तपाईंको व्यक्तिगत धर्मशास्त्र अध्ययनलाई सुधार गर्ने तरिकाहरू

धर्मशास्त्रमा भगवानको शब्दको आफ्नो अध्ययन परिष्कृत गर्ने केही सामान्य तरिकाहरू यहाँ छन् ।

प्रेरणाका लागि प्रार्थना गर्ने

धर्मशास्त्रहरूमा परमेश्वरशब्द समावेश हुन्छ । तपाईंले तिनीहरूको अध्ययन गर्दा, उहाँको मार्गदर्शनका लागि र तिनीहरूलाई बुझ्न मद्दत गर्न उहाँको आत्मा प्राप्त गर्नका लागि स्वर्गमा रहनुहुने आफ्ना पितालाई अनुरोध गर्नुहोस् ।

येशू ख्रीष्टका बारेमा सत्यहरूको खोजिगर्नुहोस्

धर्मशास्त्रहरूले ख्रीष्ट प्रमाणित गर्ने सबै कुराहरू हामीलाई सिकाउँछन् (हेर्नुहोस् २ नफी ११:४; मोसा ६:६३), त्यसकारण उहाँलाई धर्मशास्त्रहरूका घटना, कथा र शिक्षाहरूमा हेर्नुहोस् । मुक्तिदाता र उहाँलाई कसरी अनुशरण गर्ने भन्नेबारे सिकाउने पदहरूमा ध्यान दिने वा तिनलाई चिन्ह लगाउन बारे विचार गर्नुहोस् ।

प्रेरणादायक शब्द र वाक्यांशहरू खोज्नुहोस्

तपाईं आफूलाई प्रभावित गर्ने धर्मशास्त्रहरूमा आफ्ना लागि विशेष रूपमा लेखिए जस्तै निश्चित शब्द र वाक्यांशहरू पत्ता लगाउन सक्नुहुन्छ । व्यक्तिगत रुपमा तिनीहरू तपाईंका लागि सान्दर्भिक लाग्न सक्छन् र तपाईंलाई प्रेरणा दिन अनि उत्प्रेरित गर्न सक्छन्। आफ्ना धर्मशास्त्रहरूमा तिनीहरूलाई चिह्न लागाउन वा तिनीहरूका बारे अध्ययन जर्नलमा लेख्ने बारे विचार गर्नुहोस् ।

सुसमाचारका सत्यहरू बारे खोजी गर्नुहोस्

कहिलेकाहीँ सुसमाचारका सत्यहरू (प्राय: शिक्षा वा सिद्धान्तहरू भनिन्छ) सिधैं उल्लेख गरिन्छ र कहिलेकाहीँ तिनीहरूलाई उदाहरण वा कथाबाट अन्तर्निहित गरिन्छ । “यी पदहरूमा कस्ता सुसमाचारका सत्यहरू सिकाइन्छ” भनी आफूलाई सोध्नुहोस् ?

आत्माको कुरा सुन्नुहोस्

तपाईंका विचार र अनुभवहरू तपाईंले अध्ययन गरिरहेका विषयहरूसँग असम्बन्धित देखिए तापनि तिनीहरूमा ध्यान दिनुहोस् । यी विचारहरू स्वर्गमा रहनुहुने तपाईंका पिता तपाईंलाई जान्न र महसुस गराउन चाहने पहिलो कुराहरू हुन सक्छन् ।

धर्मशास्त्रलाई तपाईंको जीवनसँग तुलना गर्नुहोस्

तपाईंले अध्ययन गरिरहेका कथा र शिक्षाहरू तपाईंको जीवनमा कसरी लागू हुन्छ भन्ने कुराको विचार गर्नुहोस् । उदाहरणका लागि, “मैले अनुभव गरेका कस्ता अनुभवहरू मैले अध्ययन गरिरहेको कुन कुरासँग समान छ” वा “धर्मशास्त्रहरूमा भएको यो व्यक्तिको उदाहरण कसरी अनुशरण सक्छु” ? भनी आफूलाई आफु स्वयंलाई सोध्न सक्नुहुन्छ

प्रश्नहरू सोध्ने

सुसमाचारका सिद्धान्तहरू बारे प्रश्नहरू सोध्नाले के अध्ययन गर्ने भनी निर्णय गर्नमा मद्दत गर्न सक्छ । तपाईंले धर्मशास्त्रहरूको अध्ययन गर्दा, प्रश्नहरू मष्तिस्कमा पनि आउन सक्छन् । यी प्रश्नहरू तपाईंले पढिरहेको वा तपाईंको सामान्यतया जीवनसँग सम्बन्धित हुन सक्छन् । यी प्रश्नहरूलाई मनन गर्नुहोस् र तपाईं धर्मशास्त्रहरूको अध्ययन गर्न जारी राख्दा जवाफहरू खोज्नुहोस् । तपाईंको अध्ययनपछि, भगवानलाई तपाईंलाई थप के सिकाउनुहुन्छ भनी सोध्नुहोस् र आउँदो घण्टा र दिनमा जवाफहरू हेर्नुहोस् ।

धर्मशास्त्र अध्ययनका मद्दतहरू प्रयोग गर्नुहोस्

तपाईंले अध्ययन गर्दा पदहरूमा अतिरिक्त अन्तरदृष्टिहरू हासिल गर्नका लागि, फुटनोट, स्थानिक मार्गदर्शक, बाइबल शब्दकोष, धर्मशास्त्रहरूमा मार्गदर्शक (scriptures.ChurchofJesusChrist.org) र अन्य अध्ययन मद्दतहरू प्रयोग गर्नुहोस् ।

धर्मशास्त्रका सन्दर्भलाई विचार गर्नुहोस्

तपाईंले धर्मशास्त्रको कुनै सन्दर्भ-परिस्थिति वा धर्मशास्त्रको सेटिङलाई विचार गर्नुभयो भने तपाईंले त्यसबारे अर्थपूर्ण अन्तरदृष्टि पाउन सक्नुहुन्छ। उदाहरणका लागि, अगमवक्ताले उल्लेख गरेका मानिसहरूको पृष्ठभूमि र विश्वासहरू बुझ्नाले तपाईंलाई उहाँका सन्देशहरूको उद्देश्य बुझ्न मद्दत गर्न सक्छ।

आफ्ना विचार र अनुभवहरूलाई रेकर्ड गर्नुहोस्

तपाईंले अध्ययन गर्दै गर्दा आउने विचारहरू रेकर्ड गर्ने धेरै तरिकाहरू छन् । उदाहरणका लागि, तपाईं अर्थपूर्ण शब्द वा वाक्यांश चिन्हित गर्न र आफ्ना धर्मशास्त्रहरूमा आफ्ना विचारहरू नोटका रूपमाा रेकर्ड गर्न सक्नुहुन्छ । तपाईं आफूले प्राप्त गर्ने अन्तरदृष्टि, विचारर अनुभव हरूको जर्नल पनि राख्न सक्नुहुन्छ वा तपाईंलाई मार्गदर्शन गरिएका जवाफहरू सँगैतपाईंको अध्ययन सुरु गर्नुभन्दा अगाडि तपाईंलाई सोधिएका प्रश्न तपाईं रेकर्ड गर्न सक्नुहुन्छ ।

पछिल्ला दिनका अगमवक्ता र प्रेरितहरूका वचनहरू अध्ययन गर्नुहोस्

पछिल्ला दिनका अगमवक्ताहरू र प्रेरितहरूले तपाईंले धर्मशास्त्रमा पत्ता लगाएका सिद्धान्तहरूका बारेमा के सिकाउनुभएको छ अध्ययन गर्नुहोस्। उहाँहरूका सन्देशहरू “साधारणसम्मेलन,” “पत्रपत्रिका” र सुसमाचार पुस्तकालयका अन्य सङ्कलनहरूमा उपलब्ध छन् ।

कथाहरू पढ्ने

धर्मशास्त्रहरूमा कथाहरूका विषय (समय, स्थान, वक्ता र दर्शक) बुझ्न खोज्दै ती कथाहरू अध्ययन गर्नुहोस् । चित्रण गरिएका धर्मशास्त्रका कथाहरू यसका लागि उत्कृष्ट स्रोत हुन्, विशेषगरी धर्मशास्त्रहरूसँग कम परिचित भएका बालबालिका र सदस्यहरूका लागि ।

अन्तरदृष्टिहरू साझा गर्ने

तपाईंको व्यक्तिगत अध्ययनका निरीक्षणहरू छलफल गर्ने भनेको अन्य व्यक्तिहरूलाई सिकाउने र तपाईंले अध्ययन गर्नुभएका विषयहरूका बारेमा तपाईंको बुझाइलाई मजबुत बनाउन मद्दत गर्ने राम्रो तरिका हो ।

आफ्नो अध्ययनअनुसार जिउने

धर्मशास्त्र अध्ययनले हामीलाई प्रेरित गर्न सक्छ र हामीले जिउने तरिका परिवर्तन गर्नमा हामीलाई नेतृत्व गर्न सक्छ । अध्ययन गर्दै जाँदा आत्माले तपाईंलाई के गर्न प्रेरित गर्छ भन्ने कुरा सुन्नुहोस् र त्यसपछि ती प्रोत्साहनका आधारमा कार्य गर्नुहोस् ।