Iango ni Kanakoraoa Am Kamatebwai ni Koroboki Aika Tabu

Aikai tabeua kawai aika a bebete ni katamaroa am kamatebwai n ana taeka te Atua inanon koroboki aika tabu.

Tataro ibukin te Kairi mai Ieta

Koroboki aika a tabu iai inanona ana taeka te Atua. Ngkai ko kamatebwaii, butiia Tamam are i Karawa Ana kairiiri ao butimwaea Tamneina bwa E na buokiko ni mataata iai.

Kakaai Koaua ibukin Iesu Kristo

Koroboki aika tabu a reireiniira bwa bwaai ni kabane a kakoaua Kristo (taraa 2 Nibwaai 11:4; Mote 6:63), ngaia ae kakaea Kristo ni bwaai aika riki, karaki, ao reirei ni koroboki aika tabu. Iangoia n tarai ke ni mwaken kiibu ake a reirei taekan te Tia Kamaiu ao ko na kanga n Iria.

Kakaai Taeka ao Mwakoro n Taeka Aika a Kaunga te Nano

Ko kona ni kunea bwa taeka ao mwakoro n taeka inanon booki aika tabu a taraa ni kakawaki nakoim, ae kanga titebo ma a koreaki bon ibukim. A kona n ae a namakinna n ae e kaineti ao ni kaunga ao n anai nano nakoim. Iangoia ni mwaaken inanon am boki aika tabu ke koroi inanon am boki ni kamatebwai.

Taratarai Koaua n te Euangkerio

N tabetai koaua n te euangkerio (n tainako a atongaki bwa reirei ke tuua) a taekinaki ni kaineti, ao n tabetai a katautauaki rinanon te katooto ke te karaki. Titirakiniko, “Tera koaua n te euangkerio aika reireinaki inanon kiibu aikai?”

Kakauongo nakon te Tamnei

Tarai raoi am iango ao am namakin, e ngae ngke aki irekereke nakon te bwai ae ko warekia. A kona iango akanne n riki bwa bwaai raoi aika e tangiria Tamara are i Karawa bwa ko na reiakin ao n namakin.

Kabotaui Kanoan Koroboki AikaTabu Nakon Maium

Iangoia bwa a na kanga karaki ao reirei inanon booki aika tabu ni kaineti nakon maium. Te katooto, ko kona n titirakiniko, “Tera taneiai aika I a tia ni karekei aika ti tebo ma aika I wareki?” ke “N na kanga n ira ana banna ni katooto te aomata aei inanon koroboki aika tabu?”

Tabekii Titiraki

Katean titiraki iaon te euangkerio e kona ni buokiko n rineia bwa tera ae ko na kamatebwaia. Ngkana ko kamatebwai koroboki aika tabu, a kona n roko titiraki nakon am iango. A kona titiraki aikai ni kaineti nakon te bwai ae ko warekia ke nakon maium ae bwanin. Iangoi titiraki aikai, ao ukorii kaekaaia ngkae ko kamatebwaii koroboki aika tabu. Imwiin am kamatebwai, titiraki bwa tera riki ae e na tangiria te Atua bwa ko na reiakinna, ao ukorii kaekaaia inanon aoa ao boong aika imwaiim.

Kabonganai Scripture Study Helps

Ni karekei nonoori riki n taian kibu aika ko wareki, kabongana te footnotes, te Topical Guide, te Rikitinari n te Baibara, te Kairi nakon Koroboki aiika Tabu (scriptures.lds.org) ao buokan te kamatebwai ake tabeua.

Iangoi Koaua ke Baika Riki inanon Koroboki Aika Tabu

Ko kona ni karekei atatai aika a nano aika uaana ibukin koroboki aika tabu ngkana ko iangoi taekaia—bwaai aika a riki ke te tabo ibukin koroboki aika tabu. Te katooto, atakin aroia ao aia onimaki aomata are e taetae nakoia te burabeti e kona ni buokiko n atai nanon ana rongorongo.

Korei Am Iango ao Am Namakin

A mwaiti kawai aika ko kona ni koroi iai mwiin am namakin aika a roko n am tai ni kamatebwai. Te katooto, ko kona ni mwaakena te taeka ae uaana ke mwakoron taeka ao koroi am iango bwa kabwarabwaraana inanon am boki ni booki aika tabu. Ko kona naba ni kawakina te tieno ibukin atatai aika nano, namakin, ao iango aika ko karekei. Ke, ko kona ni korei titiraki ake iai iroum imwaain moanakin am kamatebwai, n rimwiiaki ma kaekaana ake ko kairaki nako iai.

Kamatebwaia aia Taeka Burabeti ao Abotoro ni Boong Aika Kaitira

Warekia bwa tera aia reirei burabeti ao abotoro ake a tia n reireia n taekan kanoan te reirei are ko a tia ni kunea inanon koroboki aika tabu. Aia rongorongo a tauraoi inanon te “Maungatabu ni Kabuta,” “Maekatiin,” ao bota ni boki ake tabeua inanon te Gospel Library.

Wareki Karaki

Wareki karaki inanon koroboki aika tabu, ukora mataatam ni koaua ke bwaai ake a riki inanona (te tai, te tabo, tia taetae, ao taan ongoraa). Kamataataa n te korotamnei ni koroboki aika tabu bon te bwai ni ibuobuoki ae tamaroa ibukin aio, riki ibukiia ataei ao membwa ake aki rang taneiai ma booki aika tabu.

Tibwauai Atatai Aika a Nano

Maroroakinan atatai aika a nano n am kamatebwai bon te kawai ae tamaroa n reireiniia tabeman ao ni kakorakoraa otam n te bwai ae ko a tia ni warekia.

Maiu man te Bwai ae Ko Reiakinna

Kamatebwaian koroboki aika tabu a na kona ni kairiira ni bitii aron maiura. Kakauongo nakon ana kairoro te Tamnei n te bwai ae ko na karaoia ngkana ko wareware, ao ni motinnanoia bwa ko na karaoi kairoro aikanne.