Nuhnak nuh ke Orekmakihnyacn Gospel Library App

Lohng

Sie inkacnek wo emet in lutlut ke ma suhmuhslah pa in lohng ma tepiyucki an. Kom kuh in oruh ma se inge ke lohm sum an kuh inkaiyacn acn sahyac. Kom kuh pac in lohng ke muhi kuh suhmuhi ac ke kain in kahs.

Lutlut ke Sifac

Kom kuh in sokwack ma suhmuhslah ke oacna sie sifac ke kom orekmakihn mukwikwi in suk ac na liye koanon suk ma fal la an. Kom kuh pac in orekmakihn ma sihmlac ke Gospel Topics ma use ma suhmuhslah yohk nuh ke sie sifac.

Akiyac ke Sifac

Kom kuh in akiyac koano an ke sifac an ac orekmakihn “Tag” ac “Notebook.” Sifac inge kuh in orekmakihnyuck ke kom ahkolah sramsram se kuh mwet luti se.

Sruhlwaclah in kahlwem

Kom kuh in sruhlwaclah in kahlwem kuh mahkiyac ma suhmuhslah kom an ke kom sulaclah pohlohkahs na sulaclah atacn sihm kac an. Atac an kuh in oracni kain in tuhn ac lainiyac ye kahs an kuh sruhlwaclah in kahlwem.

Oraclah Kuhpahsr

Kom kuh in oraclah kuhpahsr inmahsrlon ma suhmuhslah, pweng ke toeni luhlahp, ac kuhtuh pac koano sahyac. Ma se inge kuh in kahsrwekom in esam ac sa na som nuh ke kuhpahsr ma kom oraclah an.

Suk Kalmac

Fihsrwacsr, kom kuh in sokwack kalmacn sie kahs ke ma suhmuhslah ke kom sulaclah kahs sacn ac tanyac pohtin se ma sihmlac muh “Kalmac.”

Orekmakihn Mwe Puk ac Screen an

Kom kuh in silahklahk fohlohk nuh ke koano suleyucklac ke orekmakihnyacn mwe mahkiyac puk in inkeyac kain in acn ac screen an. Orekmakihnyacn mwe mahkiyac puk an kuh in lwelah kom in inkeyac acn ke kain in sapta ac koano pac sahyac ma kwewana ikack ke pacl se fanna.

Oraclah Schedule se

Kom kuh in oraclah sie plwacn in lutlut ma ac kahsrwekom in mahkiyac kapkapwack lom ke lutlut ke ma suhmuhslah. Kom kuh in oraclah mwe acsmakihn in kahsrwekom in oraclah finsrak ke lutlut lom an. Schedule se kuh in kahsrwekom in ukwe na ke Fahsruh, Fahsr Tukuk ke schedule kuh sifacna riti Puk luhn Mormon.