ʻE Founga Fēfē Haʻaku Kau Ki he Lotú lolotonga ʻoku Maluʻi Angalelei au pe Maluʻi ki Tuʻá?

ʻOku lahi ha ngaahi founga maʻá e niʻihi fakafoʻituitui ʻoku maluʻi angalelei pe maluʻi ki tuʻá ke nau fiefia ʻi he ngaahi tāpuaki ʻo e ongoongoleleí mo fakalakalaka ki he Fakamoʻuí. Kuo ʻoange ki he kau taki ʻo e Siasí ha ngaahi fakahinohino ki he founga ke tokoni aí. (Vakai, Tohi Tuʻutuʻuni Fakakātoa, vahe 32.) Fetuʻutaki ki hoʻo pīsopé pe palesiteni fakakoló ke tokoni atu ke ke palani mo ongoʻi fiemālie. Te ne talitali lelei koe mo tokoni ke tataki koe. Ke tokoni ke mahino ki ho takí ʻa e founga ke tokoniʻi ai koé, fakamatalaʻi kakato ange ho tūkungá, kau ai ha ngaahi fakangatangata fakalao kuo pau ke ke muimui ki ai. ʻE fakapapauʻi ʻe hoʻo pīsopé pe palesiteni fakakoló ʻa e ngaahi sitepu ke ke muimui ai kimuʻa peá ke toki ʻalu ki he ngaahi fakatahaʻanga ʻa e Siasí pea mo fokotuʻu ha ngaahi fakahinohino ki hoʻo kau maí. Kapau naʻe fakangatangata kimuʻa ho ngaahi totonu ko ha mēmipá, ʻe fakapapauʻi ʻe hoʻo pīsopé pe palesiteni fakakoló ʻa e taimi te ke lava ai ʻo foki kakató. ʻIkai ngata aí, fakatokangaʻi ange foki ʻe lava ke fokotuʻu ʻe ha kau ʻōfisa fakalao ʻe niʻihi, hangē ko e kau ʻōfisa maluʻi angaleleí pe tukuange vave ʻi he maluʻī, ha ngaahi fakangatangata ʻi he taimi te ke lava ai ʻo maʻulotú.