Two men sitting together in an office setting. They are looking at a document.

Te U Lava Fēfē ʻo Moʻui Fakafalala Pē Kiate Aú?

ʻOku ʻuhinga ʻa e moʻui fakafalala pē kiate kitá ke ke lava ʻo tokonaki maʻa hoʻo ngaahi tefitoʻi fiemaʻú ʻo ʻikai ha tokoni mei he niʻihi kehé. ʻOku toe ʻuhinga foki ia ʻokú ke feinga ke ako ha ngaahi taukei foʻou ke fakatupulaki ai hoʻo moʻuí. ʻI hoʻo ngāue mo e kau taki ʻo e Siasí mo e kāingalotú, te nau fakafeʻiloaki koe ki ha niʻihi ʻo e ngaahi founga ʻe lava ke tokoni ai ʻa e Siasí. Neongo ia, ʻoku ʻikai ko e Siasí pē ʻokú ne ʻomi ha ngaahi maʻuʻanga tokoni mo ha ngaahi polokalama ke tokoniʻi ʻa e kakaí ke nau moʻui fakafalala lahi ange kiate kinautolu peé. ʻOku tokolahi ha ngaahi kulupu fakakolo ʻoku nau tokoni ki he niʻihi fakafoʻituitui naʻe ngāue pōpula kimuʻá.

Mahalo ʻe faingataʻa ʻa e kumi ngāué. Ako ke ke talanoa tauʻatāina mo moʻoni fekauʻaki mo ho puipuituʻá. Kumi faleʻi mei he kau taki ʻo e Siasí mo kinautolu ʻoku tokoniʻi koé fekauʻaki mo e founga kumi ngāué. ʻAi ke lava ʻa kinautolu te nau ala fakangāueʻi koé ʻo sio ki he ngaahi ola ʻo e tokoni kuo fakahoko fakamuimuitaha kiate koé mo e ngaahi fakamatala fakanounou ʻo hoʻo fakalakalaka mo e mateuteu ki ha ngāué.

Ngaahi Maʻuʻanga Tokoni ʻo e Siasí

• Kumi ʻo e Falelotú

• Ngaahi maʻuʻanga tokoni ʻa e Siasí ki he moʻui fakafalala pē kiate kitá

• Ngaahi Tokoni ʻa e Siasí ki he Maʻuʻanga Ngāué