Plano sa Pagbansay alang sa Kurikulum sa Seminary

Kini nga plano sa pagbansay naghatag og mga sugyot alang sa mga coordinator ug mga tigdumala sa programa sa pagtabang sa bag-ong mga magtutudlo sa seminary nga makakompleto sa mga pagbansay sa kurikulum. Gidisenyo kini aron matabangan ang mga magtutudlo nga anam-anam nga makat-on, nga makatabang kanila nga dili mobati nga nabug-atan.

Ikonsiderar ang pagmugna og indibidwal nga plano sa matag magtutudlo aron sa pagtabang kanila sa pagkompleto sa mga pagbansay kon sila andam na. Mas maayo kon awhagon ang mga magtutudlo sa pagsunod og maayo sa kurikulum sa sinugdanan. Sa ilang pagdawat og dugang nga mga pagbansay ug mahimong mas pamilyar sa mga kapanguhaan sa kurikulum, mouswag sila sa ilang abilidad sa pagpahiangay sa kurikulum aron matubag ang mga panginahanglanon sa ilang mga estudyante.

Sa dili pa sila magsugod sa pagtudlo:

• Dapita ang mga magtutudlo sa pagbasa ug pagsunod sa mga instruksiyon diha sa Giya alang sa Dali nga Pagsugod.

• Dapita sila sa pagbasa sa pasiuna sa manwal sa magtutudlo alang sa karon nga tuig.

1–2 ka semana human niana:

• Dapita sila sa pagkompleto sa Pagbansay sa Pagsagop ug Pagpahiangay.

• Pag-eskedyol og panahon sa paghisgot og bisan unsang mga pangutana nga anaa kanila mahitungod kon unsaon sa pagsagop ug sa tukma nga paagi mapahiangay ang kurikulum sa seminary.

2–4 ka semana human niana:

• Dapita sila sa pagkompleto sa Pagbansay sa Doktrinal nga Kahanas.

• Pag-eskedyol og panahon sa paghisgot og bisan unsang pangutana nga sila aduna mahitungod kon unsaon sa pagtabang sa mga estudyante nga makalampos sa doktrinal nga kahanas.

3–6 ka semana human niana:

• Dapita sila sa pagkompleto sa Pagbansay alang sa mga Pagsukod sa Kahibalo.

• Pag-eskedyol og panahon sa paghisgot og bisan unsang pangutana nga sila aduna mahitungod sa mga leksiyon sa “Pagsukod sa Imong Nakat-onan” o sa mga pagsukod sa kahibalo sa doktrinal nga kahanas.