Pagbansay alang sa mga Pagsukod sa Kahibalo

Ang pagsukod sa kahibalo usa ka importanting bahin sa pagkat-on. Si Elder David A. Bednar sa Korum sa Napulog Duha ka Apostoles mihatag og gibug-aton sa kaimportante sa pagsukod sa kahibalo, sa paagi sa mga pasulit, diha sa proseso sa pagkat-on.

Ang panagsang mga pasulit importante gayod sa pagkat-on. Ang epektibong pasulit makatabang nato sa pagtandi sa unsay atong kinahanglang masayran sa unsay aktwal natong nasayran bahin sa pihong hilisgotan; nakahatag usab kini og sumbanan diin kita makatimbang-timbang sa atong pagkat-on ug paglambo.

Sa samang paagi, ang mga pasulit sa tunghaan sa mortalidad usa ka importanting elemento sa atong mahangturon nga kauswagan. Hinoon, makapaikag, nga ang pulong pasulit dili makita bisan kausa sa mga teksto sa sumbanan nga mga basahon sa Iningles. Hinoon, ang mga pulong sama sa usisaha, susiha, ug sulayi maoy gigamit sa paghulagway sa lain-laing sundanan sa tukmang pagpakita sa atong espirituhanon nga kahibalo, pagsabot, ug debosyon sa mahangturong plano sa kalipay sa atong Langitnong Amahan ug sa atong kapasidad sa pagtinguha alang sa mga panalangin sa Pag-ula sa Manluluwas. (David A. Bednar, “Kita Mosulay Kanila Dinhi,” Liahona, Nob. 2020, 8)

Ang regular nga pagsukod sa kahibalo sa seminary makatabang sa mga estudyante sa ilang espirituhanong kahibalo, pagsabot, ug debosyon ngadto sa Langitnong Amahan ug ni Jesukristo. Kini nga mga matang sa pagsukod sa kahibalo makatabang sa mga estudyante nga mahimong mas nahibalo sa unsay ilang nakat-onan ug sa unsang paagi sila nagtubo.

Kini nga pagkaamgo mahimong magantihon ug makapadasig nga kasinatian ug makadapit og dugang nga personal nga pagpadayag ngadto sa mga kinabuhi sa mga estudyante. Makatabang usab kini sa mga estudyante sa pagmugna og mga plano alang sa umaabot nga pagtubo ug pagkat-on. Pipila ka mga ehemplo sa pagsukod sa kahibalo nga mga kalihokan sa kurikulum sa seminary naglakip og mga leksiyon sa “Pagsukod sa Imong Nakat-onan”, mga leksiyon sa doktrinal nga kahanas (lakip ang mga rebyo sa doktrinal nga kahanas), ug ang mga pagsukod sa pagkat-on alang sa matag katunga sa kurso.

Mga Leksiyon sa “Pagsukod sa Imong Nakat-onan”

Sa matag karon ug unya sa kurikulum sa seminary, makita nimo ang mga leksiyon sa “Pagsukod sa Imong Nakat-onan”. Kini nga mga leksiyon gieskedyul mga matag upat ngadto sa unom ka semana ug naghatag sa mga estudyante og oportunidad sa mainampingong paagi sa pagpamalandong sa ilang pagkat-on. Sa partikular, kini nga mga leksiyon naghatag sa mga estudyante og mga oportunidad sa pagpasabot sa doktrina nga ilang nakat-onan diha sa kurso; pagpamalandong sa ilang mga pagbati, mga kinaiya, ug mga tinguha nga may kalabotan sa plano sa Langitnong Amahan ug sa ebanghelyo ni Jesukristo; ug pagrebyo sa mga plano o mga tumong nga ilang gipaningkamotan aron sa pagpalawom sa ilang pagkadisipulo ug sa ilang pagkakabig ngadto kang Jesukristo. Ang pagpasundayag niini nga mga pagsukod sa kahibalo wala gayod pormal nga marekord sama sa mga pagsukod sa kahibalo sa doktrinal nga kahanas. Kining maumulon nga mga pagsukod sa kahibalo gituyo alang sa kaugalingong kaayohan sa mga estudyante.

Bisan og ang usa ka estudyante responsable gayod sa pagsukod sa ilang kaugalingong pagkat-on niini nga mga leksiyon, ang uban makatabang usab. Ang Espiritu Santo adunay importanteng tahas sa pagtabang sa mga estudyante sa pagsukod sa kahibalo nga sila mismo. Walay mas maayo nga kompanyon kay sa Espiritu Santo sa pagtabang sa mga estudyante nga makakita og maayo sa unsang paagi sila nagkat-on ug nagtubo ug sa unsang paagi sila makapadayon sa paglambo.

Ang mga classmate makatabang sa ilang mga kaedad sa pagsukod sa ilang nakat-onan, ug ikaw usab isip usa ka magtutudlo. Kon ang mga estudyante mopasabot sa doktrina, tingali maayo kini nga higayon sa mga estudyante nga magtinabangay sa pagpraktis sa pagpasabot o pag-role play. Isip usa ka magtutudlo, mahimo kang usa ka maayo nga kapanguhaan sa paghatag og feedback ngadto sa usa ka estudyante sa kalamboan nga ilang gihimo o nanlimbasog sa paghimo. Mahimo kang mo-brainstorm og mga ideya o mopakigbahin og mga kasinatian gikan sa imong kaugalingong kinabuhi aron sa pagtabang og usa ka estudyante. Hinumdomi, bisan pa man, nga kinahanglang dili gayod paaboton nga ang mga estudyante moreport sa ilang mga tumong o mga plano diha nimo. Ang pipila niini nga mga tumong ug mga plano mahimong personal kaayo. Kon ang usa ka estudyante mobati og kakomportable sa pagsaysay sa ilang mga plano o mga tumong diha kanimo, pakigtambag uban kanila, apan ilha usab kon kanus-a ang usa ka estudyante kinahanglan nga i-direkta og balik ngadto sa ilang mga ginikanan o sa ilang bishop o presidente sa branch.

Pagmugna og Pagsukod sa Kahibalo nga Kalihokan alang sa usa ka Leksiyon sa “Pagsukod sa Imong Nakat-onan”

Usahay, magkinahanglan kang mopahiangay sa mga leksiyon sa “Pagsukod sa Imong Nakat-onan” pinaagi sa pagmugna og usa ka bag-o nga pagsukod sa kahibalo nga kalihokan. Tungod sa mga eskedyol sa eskwelahan, tingali adunay usa ka leksiyon nga wala matun-i sa mga estudyante nga ang usa ka “Pagsukod sa Imong Nakat-onan” nga leksiyon sa kurikulum sa seminary nagagikan. O naa tingali usa ka leksiyon nga labi ka makahuloganon alang sa mga estudyante nga wala mahisgoti sa “Pagsukod sa Imong Nakat-onan”. Niini nga mga sitwasyon, magkinahanglan nga imong ilisan ang usa sa mga leksiyon sa kalihokan diha sa “Pagsukod sa Imong Nakat-onan” nga leksiyon sa usa nga imong namugna aron sa pagsukod sa panabot o pag-uswag sa estudyante niana nga hilisgotan.

Ang mosunod nga mga lakang makatabang nimo sa pagmugna og epektibo nga kalihokan sa pagsukod sa kahibalo.

Lakang 1: Sugdi pinaagi sa pag-ila og leksiyon nga gusto nimong i-follow-up. Unsa nga matang sa resulta ang gipunting sa leksiyon?

Mas gipunting ba niini kon unsay nahibaloan ug nasabtan sa mga estudyante? Naghatag ba kini og dugang nga gibug-aton sa mga pagbati, kinaiya, o mga tinguha sa mga estudyante? O basin nakapunting kini kasagaran sa mga gawi sa estudyante? Ang pagkasayod sa matang sa resulta nga gusto nimong itabang nga maangkon sa mga estudyante makatabang kanimo sa pagmugna og mas angay nga pagsukod sa kahibalo nga kasinatian.

Lakang 2: Ikonsiderar unsay mahimo sa mga estudyante aron makatabang kanila nga makita ang ilang pagtubo ug pagkat-on. Hinumdomi nga dili kini usa ka butang nga angay ipakita sa mga estudyante nganha kanimo o sa ubang mga estudyante. Nagkinahanglan lang gyod ni og usa ka butang nga makatabang nila nga makakita sa ilang kaugalingong pag-uswag sa ilang pagkat-on. Ang mga ehemplo mahimong maglakip sa mosunod:

• Mga resulta sa kahibalo ug pagsabot: Ang mga estudyante mahimong motudlo o mopasabot og doktrinal nga konsepto pinaagi sa pagsulti o sa pagsulat. Mahimo kini nga tubag sa usa ka senaryo diin ang mga estudyante makapraktis sa pagpasabot sa doktrina.

• Mga resulta sa mga pagbati, mga kinaiya o mga tinguha: Ang mga estudyante mahimong mousab og buhat sa pagsukod sa kaugalingon gikan sa miaging leksiyon ug ikompara ang ilang mga tubag karon sa mga tubag nga ilang gihatag niadtong gitun-an pa nila ang leksiyon. Mahimo nga kini usa ka entry sa journal nga ilang girebyo o usa ka survey nga ilang gikompleto nga ilang gitubag o`gikompleto pag-usab aron makit-an ang mga kalainan.

• Mga resulta sa gawi: Mahimong morebyo ang mga estudyante unsay gibati nila nga nakadani sa pagbuhat o sa plano nga ilang gimugna isip kabahin sa usa ka leksiyon. Makapamalandong dayon sila kon giunsa nila pagbuhat ang impresyon o pag-implimentar sa plano. Pipila ka matugtanon nga mga estudyante mahimong mopakigbahin sa ilang mga kasinatian kon dili kini kaayo personal. Mahimo gani sila nga makapasundayag og pipila ka gitinguha nga mga gawi sa klase, sama sa paggamit sa app sa FamilySearch Family Tree o pagpakita og kahanas sa pagtuon sa kasulatan.

Lakang 3: Pagmugna og kasinatian sa pagkat-on nga magtugot sa mga estudyante nga makita kon sa unsang paagi sila naglambo ug nagkat-on. Pangita og mga paagi nga mahimo kini nga makapaikag ug makalingaw ug makahatag og daghang panahon alang sa mga estudyante sa pagpamalandong ug pagsukod sa ilang pagtubo. Ang pipila ka estudyante mahimong masagmuyo sa ilang kasamtangang pagtubo. Pagmugna og mga oportunidad nga dili makapakompara sa mga estudyante sa ilang pagtubo ngadto sa uban. Kinahanglan nga daghan og panahon ang mga estudyante sa pagtinguha og tabang gikan sa ilang Amahan sa Langit pinaagi sa Espiritu Santo aron mahibalo nga maayo ra ilang gibuhat ug kon unsaon nila paglambo. Ang mga estudyante kinahanglang mosabot nga kining mga pagsukod sa kahibalo dili gayod isipon nga mao ang kataposan. Hinoon, ang mga estudyante kinahanglang kanunay awhagon sa pagkonsiderar unsa ang sunod nga lakang sa ilang pagkat-on.

Mga Pagsukod sa Kahibalo sa Doktrinal nga Kahanas

Duha ka komprehensibo nga mga pagsukod sa pagkat-on sa seminary maghatag og kahigayonan alang sa mga estudyante sa pagpakita og doktrinal nga kahanas. Ang pasundayag sa estudyante niining duha ka pagsukod sa kahibalo girekord. Bisan og ang mga estudyante nagkinahanglan nga mopasar niining mga pagsukod sa kahibalo aron makadawat og kredito sa seminary alang sa tuig ting-eskwela, makuha gihapon kini nila sa makadaghang higayon kutob sa ilang gusto. Ang mga magtutudlo kinahanglan usab maghimo og makataronganon nga kapahilonaan, human makigtambag uban sa mga ginikanan bahin sa mga panginahanglan sa mga estudyante, kon unsaon sa mga estudyante pagkompleto niini nga mga pagsukod sa kahibalo. Ipahiangay kini nga mga pagsukod sa kahibalo o sa mga paagi nga ang mga estudyante makakompleto niini kon gikinahanglan.

Nalakip sa apendiks sa manwal sa magtutudlo mao ang duha ka rebyo sa pagsukod sa kahibalo sa doktrinal nga kahanas. Kini mao ang mga kasinatian sa lawak-klasehanan nga gidisenyo aron matabangan ang mga estudyante sa pagrebyo og dungan agig pagpangandam alang sa mga pasukod sa mga nakat-onan. Kini nga mga pagrebyo kinahanglan nga buhaton kon mapundok og dungan ang mga estudyante ma-birtwal man o sa personal.

Panapos

Paghunahuna bahin sa mga benepisyo sa pagtabang sa mga estudyante aron sa pagsukod kanunay sa ilang pagkat-on. Ang paghatag og oportunidad sa mga estudyante sa pagpasabot sa doktrina; pagpamalandong sa ilang mga pagbati, mga kinaiya, ug mga tinguha; ug pagrebyo sa mga plano nga ilang gitrabaho makatabang kanila sa ilang mga paningkamot nga mahimong mas mahisama kang Jesukristo. Ang mga leksiyon sa pagsukod sa kahibalo makahatag usab og oportunidad alang sa Espiritu Santo sa pagdasig sa mga estudyante pinaagi sa pagtabang kanila nga mobati nga ang ilang gibuhat maayo ug dasigon sila sa paglambo. Kini nga mga leksiyon mahinungdanon ug kinahanglang itudlo kanunay.