तपाईंको परिवारको धर्मशास्त्र अध्ययनलाई सुधार गर्ने तरिकाहरू

नियमित पारिवारिक धर्मशास्त्र अध्ययन भनेको तपाईंको परिवारलाई सुसमाचार अध्ययन गर्नमा मद्दत गर्ने महत्वपूर्ण तरिका हो । परिवारको रूपमा तपाईं कति र कति लामो समयसम्म पढ्नुहुन्छ भन्ने कुरा तपाईंका प्रयासहरू निरन्तर हुँदासम्म महत्त्वपूर्ण हुँदैनन् । तपाईंले धर्मशास्त्रको अध्ययनलाई आफ्नो पारिवारिक जीवनको महत्त्वपूर्ण भाग बनाउँदा, तपाईंले आफ्ना परिवारका सदस्यहरूलाई येशू ख्रीष्टको अत्यन्तै निकट आउन र उहाँको शब्दको प्रतिष्ठानमा आफ्ना कथनहरू निर्माण गर्न मद्दत गर्नुहुनेछ ।

निम्न प्रश्नहरूबारे विचार गर्नुहोस्:

• तपाईं परिवारका सदस्यहरूलाई आफैं धर्मशास्त्रहरू पढ्न कसरी प्रोत्साहन गर्न सक्नुहुन्छ ?

• तपाईं आफ्ना परिवार सदस्यहरूलाई उनीहरूले अध्ययन गरिरहेका विचार बाँढ्नका लागि प्रोत्साहन गर्न के गर्न सक्नुहुन्छ ?

• तपाईं प्रत्येक दिनका शिक्षण पलहरूमा धर्मशास्त्रहरूमा अध्ययन गरिरहेका सिद्धान्तहरूलाई कसरी महत्त्व दिन सक्नुहुन्छ ?

घर सुसमाचार अध्ययन र शिक्षणका लागि आदर्श हो भन्ने विषय स्मरण गर्नुहोस् । तपाईं चर्चका कक्षामा सम्भव नहुने तरिकाहरूमा घरमा सुसमाचार अध्ययन गर्न र शिक्षा दिन सक्नुहुन्छ । तपाईंले आफ्नो परिवारलाई धर्मशास्त्रहरूबाट अध्ययन गर्नमा मद्दत गर्ने तरिकाहरूबारे विचार गर्दा सिर्जनात्मक बन्नुहोस् । तपाईंको परिवारको धर्मशास्त्र अध्ययनलाई परिष्कृत गर्न निम्न केही उपायहरूबारे विचार गर्नुहोस् ।

सङ्गीत प्रयोग गर्ने

धर्मशास्त्रहरूमा पढाइएका सिद्धान्तहरूलाई सुदृढ बनाउने गीतहरू गाउनुहोस् ।

अर्थपूर्ण धर्मशास्त्रहरू साझा गर्ने

परिवारका सदस्यहरूलाई उनीहरूले आफ्नो व्यक्तिगत अध्ययनको अवधिमा अर्थपूर्ण लागेका धर्मशास्त्र अनुच्छेदहरू बाँढ्न समय दिनुहोस् ।

तपाईंका आफ्नै शब्दहरू प्रयोग गर्ने

परिवारका सदस्यहरूले तपाईंले अध्ययन गर्नुभएका धर्मशास्त्रहरूबाट के कुरा थाहा पाउनुभयो भनी आफ्नै शब्दमा संक्षिप्त विवरण दिन उहाँहरूलाई निमन्त्रणा दिनुहोस् ।

धर्मशास्त्रहरूलाई आफ्नो जीवनमा लागू गर्ने

धर्मशास्त्रको अनुच्छेद पढेपछि, परिवारका सदस्यहरूलाई आफ्ना जीवनमा अनुच्छेद लागू हुने तरिकाहरूबारे सोध्नुहोस् ।

प्रश्न सोध्ने

परिवार सदस्यहरूलाई सुसमाचार प्रश्न सोध्न निमन्त्रणा गर्नुहोस् र त्यसपछि प्रश्नको जवाफ दिन मद्दत गर्न सक्ने पदहरू खोज्दै समय बिताउनुहोस् ।

कुनै धर्मशास्त्र देखाउने

तपाईंलाई अर्थपूर्ण लाग्ने पद चयन गर्नुहोस् र परिवार सदस्यहरूले यसलाई प्राय: देख्ने ठाउँमा राखेर प्रदर्शन गर्नुहोस् । परिवारका सदस्यहरूलाई प्रदर्शन गर्नका लागि पालैपालो धर्मशास्त्र चयन गर्न निमन्त्रणा गर्नुहोस् ।

धर्मशास्त्रको सूची बनाउने

परिवारको रूपमा, तपाईंले आउँदो हप्ताको अवधिमा छलफल गर्न चाहने विभिन्न पद हरूको छनोट गर्नुहोस् ।

धर्मशास्त्रहरू स्मरण राख्ने

तपाईंको परिवारलाई अर्थपूर्ण हुने धर्मशास्त्रको अनुच्छेद चयन गर्नुहोस् र परिवार सदस्यहरूलाई स्मरण गर्नका लागि यसलाई दैनिक दोहोर्याएर वा खेल खेलेर यसलाई स्मरण गर्न निमन्त्रणा दिनुहोस् ।

वस्तुका पाठहरू साझा गर्ने

पारिवारिक रुपमा तपाईंले गरिरहनुभएका अध्याय र पदहरूसँग सम्बन्धित हुने विषयवस्तुहरू पत्तालगाउनुहोस् । प्रत्येक वस्तु धर्मशास्त्रहरूका शिक्षाहरूसँग कसरी सम्बन्धित छन् भन्नेबारे कुराकानी गर्न परिवार सदस्यहरूलाई आमन्त्रण गर्नुहोस् ।

शीर्षक अनुसार खोजी गर्नुहोस्

परिवारका सदस्यहरूलाई पालै-पालो परिवारले एकसाथ अध्ययन गर्ने विषय छनोट गरेर गर्न दिनुहोस् । विषयबारे धर्मशास्त्रका अनुच्छेदहरू पत्ता लगाउनका लागि प्रासङ्गिक मार्गदर्शक, बाइबल शब्दकोष वा धर्मशास्त्रहरू सम्बन्धी मार्गदर्शक (scriptures.ChurchofJesusChrist.org) प्रयोग गर्नुहोस् ।

तस्बिर कोर्ने

पारिवारिक रुपमा केही पदहरू अध्यन गर्नुहोस् त्यसपछि परिवारका सदस्यहरूलाई तपाईंले अध्यन विषयहरूसँग सम्बन्धित केही विचारहरू लेख्न समय दिनुहोस् । एक-अर्काका चित्रहरू बारे छलफल गरेर समय बिताउनुहोस् ।

कुनै कथाको अभिनय गर्नुहोस् ।

कथा अध्यन गरिसकेपछि, परिवारका सदस्यहरूलाई त्यसको अभिनय गर्न आमन्त्रण दिनुहोस् । त्यसपछि, तपाईंले व्यक्तिगत र पारिवारिक रुपमा अनुभव गरिरहेका विषयवस्तुहरूसँग कथा कसरी सम्बन्धित हुन्छ भन्नेबारे छलफल गर्नुहोस् ।

एल्डर डेभिड ए. बेडनारले: “प्रत्येक परिवारको प्रार्थना, परिवार धर्मशास्त्र अध्ययनको प्रत्येक प्रसङ्ग र प्रत्येक गृह साँझ हाम्रा आत्माहरूका कान्भाहरूमा ब्रशस्ट्रोकमा हो । कसैको पनि घटना एकदमै गम्भीर वा स्मरणीय हुन सक्दैन । तर जसरी पहेंलो र सुन अनि खैरो रङ्गका स्ट्रोकहरूले एकअर्कालाई पूरक बनाउँछन् अनि प्रभावशाली उत्कृष्ट कृति उत्पादन गर्छन्, त्यसैगरी साना देखिने कुराहरूमा हाम्रो निरन्तरताले महत्त्वपूर्ण आध्यात्मिक परिणामहरू ल्याउन सक्छन्। (“घरमा थप उद्यमी र चिन्तित,” लियाहोना, नोभेम्बर २००९, १९–२०) ।