Efuh Lutlutkihn Ma Suhmuhslah?

Ke kuht oaru in lutlutkihn ma suhmuhslah, kuht fototoyang nuh yurun Jisus Kraist ac kahlwemwack ke wosasuc ac kihsacn iwaclah Lal. Mwet pahluh Nephi el ahkkweye kuht ke inkacnek se inge:

“Ohinge, kowos enenuh in ahkwot nuh met ke luhlahlfongi kuh in Kraist, in oasr kahlwem suwohs luhn finsrak, ac luhngse God ac mwet nuhkwewa. Ohinge, kowos fin ahkwot nuh met, mongo ke kahs luhn Kraist, ac muhtweng ne ke na sahflah, liye, ohinge Pahpah El fahk: Kowos fah moul ma pahtpaht” (2 Nephi 31:20).

Luti ke ma suhmuhslah an fah kahswrekuht in fohlohk nuh yurun Pahpah Tuhmasr Inkuhsrao. Mwet pahluh lasr ke lwen-sahflah uh siyuck sesr in sifacna kuh in suculac lutlutkihn ma inge pacl nuhkwewa. Elos suli kuht in lotwelah ke ma sikyak selos ke ma suhmuhslah ac in orekmakihn sramsram ma sikyak ac mwe lutlut ke ma suhmuhslah nuh ke moul lasr misenge uh, oacna ke Nephi el fahk ke 1 Nephi 19:23. Kwewana mwet pahluh omeet ah ac in pacl inge suli kuht in lutlutkihn ma suhmuhslah ac in “mongo ke kahs luhn Kraist” (2 Nephi 32:3).

Prestuhn Russell M. Nelson el oacyacpac luti ma pwacye yohk srihpac se inge ke “mongo” ke ma suhmuhslah:

“Kalmacn mongo pa yohk liki na in ema. Kalmacn mongo pa in luhngse ema. Kuht luhngse ema ma suhmuhslah ke kuht luti ma inge ke nguhn in engan in sokwack ac oaru in ahkostwen. Ke kuht mongo ke kahs luhn Kriast, ma ingacn sihmlac ‘ke insien mwet’ [Luo Corinth 3:3]. Ma ingacn welah sie ip ke ohiyacsr (“Living by Scriptural Guidance,” Ensign, Nohfohmpuh 2000, 17).

Ke kuht sikaleni na in sifacna kuh suculac lutlut ke ma suhmuhslah, kuht ac sucu lasr uh kuh in kolyuck, loangeyuck, ac karihngihnyuck liki ma upac pucspucs luhn pacl uh.