Fuafuaga o Aoaoga mo Mataupu Aoaoina a le Seminare

O lenei fuafuaga faaleaoaoga e tuuina atu ai fautuaga mo taitai faamaopoopo ma taitai o polokalama e fesoasoani ai i faiaoga fou o le seminare e faamae’a ia aoaoga o mataupu aoaoina. Ua mamanuina e fesoasoani i faiaoga e aoao ai mai lea taimi i lea taimi, lea e mafai ona fesoasoani ia i latou ia aua nei lagonaina le lofituina.

Mafaufau e fatu se fuafuaga a le tagata lava ia ma faiaoga taitasi e fesoasoani ia i latou e faamae’a ia aoaoga a’o latou saunia. Atonu e sili atu le uunaia o faiaoga e mulimuli ma le toto’a i le mataupu aoaoina i le amataga. A o latou mauaina aoaoga faaopoopo ma faamasani atili ai i punaoa o loo i le mataupu aoaoina, o le a latou tuputupu a’e i lo latou tomai e fetuunai ai le mataupu aoaoina ina ia ausia ai manaoga o a latou tamaiti aoga.

A o le’i amata ona latou aoao atu:

• Valaaulia faiaoga e faitau ma mulimuli i faatonuga o i le Taiala e Amata Vave Ai.

• Valaaulia i latou e faitau le faatomuaga i le tusi lesona a le faiaoga mo le tausaga nei.

1–2 vaiaso mulimuli ane:

• Valaaulia i latou e faamae’a le Aoaoga o le Talia ma Fetuunai.

• Faatulaga se taimi e talanoaina ai soo se fesili atonu o i ai ia i latou e uiga i le auala e talia ai ma fetuunai ma le talafeagai ia mataupu aoaoina a le seminare.

2–4 vaiaso mulimuli ane:

• Valaaulia i latou e faamae’a le Aoaoga o le Atamai i Aoaoga Faavae.

• Faatulaga se taimi e talanoaina ai soo se fesili atonu o ia i latou e uiga i le auala e fesoasoani ai i tamaiti aoga ia ausia le atamai i aoaoga faavae.

3–6 vaiaso mulimuli ane:

• Valaaulia i latou e faamae’a le Aoaoga o le Iloiloga.

• Faatulaga se taimi e talanoaina ai soo se fesili atonu latou te i ai e uiga i lesona “Iloilo Lou Aoaoina” po o iloiloga o le atamai i aoaoga faavae.