе се појави широкораспространето отпадништво, Бог го повлекува Неговото свештенско овластување, што е неопходно за учење и спроведување на уредбите на евангелието.

Во Стариот Завет се запишани многу случаи на широкораспространето отпаѓање. За да стави крај на овие периоди, Бог допира до Своите чеда со повикување на друг пророк. Бог повторно им ги открил вистините за евангелието на овие пророци и им дал свештенско овластување. Некои од овие пророци биле Ное, Авраам и Мојсеј. Тажно, постојано со текот на времето, луѓето на крајот ги отфрлаат пророците и отпаѓаат.

Увид во Наставата

Пророци

Дознајте што личноста која ја подучувате разбира за пророците. Луѓето во повеќето култури веруваат дека светите или вдахновените луѓе добиваат одредена форма на водство и насока од Божеството. Меѓутоа, не сите вдаховени поединци се Божји пророци.

Објаснете дека после периодот на широкорасоространето отпаѓање, Бог го обновува евангелието преку пророк. Му дава на тој пророк свештенско овластување. Пророкот им помага на луѓето да го разберат својот однос со Бога, и како да добијат вечен живот преку евангелието на Исус Христос.

Евангелски епохи

Диспензација-Евангелска Епоха на евангелието на Исус Христос е период во кој има најмалку еден овластен Господов слуга на земјата кој е носител на клучевите на свештенството. Планот за Спасение на Небесниот Отец се открива одново во секоја евангелска епоха.

Имаше многу евангелски епохи. Адам, Енох, Ное, Авраам, Мојсеј, Исус Христос, Џозеф Смит, и другите секој од нив водел некоја евангелска епоха. Евангелската епоха што започна со Џозеф Смит е позната како „диспензација на полнотата на времињата“ (Ефесјаните 1:10). Види Библиски речник, „Диспензации“, и Водич до Светите Писма, „Диспензација“.

Проучување на Светото писмо

• Јаков 4:4, 6

• Мосија 8:13–18

• Учењата и Заветите 1:37–38

• Лука 1:68–70

• Дела 10:34–43

• Ефесјаните 4:11–14

• Амос 3:7

Дознајте повеќе за Овој Принцип

• Водич за Светите Писма: „Пророк“

• Евангелски Теми: „Пророци“, „Обновувањето на Црквата“

Земната служба и Помирувањето на Исус Христос

Исус Христос е Синот Божји. Исус и Неговото Помирување се во центарот на Божјиот план за нас. Неговото Помирување го вклучува Неговото страдање, смртта на крстот и Неговто Воскресение.

Од деновите на Адам и Ева, луѓето со нетрпение го очекувале доаѓањето на Исус Христос како нивен Спасител и Искупител. Небесниот Отец го испрати Исус на земјата пред повеќе од 2000 години.

Исус живееше совршен, безгрешен живот. Го проповедал Неговото Евангелие и ја воспоставил Неговата Црква. Повикал Дванаесет Апостоли и им дал свештенско овластување за да поучуваат и да извршуваат свети обреди, како што е крштевањето. Им дал и овластување да ја водат Неговата Црква.

На крајот од Својот живот, Исус се помирил за нашите гревови преку Неговото страдање во Гетсеманската Градина и за време на Неговото Распнување Поради искупителната жртва на Исус, можеме да се исчистиме од нашите гревови додека се каеме. Ова ни овозможува да се вратиме во Божјото присуство и да добиеме потполна радост.

Откако Исус беше распнат, Тој воскресна, и извојува победа над смртта преку моќта на Небесниот Отец. Поради Исусовото Воскресение, сите ние ќе бидеме воскреснати откако ќе умреме. Ова значи дека духот и телото на секој човек ќе бидат повторно обединети и секој од нас ќе живее засекогаш во совршено, воскреснато тело. (Види „Помирувањето на Исус Христос“ во лекција 2.)

Пророкот Џозеф Смит поучи, „Основните начела на нашата религија се сведоштвото на Апостолите и Пророците во врска со Исус Христос, дека Тој умрел, бил закопан и воскреснал на третиот ден, а потоа се вознесол на Небото; а сите други работи што се однесуваат на нашата религија се само додатоци на тоа“ (Teachings of Presidents of the Church: Joseph Smith [2007], 49).

Проучување на Светото писмо

• 2 Нефи 2:6–8; 9:1–24; 31

• Алма 7:11–13; 11:40; 34:8–10

• 3 Нефи 11:31–41; 27:1–22

• Учење и Завети 19:15–19; 45:3–5

• Јован 3:16–17

• 1 Коринтјаните 15:1–4, 20–22

• 1 Јован 1:7

Дознајте нешто повеќе за Овој Принцип

• Водич за Светите Писма: „Исус Христос“, „Помири, Помирување“

• Библиски Речник: „Помирување“

• Евангелски Теми: „Исус Христос“, „Помирувањето на Исус Христос“

Отпаѓањето (од Христијанството)

По смртта на Исус Христос, Неговите Апостоли се обидувале да го зачуваат Христовото учење чисто и да го одржуваат редот во Црквата. Но, многу членови на Црквата се одвратиле од апостолите и од доктрината што Исус ја проповедал.

Откако Апостолите биле убиени, имало широкораспространето отпаѓање од евангелието и Црквата на Исус Христос. Ова отпаѓање понекогаш се нарекува Големото Отпадништво. Поради тоа, Бог го повлекол свештенското овластување од земјата. Оваа загуба го вклучува и овластувањето потребно за да се насочува Црквата. Како резултат на тоа, Црквата што Исус ја воспоставил ја немало повеќе на земјата.

За ова време, народот сменил многу евнгелски учења. Голем дел од знаењето за суштината на Небесниот Отец, Исус Христос и Светиот Дух било искривено или изгубено. Луѓето ги промениле и свештенските обреди, како што е крштевањето.

Векови подоцна, луѓето кои ја барале вистината се обиделе да ги реформираат учењата и практиките кои биле променети. Барале поголема духовна светлина, а некои од нив зборувале за потребата за обновување на вистината. Нивните сериозни обиди довеле до организација на многу цркви.

Овој период се одбележува со зголемено нагласување на потребата за религиозна слобода, која го отворила патот за обновување на вистината и овластувањето од Бога.

Пророците и апостолите го предвиделе отпаѓањето (види 2 Солуњаните 2:1–3). Тие претскажале и дека евангелието на Црквата на Исус Христос ќе биде обновено на земјата (види Дела 3:20–21). Ако немало отпаѓање, немаше ни да има потреба од обновување.

Увид во наставата: Отпаѓање

Поучувајте ги луѓето за отпаѓањето на ниво соодветно на нивните потреби и претходно знаење. Помогнете им да ја сватат потребата за Обновување на евангелието на Исус Христос.

Клучни поенти Кои Може да ги Предавате

• Повеќето луѓе го отфрлиле Исус Христос и Неговите Апостоли (види Матеј 24:9; 1 Нефи 11:32–34; 2 Нефи 27:5). По смртта на Апостолите, свештенството исчезнало од земјата. Повеќе немало овластување за крштевање или за насочување на Црквата.

• Римската империја, која на почетокот ги прогонувала Христијаните, подоцна го прифатила Христијанството. Важни религиозни прашања биле разрешени со дебата во советите наместо со откровение од Бога. Доктрината и обредите биле дебатирани и модифицирани за да се усогласат со светските филозофи. Симболите на верата, или верските изјави, беа создавани врз основа на одлуките на овие совети (види Joseph Smith—History 1:19).

• Некои луѓе се обиделе да го реформираат Христијанството исправајќи го постоечкото. Меѓутоа, поради тоа што Божјото свештенско овластување не било присутно на земјата, било потребно повторно да се воспостави Црквата на Исус Христос за обновување на овластувањето и на вистината.

Проучување на Светото писмо

• 2 Нефи 28

• Матеј 24:9–11

• Дела 20:28–30

• Галатјаните 1:6–9

• 2 Солуњаните 2:1–12 (Joseph Smith Translation, verses 2, 3, 7–9

• 2 Тимотеј 4:3–4

• 2 Петар 2:1–2

• Амос 8:11–12

Дознајте нешто повеќе за Овој Принцип

• Водич за Светите Писма: „Отпаѓање“

• Тематски водич: „Отпаѓање на Ранохристијанската Црква“

• Евангелски Теми: „Отпаѓање“

Обновувањето на Евангелието на Исус Христос преку Џозеф Смит

Првата Визија и Повикот на Џозеф Смит како Пророк

Во текот на вековите кога полнотата на евангелието на Исус Христос не беше на земјата, Небесниот Отец продолжи да се доближува до Своите чеда. Со тек на времето, Тој подготви начин за повторно да бидат благословени со полнотата на Неговото евангелие. Кога околностите биле соодветни, Тој го повикал Џозеф Смит да биде пророк преку кој евангелието и Црквата на Исус Христос би се обновила.

Џозеф Смит живеел во источниот дел на Соединетите Држави во време на голем религиозен наплив. Членовите на неговото семејство биле посветени на Бога и ја барале вистината. Многу цркви тврделе дека ја имаат вистината, а Џозеф посакувал да знае која била вистинската (види Joseph Smith—History 1:18). Библијата учи дека има „еден Господ, една вера, едно крштавање“ (Ефесјаните 4:5). Иако Џозеф посетувал различни цркви, тој немал јасна визија на која да се приклучи. Тој подоцна кажал:

„Конфузијата и расправиите меѓу различните верски заедници беа толку големи, што беше невозможно млад човек како мене… да дојде до дојде до јасен заклучок кој е во право а кој не. …

„Среде оваа војна на зборови и метеж на судови, често се прашував себе си: Што да правам? Која од сите овие страни е во право; или, дали сите заедно грешат? Ако некоја од нив е во право, која е, и како да знам?“ (Joseph Smith—History 1:8, 10).

Како и мноѓу луѓе, и Џозеф Смит имал прашања за спасението на неговата душа. Тој сакал да му бидат простени гревовите и да биде чист пред Бога. Додека ја барал вистината меѓу различните цркви, тој прочитал во Библијата, „Ако на било кој од вас му недостасува мудрост, нека побара од Бога, кој им дава на сите луѓе великодушно, и не ги осудува; и ќе им биде дадено“ (Јаков 1:5).

Врз основа на овој пасус, Џозеф решил да го праша Бога што да направи. Во пролетта 1820 година, отишол во една шумичка со дрва во близина на неговата куќа и клекнал во молитва. Постојат четири записи за визијата што следела, напишани од Џозеф Смит или од писарот под негово водство (види Евангелски Теми Есеи, „Записи за Првата Визија“). Во записот канонизиран како свето писмо, тој го опишува сопственото доживување на следниот начин:

„Видов столб од светлина точно врз мојата глава, посилен од осветлувањето на сонцето, кој постепено се спушташе додека не падна врз мене. … Кога светлината падна врз мене, видов две Личности, чиј сјај и слава му пркосат на описот, како стојат над мене во воздухот. Едниот од нив ми прозборе, нарекувајќи ме по име и рече, покажувајќи кон другиот—Ова е Мојот Возљубен Син. Него слушај Го!“ (Joseph Smith—History 1:16–17).

Во оваа визија, Бог Отецот и Неговиот Син, Исус Христос, му се појавиле на Џозеф Смит. Спасителот му кажал да не се придружува на ниту една од црквите.

Во друг запис за оваа визија, Џозеф споделил дека Спасителот му го кажал и ова: „Твоите гревови ти се простени. … Еве, јас сум Господ на славата. Бев распнат за светот за сите оние кои ќе поверуваат во моето име да имаат Вечен живот“.

По визијата, Џозеф размислувал, „Душата ми беше исполнета со љубов, и многу денови можев да се радувам со голема радост и Господ беше со мене“ (Joseph Smith History, circa Summer 1832, 3, josephsmithpapers.org; правописот и пунктацијата модернизирани).

Преку оваа визија, Џозеф Смит стана сведок за Исус Христос и научи важни вистини за Божеството. На пример, тој научи дека Небесниот Отец и Исус Христос се ралични суштества. Кога Тие го нарекоа по име, тој дозна дека Тие лично го познаваат. Кога на Џозеф му беше кажано дека е простен, тој дозна дека Бог е милостив. Ова искуство го исполни со радост.

Како што Бог направи со многу претходни пророци, Тој го повика Џозеф Смит да биде пророк преку кој потполноста на евангелието ќе биде обновена на земјата. Оваа обнова би им помогнала на Божјите чеда да најдат радост во овој свет и вечен живот во светот што доаѓа–сето тоа преку Исус Христос.

Запаметете Џозеф Смит—Историја 1:16–17

Запаметете го описот на гледањето на Отецот и Синот од страна на Џозеф Смит (Joseph Smith—History 1:16–17). Секогаш бидете подготвени да ја опишете Првата визија користејќи ги зборовите на Џозеф Смит. Дајте искрено сведоштво за неговата вистина и зошто таа е важна за вас.

Обновувањето на Свештенството и Свештенските Клучеви

По појавата на Отецот и Синот, други небесни гласници биле испратени до Џозеф Смит и неговиот соработник Оливер Каудери. Јован Крстителот му се појавил како воскреснато суштество и им го доделил Ароновото Свештенство и неговите клучеви. Ароновото Свештенство вклучува овластување за крштевање.

Набргу потоа, Петар, Јаков и Јован—тројцата првични Апостоли на Христос—му се појавиле како воскреснати суштества и им го пренеле Мелхиседековото Свештенство и неговите клучеви на Џозеф Смит и Оливер Каудери. Ова свештество го има истото овластување што Христос некогаш им го дал на Неговите Апостоли.

Во Храмот Киртланд, Мојсеј и Илија му се појавиле на Џозеф Смит и Оливер Каудери и им довериле дополнителни овластувања и свештенски клучеви потребни за да се постигне Господовото дело во подоцнежните дни. Мојсеј ги предал клучевите за собирањето на Израел. Илија му го предал начинот на подредување на евангелието на Авраам. Илија му ги предал клучевите на запечатувачка моќ. (Види Учењата и заветите 110:11–16; види и Општ Прирачник, 3.1.)

Организација на Црквата

На Џозеф Смит му беше наложено повторно да ја организира Црквата на Исус Христос на земјата. Преку него Исус Христос повика дванаесет Апостоли.

Пророците од библиски времиња го наведоа времето во кое живееме како последните дни или подоцнежните дни. Тоа е периодот што му претходи на Второто Доаѓање на Исус Христос. Тоа е причината поради која Црквата се нарекува Црквата на Исус Христос на Светците од Подоцнежните Дни (види Учењата и заветите 115:3–4; види и 3 Нефи 27:3–8).

Живите Пророци и Апостоли Денес

Исто како што Исус повикал Апостоли за време на Неговата служба на земјата за да ја водат Црквата, Тој повикува Апостоли да ја водат и денес. Првото Претседателство и Кворумот на Дванаесетте Апостоли се пророци, јасновидци и откровители.

Само најстариот Апостол се нарекува пророк от бидејќи тој претседава со целата Црква и е единствениот овластен да зборува во име на Господ. Тој е овластениот наследник на Џозеф Смит. Тој и сегашните Апостоли го предаваат нивното овластување на Исус Христос во еден непрекинат синџир на обреди што започнал кога Џозеф Смит бил ракоположен под рацете на небесните гласници.

Проучување на Светото писмо

• 2 Нефи 3

• 3 Нефи 27:3-8

• Учењата и Заветите 27:12–13; 112:30–32; 115:4

• Joseph Smith—History 1:68–72

• Дела 3:19–22

• Ефесјаните 4:5

• Јаков 1:5

Дознајте повеќе за Овој Принцип

• Водич за Светите Писма: „Обновување на Евангелието“

• „Обновување на Полнотата на Евангелието на Исус Христос: Двовековен Проглас кон Светот“

• Евангелски Теми: „Обновување на Црквата“, „Обновување на Свештенството“

Книгата на Мормон: Уште едно сведоштво за Исус Христос

Книгата на Мормон е древна збирка записи од свето писмо слична на Библијата. Библијата е едно сведоштво за Исус Христос, а Книгата на Мормон е второ сведоштво за Неговата служба, учења, и мисија како наш Спасител.

Џозеф Смит бил упатен од небесниот гласник по име Морони до ридот каде златните плочи биле сокриени со векови. Овој запис, испишан на златни плочи (тенки метални листови), ги содржи пишувањата на пророците за Божјите однесувања со некои од древните жители на американските земји. Џозеф Смит го превел овој запис преку Божји дар и моќ.

Пророците од Книгата на Мормон знаеле за мисијата на Спасителот и го поучувале Неговото евангелие. Откако Исус воскреснал, Тој им се појавил на овие луѓе и лично им служел. Ги поучувал и ја воспоставил Неговата Црква.

Книгата на Мормон ни помага да се приближиме до Бога додека ги учиме, разбираме и применуваме нејзините учења. Пророкот Џозеф Смит рече дека „еден маж [или жена] би му се приближил на Бога преку придржување до заповедите од [книгата], повеќе од било која друга книга“ (Teachings: Joseph Smith, 64).

За да знаеме дека Книгата на Мормон е словото Божје, треба да ја прочитаме, да размислуваме за неа и да се молиме во врска со неа. Пророк од Книгата на Мормон ветил дека Бог ќе ни ја открие вистината за книгата кога се молиме со искрено срце, со вистинска намера и со вера во Христа (види Морони 10:3–5). Проучувањето на Книгата на Мормон е суштинско за трајна преобразба.

Кога ја читаме Книгата на Мормон и се молиме во врска со неа, дознаваме вистини за Исус Христос што ќе ги благословат нашите животи. Ќе дојдеме и до сознание дека Џозеф Смит бил Божји пророк и дека евангелието и Црквата на Исус Христос биле обновени преку него.

„Ви ветувам дека кога молитвено ја проучувате Книгата на Мормон секој ден, ќе носите подобри одлуки—секој ден. Ви ветувам дека кога размислувате што да проучувате, прозорците на рајот ќе се отворат, и ќе добиете одговори на сопствените прашања и насока во животот. Ви ветувам дека кога секојдневно се задлабочувате во Книгата на Мормон, можете да бидете имуни на секојдневните зла“ (Russell M. Nelson, “The Book of Mormon: What Would Your Life Be Like without It?“ Liahona, Nov. 2017, 62–63).

Увид во Наставата

Претставување на Книгата на Мормон

Кога ги запознаваме луѓето со Книгата на Мормон, објаснуваме дека тоа е свет запис за Божјиот сооднос со некои народи од древните Америкнски земји нешто подолго од едно илјадалетие. Од неа можеме да научиме многу работи што се однесуваат на нашите животи и денес.

Објаснете дека целта на Книгата на Мормон е да се убедат сите луѓе дека Исус е Христос (види насловна страна). Како што вели поднасловот, книгата е „уште едно сведоштво за Исус Христос“. Ветете им на луѓето дека подобро ќе го запознаат Спасителот додека ја читаат.

Кога им давате примерок од Книгата на Мормон, раскажете им за духовната моќ што таа ја донесе во вашиот живот. Споделете еден или два стиха што особено ви значат или што може особено да им значат ним. Во вашето лично или здружено евангелско проучување, Духот ќе ви помогне да најдете стихови што можат да ги подогнат или зајакнат луѓето.

Охрабрувајте ги луѓето да читаат од Книгата на Мормон секој ден. Кога ја читаат и ги применуваат нејзините заповеди, ќе бидат благословени и ќе се чувствуваат поблиску до Бога.

Книгата на Мормон ја Потврдува Вистината за Обновувањето

Може да ја употребите следната формулација за да им помогнете на луѓето да сватат како Книгата на Мормон ја потврдува вистината за Обновувањето на евангелието на Исус Христос:

„Книгата на Мормон е еден начин на кој Бог ми ја потврди вистината за она што го кажавме. Можете ли да ги прочитате последните два пасуси од воведот на книгата?“

Објаснете го значењето на секој концепт во двата пасуси. Поканете ги лицата кои ги подучувате да читаат делови од Книгата на Мормон и да ги применат принципите во овие пасуси. Кога го чувствуваат духот и вистината за Книгата на Мормон, ќе осознаат дека Џозеф Смит бил Божји пророк.

Проучување на Светото Писмо

• Насловна страна од Книгата на Мормон

• Вовед во Книгата на Мормон, пасуси 1–7

• Морони 10:4–5

• Учења и Завети 1:17–23; 20:1–12

• Joseph Smith—History 1:27–62

Дознајте нешто повеќе за Овој Принцип

• Водич за Светите Писма: „Книгата на Мормон“

• Евангелски Теми: „Книгата на Мормон“

Молете се да ја дознаете вистината преку Светиот Дух

Поради тоа што Бог е нашиот Отец, ќе ни помогне да ја препознаеме вистината. Можеме да знаеме дека пораката за Обновување на евангелието на Исус Христос е вистина кога ја читаме Книгата на Мормон и му се молиме на Бога. Кога се молиме со вера и искрена намера, Тој ќе ни одговори на нашите прашања и ќе ги води нашите животи.

Бог обично одговара на нашите молитви преку Светиот Дух. Кога се молиме, Светиот дух нѐ поучува и ни потврдува вистина. Комуникациите од Светиот Дух се моќни. Тие обично доаѓаат како тивко уверување преку нашите чувства, мисли и впечатоци (види 1 Царевите 19:11–12; Хеламан 5:30; Учењата и заветите 8:2).

Редовно проучување на светите писма (особено Книгата на Мормон), неделно присуство во црква и искрената молитва ни помагаат да ја почувствуваме моќта на Светиот Дух и да ја откриеме вистината.

Увид во Наставата

Молитва

Како Џозеф Смит, многу луѓе се во потрага по одговори на важни прашања и за поврзаност со Бога. Споделете како молитвата ви помогна да се чувствувате поблиску до Бога. Споделете како добивате одговори и водство преку проучување и молитва.

Објаснете дека молитвата е двонасочна комуникација со Бог Предложете им на поучуваните да побараат помош и насока од Бога. Една од најважните покани што може да ја упатите е да им предложите на луѓето да се молат. Кога добиваат одговори, ќе спознаат дека се возљубените Божји чеда и дека Тој ќе им помогне.

На многумина од поучуваните ќе им недостасува искство со молитвата. Ваша привилегија е да им помогнете да научат да се молат и да ги внесат благословите на молитва во нивните животи. Молитва е начин за стекнување сведоштво за суховните вистини.

Научете ги луѓето дека молитвата обично се состои од следните делови:

• Почеток со обраќање кон Небесниот Отец.

• Искажете што чувствува вашето срце, како што е благодарост за примените благослови.

• Поставувајте прашања, барајте водство и побарајте ги потребните благослови.

• Завршете велејќи, „Во името на Исус Христос, амин“.

Поканете ги луѓето да се молат кога ја читаат Книгата на Мормон за да им помогне да разберат дека таа е Божје слово и сведочи за Исус Христос.

Кога ги учите луѓето да се молат, користете едноставен јазик што и самите можат да го користат кога се молат. Молитвите нека бидат кратки.

Предложете им на лицата кои ги поучувате да понудат молитва на крајот од лекцијата. Сведочете дека Бог ги слуша и одговара на нивните молитви.

Искрена Намера

Читањето со искрена намера значи да се биде подготвен да се постапува во согласност со доктрината и истата да се вклучи во секојдневниот живот. Молење со искрена намера значи да се биде подготвен да се постапува врз основа на одговорите кои ќе ги добиеме од Бога.

Проучување на Светото писмо

• Морони 10:3–5

• Алма 5:45–46

• Учењата и Заветите 8:2-3

• Јован 14:26

• Вовед во Книгата на Мормон, пасуси 8–9

Дознајте нешто повеќе за Овој Принцип

• Водич за Светите Писма: „Молитва“

• Библиски Речник: „Молитва“

• Евангелски Теми: „Молитва“

Краток до среден План за лекција

Следниот план е урнек за тоа што би можеле да поучите некого доколку имате само малку време. Кога се корсти овој план, изберете едно или повеќе начела кои ќе ги поучувате. Доктринарната основа за секое начело е обезбедена претходно во лекцијата.

Додека предавате, поставувајте прашања и слушајте. Упатете покани што ќе им помогнат на луѓето да научат како да му се приближат на Бога. Важно е лицето да се сретне повторно со вас. Должината на часот ќе зависи од вашите поставени прашања и начинот на слушање.

Што би можеле да им предавате на Луѓето во 3-10 минути

• Бог е нашиот Небесен Отец, и Тој нѐ создаде според неговиот лик. Тој лично нѐ познава и сака. Сака да нѐ благослови со мир и целосна радост што вечно ќе траат.

• Исус Христос е Синот Божји. Негова мисија е да ни овозможи да бидеме исчистени од нашите гревови, да ја надминеме смртта и да добиеме вечен живот.

• Бог повикува пророци за да бидат негови претставници на земјата. Во стари времиња, Тој повикувал пророци како Адам, Ное, Авраам и Мојсеј. Жив пророк добива откровение од Бога за да нѐ поучува и да нѐ води.

• За време на Исусовата смртна служба, Тој ја воспоставува Неговата Црква. По смртта на Исусовите Апостоли, имаше широко распространето отпаѓање од евангелието и Црквата на Исус Христос. Луѓето променија многу евангелски учења и свештенски обреди, како што е крштевањето.

• Исто како што Бог повикувал пророци во минатото, Тој го повика Џозеф Смит да биде пророк. Небесниот Отец и Исус Христос му се појавиле нему. Евангелието на Исус Христос беше обновено преку него.

• Книгата на Мормон е збирка записи од светото писмо. Како и библијата, таа сведочи за Исус Христос и ни помага да му се приближиме на Бога кога секојдневно ја читаме и ги применуваме нејзините начела. Џозеф Смит ја превел со дарот и моќта Божја.

• Преку искрена молитва, можеме да комуницираме со Бога. Можеме да знаеме дека пораката за Обновување на евангелието на Исус Христос е вистина.