Sauniuniga Faafaifeautalai Fetuunai i le Olaga Faafaifeautalai
O lenei vaega o se aotelega o punaoa na e mauaina i luga o le initoneti a o lei ulufale atu i le NAF.
O se mea masani lava mo faifeautalai fou le lagonaina o sina tikeri o le atuatuvale po o le le toafimalie pe a latou tuua aiga, o uo, ma mea na masani ona latou faia. O fesuiaiga masani o siitaga, soa fou, ma tofiga fou o le a manaomia ai foi nisi fetuunaiga. Ia onosai a o e aoao ia iloa faamanuiaga o le tuuto atu ma le atoatoa atili o lou olaga i le Faaola. Manatua, o le a faatasi le Agaga ma oe a o e faia lenei fesuiaiga ma o le a fesoasoani ia te oe i le fetuunai atu i ou tiutetauave fou faafaifeautalai.
Fetuunai i Aafiaga Fou
E pei o le toatele o loo ulufale atu i se tulaga fou, e tele foi ina oo faifeautalai i ni vaega se fa, po o ni tulaga, i le fetuunaiga o o latou lagona pe a latou ulufale atu i le NAF faapea ai foi pe a latou ulufale atu i eria e faamisiona ai:
E Fa Tulaga o Fetuunaiga
|
1 Mea ua Faamoemoeina |
2 Iloaina o Mea e Lei Faamoemoeina |
3 “E Mafai Ona Ou Faia Le Mea Lenei” |
4 Faalagolago o le Tagata Lava Ia i Ona Lava Lagona |
|---|---|---|---|
|
Atonu e te lagonaina le naunau mo le luitau (tagai 1 Nifae 3:7). Atonu e te lagonaina se lagona faateleina o le faamoemoega ma le tuuto atu i le Tama Faalelagi (tagai 3 Nifae 5:13). Atonu e te lagonaina le fiafia ma le tulimatai atu e feiloai ma tagata fou ma oo atu i ni nofoaga fou. |
Atonu e amata ona e misia lou aiga, auaiga, ma uo ma e oo lava i le fesiligia o lau faaiuga e auauna atu (tagai Alema 26:27). Atonu e te matauina ni faailoaga faaletino o le atuatuvale, e pei o le le lelei o le moe, suia o le tausami, po o le maitaitagofie. Atonu e te le faamoemoeina lou faitio ma le le onosai i tulafono ma mea ua faamoemoeina. |
O ou tomai o le gagana ma le aoao atu e amata ona faaleleia. E te aoao ia usitai ma le naunautai i tulafono ma mea ua faamoemoeina e le misiona. E te faaalia le onosai ia te oe lava ia a o e aoaoina le “upu ma le upu” (tagai Isaia 28:10; Mosaea 4:27). E amata ona faaitiitia faailoga faaletino o lou atuatuvale, pe afai o i ai. |
E te lagonaina le toafimalie a o faagasolo ai mea masani o aso taitasi. E te iloaina ou malosiaga ma le alualu i luma patino. E te mauaina se malamalamaaga o le uiga o le ola i le olaga i le tasi le laa i le taimi e tasi (tagai MF&F 98:12). E te atiaeina se talitonuga sili atu o oe lava ia ma se manao faateleina e auauna atu. |
O Mea e Mafai ona E Faia i le Tami Nei
-
Saili ni auala e auauna atu ai i isi. O le galuega faafaifeautalai o se valaauga o auaunaga. Taulai atu i le vaai i fafo atu o ou lava lagona o le le toafimalie e auauna atu ia i latou o loo manaomia se upu agalelei, se faatinoga o le alofa mama, po o le faauoga. (Tagai Talai La’u Talalelei, 182–84.)
-
Talanoa i isi e uiga i lenei fetuunaiga. Faaavanoa se taimi e talanoaina ai fesili nei faatasi ma matua, taitai perisitua, po o uo faifeautalai ua maea mai le misiona:
-
O a ni mea e mafai ona tatou aoaoina mai faataitaiga i tusitusiga paia o le manaomiaina e le Atua o tagata e fai ni mea e sili atu ma mea latou te lagona e mafai ona latou faia? (Tagai Esoto 4:10–12; Ieremia 1:6–9; Alema 17:10–12; 26:27; Eteru 12:23–27; Mose 6:31–32.)
-
Aisea e taua ai le alu e moe ma ala ae i luga i le taimi sa’o, tausisi i meaai paleni lelei, fai soo ia faamalositino, ma faia ni tatalo patino?
-
E mafai faapefea e le tusitusi i se api talaaga ona fesoasoani ia i tatou i taimi o aafiaga luitauina?
-
E mafai faapefea ona tatou tali atu pe a le o ese ia mafaufauga ma lagona atuatuvale?
-
-
Faitau le tusiga o le “Preparing Emotionally for Missionary Service” saunia e Robert K. Wagstaff (i le Ensign, Mar. 2011, 22–26; o loo maua i le initoneti i le LDS.org).
-
Taulai atu e faamalosia lau sootaga ma lou Tama Faalelagi. Saili atu i Lona Agaga e ala i le tatalo patino, suesueina o tusitusiga paia, musika musuia, faitauina o lou faamanuiaga faapeteriaka, ma isi auala ua e iloaina e aoga.
-
Ia e agalelei ia te oe lava ia ma isi. Talanoa ia te oe lava ia i upu lava e tasi e faalaeiau ma agalelei e mafai ona e mafaufauina e faaaogaina e le Faaola. Manatua, o mafaufauga o le le maua o se fesoasoani, leai o se faamoemoe, po o tuuaiga matuia e le mai le Alii.
-
Faamoemoeina o Mea e Le Faamoemoeina. O ou aafiaga o se faifeautalai o le a le tutusa ma aafiaga o le isi tagata. O le a le ogatusa mea uma e pei ona e fuafuaina pe na e mafaufau e tatau ona tupu. O le suesueina o mea e te faamoemoeina o le a fesoasoani lea ia te oe ia maua le loto matala ma taliaina ia suiga.
Aotelega
A o e auauna atu i lau misiona, ia saunia e talia suiga. O le olaga o se faifeautalai o le a foliga mai e ese atu nai lo soo se mea lava ua e oo i ai, ae a e susu mai ma se uiga lelei, faatinoina o le faatuatua i le Alii, ma le muai iloaina o le manaomia o le onosai ia te oe lava ia ma isi, o le a tauia ma faamanuia oe e le Alii. Ia manatua le fautuaga na tuu atu i le Perofeta o Iosefa Samita i se taimi faigata tele o lona olaga: “Ia e iloa lo’u atalii e, o nei mea uma e te maua ai le poto masani, ma o le a avea ma ou lelei” (MF&F 122:7).